ಮುಗ್ಗರಿಸಿದ ಆಸ್ಟ್ರೇಲಿಯಾ: ಪಾಕಿಸ್ತಾನಕ್ಕೆ 373 ರನ್‌ ಜಯ, ಸರಣಿ ವಶ

ಪ್ರತಿರೋಧ ತೋರದ ಕಾಂಗರೂ

ಆರೋನ್ ಫಿಂಚ್-ಟ್ರಾವಿಸ್ ಹೆಡ್ ಮತ್ತು ಮಾರ್ನಸ್ ಲಬುಶ್ಚಗ್ನೆ-ಮಿಚೆಲ್ ಸ್ಟಾರ್ಕ್ ಜೋಡಿ ಅರ್ಧಶತಕದ ಜತೆಯಾಟ ನೀಡಿದ್ದು ಹೊರತುಪಡಿಸಿದರೆ ಆಸ್ಟ್ರೇಲಿಯಾ ತಂಡದಿಂದ ಯಾವುದೇ ಪ್ರತಿರೋಧ ಕಂಡುಬರಲಿಲ್ಲ. ಪಾಕ್ ಬೌಲಿಂಗ್‌ಗೆ ಸಂಪೂರ್ಣ ಸೋತು ತಲೆ ಬಾಗಿತು. ಇದರಿಂದ ಎರಡು ಟೆಸ್ಟ್ ಸರಣಿ ಪಾಕಿಸ್ತಾನ ವಶವಾಯಿತು. ಮೊದಲ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಡ್ರಾ ಸಾಧಿಸಿಕೊಂಡಿತ್ತು.

ಏಕದಿನ ಸರಣಿ: ಕಪಿಲ್ ದಾಖಲೆ ಮುರಿಯಲು ಜಡೇಜ ಸಜ್ಜು

ಅಬ್ಬಾಸ್ ಹತ್ತು ವಿಕೆಟ್

ಮೊದಲ ಇನ್ನಿಂಗ್ಸ್‌ನಲ್ಲಿ 33 ರನ್ ನೀಡಿ 5 ವಿಕೆಟ್ ಕಬಳಿಸಿ ಆಸ್ಟ್ರೇಲಿಯಾದ ಕುಸಿತಕ್ಕೆ ಕಾರಣವಾಗಿದ್ದ ವೇಗಿ ಮೊಹಮ್ಮದ್ ಅಬ್ಬಾಸ್, ಎರಡನೆಯ ಇನ್ನಿಂಗ್ಸ್‌ನಲ್ಲಿಯೂ ಆಸೀಸ್ ತಂಡವನ್ನು ಕಾಡಿದರು. 62 ರನ್‌ ನೀಡಿ 5 ವಿಕೆಟ್ ಕಬಳಿಸಿ ಸೋಲಿಗೆ ಕಾರಣವಾದರು. ಕಳೆದ ಹತ್ತು ವರ್ಷಗಳಲ್ಲಿ ಟೆಸ್ಟ್ ಒಂದರಲ್ಲಿ ಹತ್ತು ವಿಕೆಟ್ ಪಡೆದ ಮೊದಲ ಪಾಕಿಸ್ತಾನದ ವೇಗದ ಬೌಲರ್ ಎನಿಸಿಕೊಂಡರು. ಪಾಕ್ ಗೆಲುವಿಗೆ ಮಹತ್ವದ ಕಾಣಿಗೆ ನೀಡಿದ ಅವರು ಪಂದ್ಯ ಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.

ಮ್ಯಾಚ್ ಫಿಕ್ಸಿಂಗ್ ಆರೋಪ ಒಪ್ಪಿಕೊಂಡ ಪಾಕಿಸ್ತಾನಿ ಸ್ಪಿನ್ನರ್

ಖವಾಜಾಗೆ ಗಾಯ

ಎಡಗಾಲಿನ ಗಾಯಕ್ಕೆ ಒಳಗಾಗಿರುವ ಉಸ್ಮಾನ್ ಖವಾಜಾ, ಎರಡನೆಯ ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್‌ಗೆ ಇಳಿಯಲಿಲ್ಲ. ಮೊದಲ ಟೆಸ್ಟ್‌ನಲ್ಲಿ ಭರ್ಜರಿ ಶತಕ ಬಾರಿಸಿ ಆಸ್ಟ್ರೇಲಿಯಾ ಡ್ರಾ ಸಾಧಿಸುವಲ್ಲಿ ಖವಾಜಾ ಮಹತ್ವದ ಪಾತ್ರ ವಹಿಸಿದ್ದರು. ಎರಡನೆಯ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಅವರಿಂದ ನಿರೀಕ್ಷತ ಆಟ ಕಂಡುಬರಲಿಲ್ಲ. ಆದರೆ, ಎರಡನೆಯ ಇನ್ನಿಂಗ್ಸ್‌ನಲ್ಲಿ ಅವರು ಬ್ಯಾಟಿಂಗ್‌ಗೆ ಇಳಿಯದೆ ಇದ್ದಿದ್ದು, ಆಸ್ಟ್ರೇಲಿಯಾಕ್ಕೆ ತೀವ್ರ ಹೊಡೆತ ನೀಡಿತು.

ಮೀನಖಂಡದ ಗಾಯಕ್ಕೆ ತುತ್ತಾಗಿರುವ ಖವಾಜಾ, ಎರಡನೆಯ ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್ ಮಾಡಲು ಬಯಸಿದ್ದರೂ ನಿಯಮದ ಪ್ರಕಾರ ಅವರು ಏಳನೇ ಕ್ರಮಾಂಕಕ್ಕಿಂತ ಮುನ್ನ ಬ್ಯಾಟಿಂಗ್‌ಗೆ ಬರುವಂತೆ ಇರಲಿಲ್ಲ.

ಸಂಕ್ಷಿಪ್ತ ಸ್ಕೋರ್ ಕಾರ್ಡ್

ಪಾಕಿಸ್ತಾನ ಮೊದಲ ಇನ್ನಿಂಗ್ಸ್: 282/10 (81): ಫಖರ್ ಜಮಾನಾ 94, ಸರ್ಫರಾಜ್ ಖಾನ್ 94, ಯಾಸಿರ್ ಶಾ 28, ನಥಾನ್ ಲಯಾನ್ 78/4, ಮಾರ್ನಸ್ ಲಬುಶ್ಚಗ್ನೆ 45/3, ಮಿಚೆಲ್ ಸ್ಟಾರ್ಕ್ 37/2
ಎರಡನೆಯ ಇನ್ನಿಂಗ್ಸ್: 400/9 (120): ಬಾಬರ್ ಅಜಂ 99, ಸರ್ಫರಾಜ್ ಅಹ್ಮದ್ 81, ಫಖರ್ ಜಮಾನ್ 66, ಅಜರ್ ಅಲಿ 64, ನಥಾನ್ ಲಯಾನ್ 135/4, ಮಾರ್ನಸ್ ಲಬುಶ್ಚಗ್ನೆ 74/2

ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್: 145/10 (50.4): ಆರೋನ್ ಫಿಂಚ್ 39, ಮಿಚೆಲ್ ಸ್ಟಾರ್ಕ್ 34, ಮಾರ್ನಸ್ ಲಬುಶ್ಚಗ್ನೆ 25, ಮೊಹಮ್ಮದ್ ಅಬ್ಬಾಸ್ 33/5, ಬಿಲಾಲ್ ಆಸಿಫ್ 23/3

ಎರಡನೆಯ ಇನ್ನಿಂಗ್ಸ್: 164/10 (49.4) ಆರೋನ್ ಫಿಂಚ್ 31, ಮಾರ್ನಸ್ ಲಬುಶ್ಚಗ್ನೆ 43, ಮಿಚೆಲ್ ಸ್ಟಾರ್ಕ್ 28, ಮೊಹಮ್ಮದ್ ಅಬ್ಬಾಸ್ 62/5, ಯಾಸಿರ್ ಶಾ 45/3.