ಕಾಲು ಕೆರೆಯೋದು ನಿಲ್ಲಿಸದ ಅಫ್ರಿದಿ: ಸಚಿನ್-ಅಖ್ತರ್ ಉಲ್ಲೇಶಿಸಿ ಮತ್ತೆ ವಿವಾದ

ಸಚಿನ್ ಇದನ್ನು ಒಪ್ಪಿಕೊಳ್ಳಲ್ಲ

ಸಚಿನ್ ತೆಂಡೂಲ್ಕರ್ ಈ ಮಾತನ್ನು ಸಹಜವಾಗೇ ಒಪ್ಪಿಕೊಳ್ಳಲಾರರು. ಆದರೆ ಶೋಯೆಬ್ ಅಖ್ತರ್ ಎಸೆತಕ್ಕೆ ಸಚಿನ್ ಹೆದರುತ್ತಿದ್ದರು. ಫೀಲ್ಡಿಂಗ್‌ಗಾಗಿ ಕವರ್ಸ್ ಅಥವಾ ಮಿಡ್ ಆಫ್‌ನಲ್ಲಿ ನಿಂತಿರುತ್ತಿದ್ದ ನಾನು ಇದನ್ನು ಬಹಳಷ್ಟು ಸಾರಿ ಗಮನಿಸಿದ್ದೇನೆ. ಅಖ್ತರ್ ಎಸೆತಕ್ಕೆ ಸಚಿನ್ ಪರದಾಡುತ್ತಿದ್ದರು ಎಂದು ಪಾಕ್ ಮಾಜಿ ನಾಯಕ ಅಫ್ರಿದಿ ಮತ್ತೆ ಹೇಳಿಕೆ ನೀಡಿದ್ದಾರೆ.

ಜೈನಾಬ್ ಪ್ರಶ್ನೆಗೆ ಉತ್ತರ

ಪಾಕಿಸ್ತಾನದ ದೂರದರ್ಶನ ನಿರೂಪಕಿ ಜೈನಾಬ್ ಅಬ್ಬಾಸ್ ಜೊತೆಗಿನ ಸಂದರ್ಶನ ವೇಳೆ ಅಫ್ರಿದಿ ಈ ಮಾತನ್ನು ಹೇಳಿದ್ದಾರೆ. 2011ರಲ್ಲಿ ಸಚಿನ್ ಮತ್ತು ಅಖ್ತರ್ ಬಗ್ಗೆ ನೀಡಿದ್ದ ಹೇಳಿಕೆಯನ್ನು ಈಗಲೂ ಸಮರ್ಥಿಸಿಕೊಳ್ಳುತ್ತೀರ ಎಂದು ಜೈನಾಬ್ ಪ್ರಶ್ನಿದರು. ಇದಕ್ಕೆ ಉತ್ತರಿಸಿದ ಅಫ್ರಿದಿ, ಹೌದೆಂಬಂತೆ ಪ್ರತಿಕ್ರಿಯಿಸಿದ್ದಾರೆ.

ಬೆಸ್ಟ್ ಬ್ಯಾಟ್ಸ್‌ಮನ್‌ಗಳೂ ನಡುಗುತ್ತಾರೆ

'ನಾನು ಅಖ್ತರ್ ಎಸೆತಕ್ಕೆ ಹೆದರಿದ್ದೆ ಅಂತ ಸಚಿನ್ ಸಹಜವಾಗಿಯೇ ಹೇಳಲಾರರು. ಆದರೆ ಸಚಿನ್ ಒಬ್ಬರೇ ಅಲ್ಲ, ಅಖ್ತರ್ ಅವರ ಕೆಲವು ಎಸೆತಗಳಿಗೆ ವಿಶ್ವದ ಬೆಸ್ಟ್ ಬ್ಯಾಟ್ಸ್‌ಮನ್‌ಗಳೂ ಕೂಡ ನಡುಗುತ್ತಿದ್ದರು,' ಎಂದು ಶಾಹಿದ್ ವಿವರಿಸಿದ್ದಾರೆ.

ತೆಂಡೂಲ್ಕರ್ ಹೆದರಿದ್ದನ್ನು ನೋಡಿದ್ದೆ

'ನೀವು ಮಿಡ್ ಆಫ್ ಅಥವಾ ಕವರ್ಸ್‌ನಲ್ಲಿ ನಿಂತಿದ್ದಾಗ ನಿಮಗದು ಕಾಣುತ್ತದೆ. ಅಲ್ಲಿ ನಿಂತಿದ್ದಾಗ ನಿಮಗೆ ಬ್ಯಾಟ್ಸ್‌ಮನ್‌ನ ಬಾಡಿ ಲ್ಯಾಂಗ್ವೇಜ್ ಕಾಣುತ್ತದೆ. ಬ್ಯಾಟ್ಸ್‌ಮನ್‌ ಒತ್ತಡದಲ್ಲಿದ್ದಾನೆ ಅನ್ನೋದು ನಿಮಗೆ ಸುಲಭವಾಗಿ ಅರ್ಥವಾಗುತ್ತದೆ. ಸಚಿನ್ ಅವರು ಶೋಯೆಬ್ ಅವರ ಪ್ರತೀ ಎಸೆತಕ್ಕೂ ಹೆದರುತ್ತಾರೆ ಎಂದಲ್ಲ. ಆದರೆ ಕೆಲ ಎಸೆತಗಳಿಗೆ ಹೆದರುತ್ತಿದ್ದರು,' ಎಂದು ಅಖ್ತರ್ ಹೇಳಿದ್ದಾರೆ.