IPL 2023 Auction: ಬೆನ್ ಸ್ಟೋಕ್ಸ್ ಖರೀದಿಸಿದ ಸಿಎಸ್‌ಕೆ ಬಗ್ಗೆ ಅಸಮಾಧಾನ ಹೊರಹಾಕಿದ ಆಕಾಶ್ ಚೋಪ್ರಾ

ನಾಲ್ಕು ಬಾರಿಯ ಐಪಿಎಲ್ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು ಇಂಗ್ಲೆಂಡ್‌ನ ಆಲ್‌ರೌಂಡರ್ ಬೆನ್ ಸ್ಟೋಕ್ಸ್ ಅವರನ್ನು ಐಪಿಎಲ್ ಮಿನಿ ಹರಾಜಿನಲ್ಲಿ 16.25 ಕೋಟಿ ರೂಪಾಯಿಗಳಿಗೆ ಖರೀದಿಸಿದ್ದರಿಂದ ದಿಗ್ಭ್ರಮೆಗೊಂಡಿದ್ದೇನೆ ಎಂದು ಭಾರತದ ಮಾಜಿ ಆರಂಭಿಕ ಆಟಗಾರ ಆಕಾಶ್ ಚೋಪ್ರಾ ಹೇಳಿದ್ದಾರೆ.

ಐಪಿಎಲ್ ಮಿನಿ ಹರಾಜಿನಲ್ಲಿ ಬೆನ್ ಸ್ಟೋಕ್ಸ್‌ಗಾಗಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಅಷ್ಟು ದೊಡ್ಡ ಮೊತ್ತಕ್ಕೆ ಹೋಗುತ್ತಿರುವುದು ನನಗೆ ಸ್ವಲ್ಪ ಆಶ್ಚರ್ಯವಾಗಿದೆ. ಚೆನ್ನೈ ಅವರಿಗೆ ಇಷ್ಟವಾಗುವ ರೀತಿಯ ಮೈದಾನವಲ್ಲ ಎಂದು ಮಾಜಿ ಕ್ರಿಕೆಟಿಗ ಆಕಾಶ್ ಚೋಪ್ರಾ ತಿಳಿಸಿದರು.

IPL 2023: ಈ ವಿಚಾರಕ್ಕಾಗಿ ಐಪಿಎಲ್ ಫ್ರಾಂಚೈಸಿಗಳ ಮೇಲೆ ಬಿಸಿಸಿಐ ಅಸಮಾಧಾನ; ವರದಿ

ಈ ಕುರಿತು ಶುಕ್ರವಾರ ಟ್ವೀಟ್ ಮಾಡಿರುವ ಆಕಾಶ್ ಚೋಪ್ರಾ, "ಚೆಪಾಕ್‌ನ ಎಂಎ ಚಿದಂಬರಂ ಕ್ರೀಡಾಂಗಣದಲ್ಲಿ ಚೆನ್ನೈ ತಂಡದ ಹೋಮ್ ಟ್ರ್ಯಾಕ್ ಬೆನ್ ಸ್ಟೋಕ್ಸ್‌ಗೆ ಸರಿಹೊಂದುವುದಿಲ್ಲ ಎಂದು ಭಾವಿಸುತ್ತೇನೆ ಮತ್ತು ಸಿಎಸ್‌ಕೆ ತಂಡದ ಮ್ಯಾನೇಜ್‌ಮೆಂಟ್ ಬೆನ್ ಸ್ಟೋಕ್ಸ್‌ಗೆ ಅಷ್ಟು ದೂರ ಹೋಗಿದ್ದು ನೋಡಿ ನಾನು ಸ್ವಲ್ಪ ಗೊಂದಲಕ್ಕೊಳಗಾದೆ," ಎಂದು ಬರೆದುಕೊಂಡಿದ್ದಾರೆ.

"ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಬೆನ್ ಸ್ಟೋಕ್ಸ್ ಖರೀದಿಸುವುದಿಲ್ಲ ಮತ್ತು ಅವರಿಗೆ ಭವಿಷ್ಯದ ನಾಯಕನ ಅಗತ್ಯವಿದ್ದರೆ ಕೇನ್ ವಿಲಿಯಮ್ಸನ್ ಕಡೆ ಹೋಗುತ್ತಾರೆ ಎಂದು ನಾನು ಭಾವಿಸಿದ್ದೆ. ಆದರೆ ಅವರು ಸ್ಟೋಕ್ಸ್‌ಗಾಗಿ ಕಷ್ಟಪಟ್ಟರು ಎಂಬ ಅಂಶವನ್ನು ನೋಡಬಹುದು. ಅವರನ್ನು ಧೋನಿಯ ಉತ್ತರಾಧಿಕಾರಿಯನ್ನಾಗಿ ಮಾಡಲು ಮತ್ತು ಸ್ಟೋಕ್ಸ್ ಸುತ್ತ ತಂಡವನ್ನು ನಿರ್ಮಿಸಲು ಬಯಸುತ್ತಿದ್ದಾರೆ," ಎಂದು ಆಕಾಶ್ ಚೋಪ್ರಾ ಶನಿವಾರ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ವಿಡಿಯೋದಲ್ಲಿ ತಿಳಿಸಿದ್ದಾರೆ.

"ನಾನು ಚೆನ್ನೈನಲ್ಲಿನ ಪಿಚ್ ನೋಡಿದಾಗ, ಸ್ಟೋಕ್ಸ್ ಯಾವ ರೀತಿಯ ವಿಧಾನದೊಂದಿಗೆ ಎಲ್ಲಿ ಬ್ಯಾಟ್ ಮಾಡುತ್ತಾರೆ ಎಂದು ನಾನು ಗೊಂದಲಕ್ಕೊಳಗಾಗುತ್ತೇನೆ. ಅವರು ಖಂಡಿತವಾಗಿಯೂ ಡ್ವೇನ್ ಬ್ರಾವೋ ಅವರ ಬದಲಿ ಆಯ್ಕೆ ಅಲ್ಲ. ಏಕೆಂದರೆ ಅವರು ಆ ರೀತಿಯಲ್ಲಿ ಬೌಲ್ ಮಾಡಿಲ್ಲ ಮತ್ತು ಚೆನ್ನೈ ತಂಡದ ಬಳಿ ಯಾವುದೇ ಟಾಪ್ ಇಲ್ಲ. ಸ್ಟೋಕ್ಸ್ 3ನೇ ಮತ್ತು ಮೊಯಿನ್ ಅಲಿ 4ನೇ ಕ್ರಮಾಂಕದಲ್ಲಿ ಆಡಿದರೆ, ರಾಯುಡು, ಜಡೇಜಾ ಮತ್ತು ಧೋನಿ ಅವರಂತಹವರು ಎಲ್ಲಿ ಬ್ಯಾಟ್ ಮಾಡುತ್ತಾರೆ?," ಎಂದು ಆಕಾಶ್ ಚೋಪ್ರಾ ಪ್ರಶ್ನಿಸಿದರು.

ಕೆಲವು ವರ್ಷಗಳ ಹಿಂದೆ ಎಂಎಸ್ ಧೋನಿಯೊಂದಿಗೆ ರೈಸಿಂಗ್ ಪುಣೆ ಸೂಪರ್‌ಜೈಂಟ್ ತಂಡವನ್ನು ಪ್ರತಿನಿಧಿಸಿದ್ದ ಬೆನ್ ಸ್ಟೋಕ್ಸ್, ತಮ್ಮ ಟಿ20 ವಿಶ್ವಕಪ್ ಗೆಲುವಿನ ಅಭಿಯಾನದ ಸಮಯದಲ್ಲಿ ಇಂಗ್ಲೆಂಡ್‌ ತಂಡಕ್ಕಾಗಿ ಮಧ್ಯಮ ಕ್ರಮಾಂಕದಲ್ಲಿ ಆಡಿದ್ದರು.

ಆದರೆ ಮೊಯಿನ್ ಅಲಿ, ಅಂಬಟಿ ರಾಯುಡು, ಶಿವಂ ದುಬೆ ಮತ್ತು ರವೀಂದ್ರ ಜಡೇಜಾ ಅವರಂತಹ ಆಟಗಾರರೊಂದಿಗೆ ಸಿಎಸ್‌ಕೆ ಅವರನ್ನು ಆಡುವ 11ರ ಬಳಗದಲ್ಲಿ ಹೇಗೆ ಹೊಂದಿಸುತ್ತದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಆಕಾಶ್ ಚೋಪ್ರಾ ತಿಳಿಸಿದರು.