ಶೋಯೆಬ್ ಅಖ್ತರ್ ಪಾಲಿನ ಕಷ್ಟದ ಬ್ಯಾಟ್ಸ್‌ಮನ್‌ ಯಾರು ಗೊತ್ತಾ? ಹೆಸರು ಕೇಳಿದ್ರೆ ಅಚ್ಚರಿಗೊಳ್ತೀರಿ!

ಯಾರು ಆ ಬ್ಯಾಟ್ಸ್‌ಮನ್‌?

ವೇಗದ ಬೌಲರ್‌ ಆಗಿದ್ದ ಅಖ್ತರ್ ಎದುರಿಸಲು ದಿಗ್ಗಜ ಬ್ಯಾಟ್ಸ್‌ಮನ್‌ಗಳೇ ಹೆದರುತ್ತಿದ್ದರು ಎಂದಮೇಲೆ ಇನ್ನು ಬೌಲರ್‌ಗಳು ಅಖ್ತರ್‌ಗೆ ಯಾವಲೆಕ್ಕ? ಆದರೆ ಅಖ್ತರ್ ಬೌಲಿಂಗ್ ಮಾಡೋಕೆ ಪರದಾಡುತ್ತಿದ್ದುದು ಬ್ಯಾಟ್ಸ್‌ಮನ್‌ಗೆ ಅಲ್ಲ, ಬೌಲರ್‌ಗೆ. ಅವರೂ ಶ್ರೇಷ್ಠ ಬೌಲರ್ ಅನ್ನೋದು ವಿಶೇಷ. ಅಖ್ತರ್ 46 ಟೆಸ್ಟ್‌ ಪಂದ್ಯಗಳಲ್ಲಿ 178 ವಿಕೆಟ್, 163 ಏಕದಿನ ಪಂದ್ಯಗಳಲ್ಲಿ 247 ವಿಕೆಟ್, 15 ಟಿ20ಐ ಪಂದ್ಯಗಳಲ್ಲಿ 19 ವಿಕೆಟ್ ದಾಖಲೆ ಹೊಂದಿದ್ದಾರೆ.

ಮುತ್ತಯ್ಯ ಮುರಳೀಧರನ್

ಶೋಯೆಬ್ ಅಖ್ತರ್ ಬೌಲಿಂಗ್‌ ಮಾಡೋಕೆ ಕಷ್ಟ ಅನುಭವಿಸುತ್ತಿದ್ದ ಬ್ಯಾಟ್ಸ್‌ಮನ್‌ ಎಂದರೆ ಅದು ಶ್ರೀಲಂಕಾದ ದಿಗ್ಗಜ ಸ್ಪಿನ್ನರ್ ಮುತ್ತಯ್ಯ ಮುರಳೀಧರನ್. ಹೀಗೆಂದು ಅಖ್ತರ್ ಅವರೇ ಹೇಳಿಕೊಂಡಿದ್ದಾರೆ. ಅಖ್ತರ್ ಆಡುತ್ತಿದ್ದ ದಿನಗಳಲ್ಲಿ 11ನೇ ಬ್ಯಾಟಿಂಗ್‌ ಕ್ರಮಾಂಕದಲ್ಲಿ ಬರುತ್ತಿದ್ದ ಮುರಳೀಧರನ್, ಅಖ್ತರ್‌ಗೆ ಬಹಳ ಕಾಟ ಕೊಡುತ್ತಿದ್ದರಂತೆ. ಅವರಿಗೆ ಬೌಲಿಂಗ್ ಮಾಡೋಕೆ ಅಖ್ತರ್‌ಗೆ ಬಲು ಕಷ್ಟ ಅನ್ನಿಸುತ್ತಿತ್ತಂತೆ.

'ನಾನು ತಮಾಷೆ ಮಾಡುತ್ತಿಲ್ಲ'

"ನಾನು ಬೌಲಿಂಗ್ ಮಾಡಿದ್ದರಲ್ಲಿ ನನಗೆ ಬಲು ಕಷ್ಟ ಅನ್ನಿಸುತ್ತಿದ್ದ ಬ್ಯಾಟ್ಸ್‌ಮನ್‌ ಎಂದರೆ ಅದು ಮುತ್ತಯ್ಯ ಮುರಳೀಧರನ್. ನಾನಿದನ್ನು ತಮಾಷೆ ಮಾಡುತ್ತಿಲ್ಲ. 'ನನ್ನನ್ನು ಕೊಲ್ಲಬೇಡ ಎಂದು ಆತ ಒಮ್ಮೆ ನನ್ನಲ್ಲಿ ವಿನಂತಿಸಿಕೊಂಡಿದ್ದ. 'ನಾನು ತೆಳ್ಳಗಿನ ಮನುಷ್ಯ, ನೀನು ಬೌಲ್ಸರ್ ಹಾಕಿದರೆ ನಾನು ಸಾಯಬಹುದು. ಬಾಲ್ ಪಿಚ್ ಮಾಡಿ ಕೊಂಚ ನಿಧಾನಕ್ಕೆ ಹಾಕು. ನಾನೇ ನಿನಗೆ ವಿಕೆಟ್ ಒಪ್ಪಿಸುತ್ತೇನೆ' ಎಂದು ಆತ ಹೇಳಿದ್ದ. ಹೀಗಾಗಿ ಆತನಿಗೆ ಬೌಲಿಂಗ್ ಮಾಡೋದೇ ಬಲು ಕಷ್ಟ ಅನ್ನಿಸುತ್ತಿತ್ತು," ಎಂದು ಸ್ಪೋರ್ಟ್ಸ್‌ಕೀಡಾ ಜೊತೆ ಅಖ್ತರ್ ಹೇಳಿಕೊಂಡಿದ್ದಾರೆ.