ಶುಭಮನ್ ಗಿಲ್‌ಗೆ ಹುಟ್ಟುಹಬ್ಬದ ಸಂಭ್ರಮ: ಗ್ಲಾಮೊರ್ಗಾನ್‌ ಪರ ಚೊಚ್ಚಲ ಪಂದ್ಯದಲ್ಲೇ 92 ರನ್

ಕುಸಿದ ಗ್ಲಾಮೊರ್ಗಾನ್‌ ತಂಡಕ್ಕೆ ಆಧಾರವಾದ ಶುಭಮನ್

ಕೌಂಟಿ ಚಾಂಪಿಯನ್‌ಶಿಪ್ ಡಿವಿಷನ್ 2 ಪಂದ್ಯದಲ್ಲಿ ವೋರ್ಸೆಸ್ಟರ್‌ಶೈರ್ 9 ವಿಕೆಟ್‌ಗೆ 454 ರನ್ ಗಳಿಸಿ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಮಾಡಿದ ಗ್ಲಾಮೊರ್ಗಾನ್‌ ಬುಧವಾರ ಮೂರನೇ ದಿನದಾಟದ ಅಂತ್ಯಕ್ಕೆ 75.2 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 241 ರನ್ ಗಳಿಸಿದೆ. ಫಾಲೋ ಆನ್ ತಪ್ಪಿಸಲು ಗ್ಲಾಮೊರ್ಗಾನ್‌ಗೆ ಇನ್ನೂ 64 ರನ್‌ಗಳ ಅಗತ್ಯವಿದೆ.

ಗಿಲ್ ಗ್ಲಾಮೊರ್ಗಾನ್‌ಗೆ ತನ್ನದೇ ಆದ ರೀತಿಯ ಕೊಡುಗೆ ನೀಡಿದ್ದಾರೆ. ಮೊದಲ ಚೆಂಡನ್ನು ಮಿಡ್-ಆನ್ ಪ್ರದೇಶದ ಮೂಲಕ ಬೌಂಡರಿಗೆ ಕಳುಹಿಸಿದ ಗಿಲ್‌ ನಂತರ ಜವಾಬ್ದಾರಿಯುತ ಇನ್ನಿಂಗ್ಸ್‌ನೊಂದಿಗೆ ಗ್ಲಾಮೊರ್ಗನ್ ತಂಡವನ್ನ ಹೋರಾಟದಲ್ಲಿ ಉಳಿಸಿಕೊಂಡರು.

ಮೂರನೇ ಕ್ರಮಾಂಕದಲ್ಲಿ ಮಿಂಚಿದ ಗಿಲ್‌

ಡೇವಿಡ್ ಲಾಯ್ಡ್ ತಂಡಕ್ಕೆ ಶುಭಮನ್ ಮೂರನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲು ಬಂದರು. ನಾಲ್ಕನೇ ಓವರ್‌ನ ಕೊನೆಯ ಎಸೆತದಲ್ಲಿ 21 ರನ್‌ಗಳಿಗೆ ಗ್ಲಾಮೊರ್ಗನ್ ನಾಯಕನ ವಿಕೆಟ್ ಕಳೆದುಕೊಂಡ ನಂತರ ಶುಭಮನ್ ತಂಡಕ್ಕೆ ಆಧಾರವಾದ್ರು. ಗಿಲ್ ಗೌಟಾಗುವ ಹೊತ್ತಿಗೆ ಗ್ಲಾಮೊರ್ಗನ್ 66.2 ಓವರ್‌ಗಳಲ್ಲಿ 7 ವಿಕೆಟ್‌ಗೆ 230 ರನ್ ಗಳಿಸಿತು.

281 ನಿಮಿಷಗಳ ಕಾಲ ಕ್ರೀಸ್‌ನಲ್ಲಿದ್ದ ಶುಭಮನ್ ಗಿಲ್ 148 ಎಸೆತಗಳಲ್ಲಿ 92 ರನ್ ಗಳಿಸಿದರು. ಅವರ ಇನ್ನಿಂಗ್ಸ್‌ನಲ್ಲಿ ಎಂಟು ಬೌಂಡರಿ ಮತ್ತು ಒಂದು ಸಿಕ್ಸರ್‌ಗಳಿವೆ. ಶುಭಮನ್ ಮತ್ತು ಎಡ್ಡಿ ಬ್ರಯಾನ್ ಎರಡನೇ ವಿಕೆಟ್ ಜೊತೆಯಾಟದಲ್ಲಿ 82 ರನ್ ಸೇರಿಸಿದರು. ಆರಂಭಿಕ ಆಟಗಾರ ಬ್ರಿಯಾನ್ 92 ಎಸೆತಗಳಲ್ಲಿ 67 ರನ್ ಗಳಿಸಿದರು. ಉಳಿದವರು ಹೇಳಿಕೊಳ್ಳುವಷ್ಟು ರನ್ ಗಳಿಸಲಿಲ್ಲ. ಗಿಲ್ ಎಡ್ ಬರ್ನಾರ್ಡ್ ಅವರಿಂದ ಲೆಗ್ ಬಿಫೋರ್ ಬೌಲ್ಡ್ ಆದರು. ಆದರೆ ಅವರು ಔಟಾದ ಎರಡು ಎಸೆತಗಳ ನಂತರ ಬೆಳಕು ಮಸುಕಾಗಿದ್ದರಿಂದ ಸ್ವಲ್ಪ ಹೊತ್ತು ಆಟ ಸ್ಥಗಿತಗೊಂಡಿತು.

ಆಸಿಫ್ ಅಲಿ ವರ್ತನೆ ಮೂರ್ಖತನ, ಮರ್ಯಾದೆ ಕೊಟ್ಟು ಮರ್ಯಾದೆ ತೆಗೆದುಕೊಳ್ಳಿ ಎಂದ ಅಫ್ಘನ್ ಕ್ರಿಕೆಟರ್

ಹುಟ್ಟುಹಬ್ಬಕ್ಕೂ ಮುನ್ನಾದಿನ ಶತಕ ಮಿಸ್ ಮಾಡಿಕೊಂಡ ಗಿಲ್

ತನ್ನ ಹುಟ್ಟುಹಬ್ಬದ ಮುನ್ನಾದಿನದಂದು, ಗಿಲ್ ಶತಕವನ್ನು ಕಳೆದುಕೊಂಡಿದ್ದರಿಂದ ಸ್ವಲ್ಪ ನಿರಾಶೆಗೊಂಡಿದ್ದಾರೆ. ಆದರೆ ಅವನು ತನ್ನ ಗುರಿಯನ್ನು ಪೂರೈಸಬಲ್ಲೆ ಎಂಬ ತೃಪ್ತಿಯೂ ಇದೆ. ಕೌಂಟಿಯಲ್ಲಿ ಆಡುವುದು ಉತ್ತಮ ಅನುಭವ ಎಂದು ಗಿಲ್ ಹೇಳಿದ್ದಾರೆ. ಕ್ರೀಸ್‌ನಲ್ಲಿ ಸಾಧ್ಯವಾದಷ್ಟು ಸಮಯ ಕಳೆಯುವುದು ಗುರಿಯಾಗಿತ್ತು. ನಮ್ಮ ದೇಶಕ್ಕೆ ಹೋಲಿಸಿದರೆ ಇಲ್ಲಿನ ಪರಿಸರ ತುಂಬಾ ಭಿನ್ನವಾಗಿದೆ. ವಿಶೇಷವಾಗಿ ಮಳೆಯು ಆಟಕ್ಕೆ ಅಡ್ಡಿಪಡಿಸಿದಾಗ ಮತ್ತು ಅದು ಪುನರಾರಂಭಿಸಿದಾಗ, ಪರಿಸ್ಥಿತಿಗಳು ಸವಾಲಾಗಿ ಉಳಿಯುತ್ತವೆ.

ಈ ಅನುಭವ ಇಂಗ್ಲೆಂಡ್ ನೆಲದಲ್ಲಿ ಆಡುವಲ್ಲಿ ಪರಿಣಾಮಕಾರಿಯಾಗಲಿದೆ ಎಂಬ ಆಶಾವಾದವನ್ನೂ ಶುಭಮನ್ ಹೊಂದಿದ್ದಾರೆ. ಅಲ್ಲದೆ ಎದುರಾಳಿ ತಂಡದ ಬೌಲರ್‌ಗಳು ಉತ್ತಮವಾಗಿ ಬೌಲಿಂಗ್ ಮಾಡುತ್ತಿದ್ದು, ಚೆಂಡನ್ನು ಉತ್ತಮ ಸ್ಥಳಗಳಲ್ಲಿ ಇರಿಸಿಕೊಂಡಿದ್ದಾರೆ ಎಂದು ಹೇಳಿದರು. ನಾನು ಮಳೆಗೆ ಮುಂಚೆ ಅಥವಾ ನಂತರ ಹೊರಬಂದೆ ಎಂಬುದು ಮುಖ್ಯವಲ್ಲ, ಆದರೆ ನಾನು ಹೊರಬಂದಾಗ ನಿರಾಶೆ ಉಂಟಾಯಿತು. 92 ರನ್‌ಗಳಿಗೆ ಔಟಾಗಿದ್ದಕ್ಕೆ ನನಗೆ ನಿರಾಸೆಯಾಗಿದೆ. ಆದರೆ ತನ್ನ ಆಟದಿಂದ ಖುಷಿಯಾಗಿದೆ ಎಂದಿದ್ದಾರೆ. ಬಹಳ ಹೊತ್ತು ಕ್ರೀಸ್‌ನಿಂದ ಬ್ಯಾಟಿಂಗ್ ಮಾಡಲು ಸಾಧ್ಯವಾಯಿತು. ಈ ಪಂದ್ಯದ ಅನುಭವದಿಂದ ಕಲಿಯುತ್ತಿರುವ ಶುಭಮನ್ ಗ್ಲಾಮೊರ್ಗಾನ್‌ಗೆ ಮುಂದಿನ ಇನ್ನಿಂಗ್ಸ್‌ನಲ್ಲಿ ಯಶಸ್ವಿಯಾಗಲು ಬಯಸಿದ್ದಾರೆ.

ಅಫ್ಘಾನಿಸ್ತಾನದ ಬೌಲರ್‌ಗೆ ಬ್ಯಾಟ್‌ನಿಂದ ಹೊಡೆಯಲು ಯತ್ನಿಸಿದ ಆಸಿಫ್ ಅಲಿ

ಸ್ಟೇಡಿಯಂನಲ್ಲಿ ಕಿತ್ತಾಡಿ , ಧ್ವಂಸ ಮಾಡಿದ ಅಭಿಮಾನಿಗಳು | Oneindia Kannada

ಶುಭಮನ್‌ ಬರ್ತ್‌ಡೆಗೆ ಶುಭ ಕೋರಿ ಕಾಲೆಳೆದ ಯುವರಾಜ್ ಸಿಂಗ್‌

ಇನ್ನು ತನ್ನದೇ ರಾಜ್ಯದ ಯುವ ಬ್ಯಾಟರ್‌ ಶುಭಮನ್ ಗಿಲ್‌ ಬರ್ತ್‌ಡೇಗೆ ಶುಭ ಕೋರಿರುವ ಭಾರತದ ಮಾಜಿ ಆಟಗಾರ ಸಿಕ್ಸರ್ ಕಿಂಗ್ ಯುವರಾಜ್ ಸಿಂಗ್, ಹುಟ್ಟುಹಬ್ಬಕ್ಕೆ ಶುಭಾಶಯ ಹೇಳಿದ್ದರ ಜೊತೆಗೆ ಕಾಲೆಳೆದಿದ್ದಾರೆ.

"Janamdin mubarak ho shubmangill. ಪಿಚ್‌ನಲ್ಲಿ ನಿಮ್ಮ ಚಾಲನಾ ಕೌಶಲ್ಯವು ರಸ್ತೆಯಲ್ಲಿ ನಿಮ್ಮ ಚಾಲನಾ ಕೌಶಲ್ಯಕ್ಕಿಂತ ಉತ್ತಮವಾಗಿದೆ ಎಂದು ನನಗೆ ಖುಷಿಯಾಗಿದೆ. glamcricket ಗೆ ಆಲ್ ದಿ ಬೆಸ್ಟ್! ಆ ಬ್ಯಾಟ್ ಜ್ವಲಂತವಾಗಿರಲಿ" ಎಂದು ಯುವರಾಜ್ ತಮ್ಮ ಇನ್‌ಸ್ಟಾಗ್ರಾಮ್‌ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಶುಭಮನ್ ಗಿಲ್ ತನ್ನ ಅವಕಾಶಗಳನ್ನು ಅತ್ಯುನ್ನತ ಮಟ್ಟದಲ್ಲಿ ಬಳಸಿಕೊಳ್ಳಲಿ ಎಂದು ಯುವರಾಜ್ ಹಾರೈಸಿದರು ಮತ್ತು ಗ್ಲಾಮೊರ್ಗಾನ್ ಜೊತೆಗಿನ ತನ್ನ ಮೊದಲ ಕೌಂಟಿ ಪಂದ್ಯಕ್ಕೆ ಯಶಸ್ಸನ್ನು ಬಯಸಿದರು.