ಹರ್ಭಜನ್ ಸಿಂಗ್ ದಾಖಲೆಯನ್ನ ಮುರಿದ ಆರ್. ಅಶ್ವಿನ್: ಭಾರತದ 3ನೇ ಗರಿಷ್ಠ ವಿಕೆಟ್ ಟೇಕರ್

ರವಿಚಂದ್ರನ್ ಅಶ್ವಿನ್ ಟೆಸ್ಟ್‌ ರೆಕಾರ್ಡ್‌

ಪಂದ್ಯ: 80*
ಇನ್ನಿಂಗ್ಸ್‌: 150
ವಿಕೆಟ್: 418
ಬೆಸ್ಟ್: 7/59
ಎಕಾನಮಿ: 2.79
5 ವಿಕೆಟ್: 30
10 ವಿಕೆಟ್: 7

ಹರ್ಭಜನ್ ಸಿಂಗ್ ರೆಸ್ಟ್ ರೆಕಾರ್ಡ್‌

ಪಂದ್ಯ: 103
ಇನ್ನಿಂಗ್ಸ್‌: 190
ವಿಕೆಟ್: 417
ಬೆಸ್ಟ್: 8/84
ಎಕಾನಮಿ: 2.84
5 ವಿಕೆಟ್: 25
10 ವಿಕೆಟ್: 5

ಬಹುಕಾಲದ ಗೆಳತಿ ಜೊತೆಗೆ, ಟೀಂ ಇಂಡಿಯಾ ಬೌಲರ್ ಶಾರ್ದೂಲ್ ಠಾಕೂರ್ ನಿಶ್ಚಿತಾರ್ಥ

ಭಾರತದ ಪರ ಅಗ್ರ ಪಟ್ಟಿಯಲ್ಲಿರುವ ಅನಿಲ್ ಕುಂಬ್ಳೆ, ಕಪಿಲ್ ದೇವ್

ಟೀಂ ಇಂಡಿಯಾ ಪರ ಜಂಬೋ ಖ್ಯಾತಿಯ ಲೆಜೆಂಡರಿ ಅನಿಲ್‌ ಕುಂಬ್ಳೆ ಗರಿಷ್ಠ ಟೆಸ್ಟ್ ವಿಕೆಟ್ ಪಡೆದವರಾಗಿದ್ದು, ವಿಶ್ವದಲ್ಲಿ ನಾಲ್ಕನೇ ಗರಿಷ್ಠ ವಿಕೆಟ್ ಟೇಕರ್ ಎಂಬ ಸಾಧನೆ ಇವರಿಗಿದೆ. ವಿಶ್ವಕಪ್ ವಿಜೇತ ಕಪಿಲ್ ದೇವ್ ಭಾರತದ ಪರ ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಎರಡನೇ ಸ್ಥಾನ ಅಲಂಕರಿಸಿದ್ದಾರೆ. ಇವರ ನಂತರದ ಸ್ಥಾನದಲ್ಲಿ ಅಶ್ವಿನ್ ಇದ್ದು, ಕಪಿಲ್ ರೆಕಾರ್ಡ್‌ ಮುರಿಯಲು ಇನ್ನು 16 ವಿಕೆಟ್‌ಗಳಷ್ಟು ಬಾಕಿ ಇದೆ. ಕುಂಬ್ಳೆ ಮತ್ತು ಕಪಿಲ್ ದೇವ್ ಟೆಸ್ಟ್ ವಿಕೆಟ್ ರೆಕಾರ್ಡ್ಸ್‌ ಈ ಕೆಳಗಿದೆ.

ಅನಿಲ್ ಕುಂಬ್ಳೆ
ಪಂದ್ಯ: 132
ಇನ್ನಿಂಗ್ಸ್‌: 236
ವಿಕೆಟ್: 619
ಬೆಸ್ಟ್: 10/74
ಎಕಾನಮಿ: 2.69
5 ವಿಕೆಟ್: 35
10 ವಿಕೆಟ್: 8

ಕಪಿಲ್ ದೇವ್‌
ಪಂದ್ಯ: 131
ಇನ್ನಿಂಗ್ಸ್‌: 227
ವಿಕೆಟ್: 434
ಬೆಸ್ಟ್: 9/83
ಎಕಾನಮಿ: 2.78
5 ವಿಕೆಟ್: 23
10 ವಿಕೆಟ್: 2

ವಿಶ್ವದ ಗರಿಷ್ಠ ವಿಕೆಟ್ ಟೇಕರ್ ಮುರಳೀದರನ್, ಶೇನ್ ವಾರ್ನ್ ಎರಡನೇ ಸ್ಥಾನ

ಟೆಸ್ಟ್ ಕ್ರಿಕೆಟ್‌ನಲ್ಲಿ ವಿಶ್ವದಲ್ಲೇ ಅತಿ ಹೆಚ್ಚು ವಿಕೆಟ್ ಪಡೆದವರಲ್ಲಿ ಶ್ರೀಲಂಕಾದ ಮುತ್ತಯ್ಯ ಮುರಳೀಧರನ್ ಮೊದಲ ಸ್ಥಾನ ಅಲಂಕರಿಸಿದ್ದಾರೆ. ಮುರಳೀಧರನ್ ಟೆಸ್ಟ್‌ ಕ್ರಿಕೆಟ್‌ನಲ್ಲಿ 133 ಪಂದ್ಯಗಳಲ್ಲಿ ಬರೋಬ್ಬರಿ 800 ವಿಕೆಟ್ ಕಬಳಿಸಿದ್ದಾರೆ. 67 ಬಾರಿ ಐದು ವಿಕೆಟ್‌ಗಳ ಗೊಂಚಲು, 22 ಬಾರಿ 10 ವಿಕೆಟ್‌ ಕಬಳಿಸಿ ಅಗ್ರ ಪಟ್ಟ ಅಲಂಕರಿಸಿದ್ದಾರೆ.

ಬೈಕ್ ಅಪಘಾತದಲ್ಲಿ ಗಾಯಗೊಂಡ ಆಸ್ಟ್ರೇಲಿಯಾದ ದಿಗ್ಗಜ ಸ್ಪಿನ್ನರ್ ಶೇನ್ ವಾರ್ನ್

ಮುರಳೀಧರನ್ ನಂತರದ ಸ್ಥಾನದಲ್ಲಿ ಆಸ್ಟ್ರೇಲಿಯಾ ಸ್ಪಿನ್‌ ಮಾಂತ್ರಿಕ ಶೇನ್ ವಾರ್ನ್ ಇದ್ದು, 145 ಪಂದ್ಯಗಳಲ್ಲಿ ವಾರ್ನ್ 708 ವಿಕೆಟ್ ಪಡೆದಿದ್ದಾರೆ. ಇವರು 37 ಬಾರಿ ಐದು ವಿಕೆಟ್ ಗಳಿಸಿದ್ದು, 10 ಬಾರಿ ಪಂದ್ಯವೊಂದರಲ್ಲಿ 10 ವಿಕೆಟ್ ತನ್ನದಾಗಿಸಿಕೊಂಡಿದ್ದಾರೆ.

ಕುಂಬ್ಳೆಯನ್ನ ಹಿಂದಿಕ್ಕಿರುವ ಆ್ಯಂಡರ್ಸನ್

ಕೆಲ ವರ್ಷಗಳ ಹಿಂದಷ್ಟೇ ಇಂಗ್ಲೆಂಡ್ ಅನುಭವಿ ವೇಗಿ ಜೇಮ್ಸ್ ಆ್ಯಂಡರ್ಸನ್ ಅನಿಲ್ ಕುಂಬ್ಳೆರನ್ನ ಹಿಂದಿಕ್ಕಿ ಮೂರನೇ ಸ್ಥಾನ ಪಡೆದಿದ್ದಾರೆ. ಟಾಪ್ 3ನಲ್ಲಿರುವ ಏಕೈಕ ಬೌಲರ್ ಇವರಾಗಿದ್ದು, ಮೊದಲೆರಡು ಸ್ಥಾನಗಳನ್ನ ಸ್ಪಿನ್ನರ್ಸ್ ಅಲಂಕರಿಸಿದ್ದಾರೆ.

ಜೇಮ್ಸ್‌ ಆ್ಯಂಡರ್ಸನ್ 166 ಪಂದ್ಯಗಳಲ್ಲಿ 632 ವಿಕೆಟ್ ಪಡೆದಿದ್ದು, 31 ಬಾರಿ ಐದು ವಿಕೆಟ್ ಮತ್ತು 3 ಬಾರಿ ಹತ್ತು ವಿಕೆಟ್ ಕಬಳಿಸಿದ್ದಾರೆ. ಇನ್ನೂ ಇಂಗ್ಲೆಂಡ್ ಟೆಸ್ಟ್ ತಂಡದ ಭಾಗವಾಗಿರುವ 39 ವರ್ಷದ ಆ್ಯಂಡರ್ಸನ್ ನಿವೃತ್ತಿ ವೇಳೆಗೆ ಮತ್ತಷ್ಟು ವಿಕೆಟ್‌ಗಳನ್ನ ತನ್ನದಾಗಿಸಿಕೊಳ್ಳುವುದರಲ್ಲಿ ಅನುಮಾನವಿಲ್ಲ.