Click it and Unblock the Notifications
T20 World Cup 2022: ಸೂರ್ಯಕುಮಾರ್ ಬೌಲರ್ಗಳ ಮನಸ್ಸಿನೊಂದಿಗೆ ಆಡುತ್ತಾರೆ; ಪಾಕ್ ಕ್ರಿಕೆಟಿಗ
ಭಾನುವಾರ ರಾತ್ರಿ (ಅಕ್ಟೋಬರ್ 30) ಪರ್ತ್ ಕ್ರೀಡಾಂಗಣದಲ್ಲಿ ನಡೆದ ಟಿ20 ವಿಶ್ವಕಪ್ 2022ರ ಸೂಪರ್ 12ರ ಹಣಾಹಣಿಯಲ್ಲಿ ಕಿಕ್ಕಿರಿದ ಪ್ರೇಕ್ಷಕರ ಮುಂದೆ ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತದ ಸ್ಟಾರ್ ಬ್ಯಾಟರ್ ಸೂರ್ಯಕುಮಾರ್ ಯಾದವ್ ಅತ್ಯುತ್ತಮ ಇನ್ನಿಂಗ್ಸ್ ಆಡಿ ಭಾರತ ತಂಡದ ಮಾನ ಕಾಪಾಡಿದರು.
ಇತರ ಭಾರತೀಯ ಬ್ಯಾಟರ್ಗಳು ಒಬ್ಬರ ಹಿಂದೆ ಒಬ್ಬರು ವಿಕೆಟ್ ಒಪ್ಪಿಸುತ್ತಿದ್ದರು ಮತ್ತು ರನ್ ಗಳಿಸಲು ಹೆಣಗಾಡುತ್ತಿದ್ದ ಸಂದರ್ಭವದು. ನಾಯಕ ರೋಹಿತ್ ಶರ್ಮಾರಿಂದ ಹಿಡಿದು ವಿರಾಟ್ ಕೊಹ್ಲಿವರೆಗೆ ಎಲ್ಲರೂ ಪರ್ತ್ ಟ್ರ್ಯಾಕ್ನ ಬೌನ್ಸ್ ಮತ್ತು ವೇಗದ ಬೌಲಿಂಗ್ ದಾಳಿಗೆ ಸಿಲುಕಿ ವಿಫಲರಾದರು.
ಈ ವೇಳೆ ಸೂರ್ಯಕುಮಾರ್ ಯಾದವ್ ಬ್ಯಾಟಿಂಗ್ಗೆ ಬಂದಾಗ ಭಾರತ ತಂಡವು ಸಂಕಷ್ಟದಲ್ಲಿತ್ತು. ನಂತರ ಸೂರ್ಯಕುಮಾರ್ ಏಕಾಂಗಿಯಾಗಿ ಭಾರತವನ್ನು 20 ಓವರ್ಗಳಲ್ಲಿ 133/9 ಸುರಕ್ಷಿತ ಮೊತ್ತಕ್ಕೆ ಕೊಂಡೊಯ್ದರು. ಒಂದು ಹಂತದಲ್ಲಿ ಭಾರತ 49 ರನ್ಗೆ 5 ವಿಕೆಟ್ ಕಳೆದುಕೊಂಡು 100 ರನ್ ತಲುಪುವುದು ಕಷ್ಟವೆನಿಸಿತ್ತು. ಆಗ ನಿಧಾನವಾಗಿ ಇನ್ನಿಂಗ್ಸ್ ಕಟ್ಟಿದ ಸೂರ್ಯಕುಮಾರ್ ಯಾದವ್ ಭಾರತ ಗಳಿಸಿದ ಒಟ್ಟು 133 ರನ್ಗಳಲ್ಲಿ ಅವರು 68 ರನ್ ಗಳಿಸಿದರು, ಇದು ಒಟ್ಟು ರನ್ಗಳ ಅರ್ಧಕ್ಕಿಂತ ಹೆಚ್ಚು.
ವಿಶ್ವದ ಅತ್ಯುತ್ತಮ ಬ್ಯಾಟರ್ ಸೂರ್ಯಕುಮಾರ್ ಯಾದವ್
ಭಾರತ ತಂಡಕ್ಕೆ ಮೊದಲ ಬಾರಿಗೆ ಪಾದಾರ್ಪಣೆ ಮಾಡಿದ ನಂತರ, ಸೂರ್ಯಕುಮಾರ್ ಯಾದವ್ ಅವರ ಮಾರ್ಕೆಟ್ ನಾಟಕೀಯವಾಗಿ ಏರಿದೆ. ಟಿ20 ಕ್ರಿಕೆಟ್ನಲ್ಲಿ ಮಧ್ಯಮ ಕ್ರಮಾಂಕದ ಬ್ಯಾಟರ್ನನ್ನು ಅತ್ಯಂತ ಕಡಿಮೆ ಸ್ವರೂಪಕ್ಕೆ ಬಂದಾಗ 'ವಿಶ್ವದ ಅತ್ಯುತ್ತಮ ಬ್ಯಾಟರ್' ಎಂದು ಅನೇಕ ಮಾಜಿ ಕ್ರಿಕೆಟಿಗರು ಹೇಳಿದ್ದಾರೆ.
ಸೂರ್ಯಕುಮಾರ್ ಭಾರತದಲ್ಲಿ ಮಾತ್ರವಲ್ಲದೆ ದೇಶದ ಗಡಿಯಾಚೆಯಿಂದಲೂ ಅಭಿಮಾನಿಗಳಿಂದ ಮೆಚ್ಚುಗೆ ಗಳಿಸಿದ್ದಾರೆ. ಇವರಲ್ಲಿ ಪಾಕಿಸ್ತಾನದ ಹಿರಿಯ ಕ್ರಿಕೆಟಿಗ ಶೋಯೆಬ್ ಮಲಿಕ್ ಕೂಡ ಸೂರ್ಯಕುಮಾರ್ ಯಾದವ್ ಅವರು ಹೊಡೆಯುವ ವಿವಿಧ ಶಾಟ್ಗಳಿಗೆ ಮತ್ತು ಬೌಲರ್ನ ಮನಸ್ಸಿನೊಂದಿಗೆ ಆಡುತ್ತಾರೆ ಎಂದು ಹೊಗಳಿದ್ದಾರೆ.
ಎ ಸ್ಪೋರ್ಟ್ಸ್ನಲ್ಲಿ ಮಾತನಾಡುತ್ತಾ, ಪಾಕಿಸ್ತಾನದ ಕ್ರಿಕೆಟ್ ದಿಗ್ಗಜರಾದ ಶೋಯೆಬ್ ಮಲಿಕ್ ಮತ್ತು ವಾಸಿಂ ಅಕ್ರಮ್ ಅವರು ಸ್ಕೂಪ್ ಮತ್ತು ಲ್ಯಾಪ್ ಶಾಟ್ಗಳನ್ನು ಪರಿಪೂರ್ಣವಾಗಿ ಕಾರ್ಯಗತಗೊಳಿಸಲು ಬೌಲರ್ನಿಂದ ವೇಗ ಮತ್ತು ಬೌನ್ಸ್ ಅನ್ನು ಹೇಗೆ ಬಳಸಿಕೊಳ್ಳುತ್ತಾರೆ ಎಂಬುದನ್ನು ಚರ್ಚಿಸಿದರು.
ಸೂರ್ಯಕುಮಾರ್ ಯಾದವ್(SKY) ವಿಭಿನ್ನವಾಗಿದ್ದಾರೆ
"ಸೂರ್ಯಕುಮಾರ್ ಯಾದವ್ ಆಡುವ ಶಾಟ್ ಅದ್ಭುತವಾಗಿದೆ, ಅವನು ಊಹೆಗೂ ಮೀರಿ ಹಿಂದೆ ಹೊಡೆಯುತ್ತಾನೆ. ಅವನ ತಂತ್ರವು ಎಷ್ಟು ಉತ್ತಮವಾಗಿದೆ ಎಂದರೆ, ಅವನು ಆ ಎತ್ತರವನ್ನು ಪಡೆಯದಿದ್ದರೂ, ಅವನು ಆ ಶಾಟ್ ಅನ್ನು ನಿರ್ವಹಿಸುತ್ತಾನೆ," ಎಂದು ಪಾಕಿಸ್ತಾನ ಮಾಜಿ ಕ್ರಿಕೆಟಿಗ ಶೋಯೆಬ್ ಮಲಿಕ್ ಹೇಳಿದರು.
"ಸೂರ್ಯಕುಮಾರ್ ಯಾದವ್(SKY) ವಿಭಿನ್ನವಾಗಿದ್ದಾರೆ ಅಲ್ಲವೇ? ಯುವಕರು ಕಲಿಯಬೇಕಾದ ರೀತಿಯ ಹೊಡೆತಗಳು ಇವು," ಎಂದು ಇನ್ನೊಬ್ಬ ಪಾಕಿಸ್ತಾನ ತಂಡದ ಮಾಜಿ ನಾಯಕ ವಾಸಿಂ ಅಕ್ರಮ್ ಹೇಳಿದರು.
ಇದಕ್ಕೆ ಪ್ರತಿಕ್ರಿಯಿಸಿದ ಶೋಯೆಬ್ ಮಲಿಕ್, "ಯುವಕರು ಸಿದ್ಧರಿದ್ದರೆ ಸೂರ್ಯಕುಮಾರ್ ಯಾದವ್ ಅವರಿಂದ ಸಂಪೂರ್ಣವಾಗಿ ಕಲಿಯಬಹುದು. ಅವರು ಸಾಧಿಸಲು ಗುರಿಯನ್ನು ಹೊಂದಿರಬೇಕು. ಹಾಗೆ ಮಾಡಲು ಅವರು ಕಠಿಣ ಪರಿಶ್ರಮವನ್ನು ಸಹ ಮಾಡಬೇಕಾಗುತ್ತದೆ," ಎಂದರು.
ಬೌಲರ್ಗಳ ಮನಸ್ಸಿನೊಂದಿಗೆ ಆಡುವುದು ಬಹಳ ಮುಖ್ಯ
"ಸೂರ್ಯಕುಮಾರ್ ಯಾದವ್ ಬೌಲರ್ನ ಮನಸ್ಸಿನೊಂದಿಗೆ ಆಡುತ್ತಾನೆ, ಅವನು ಶಾರ್ಟ್ ಬಾಲ್ಗಳಲ್ಲಿ ಸ್ಕೋರ್ ಮಾಡಲು ಆಲೋಚಿಸುತ್ತಾನೆ. ಬಹುಶಃ ಬೌಲರ್ ಪೂರ್ಣವಾಗಿ ಬೌಲ್ ಮಾಡುತ್ತಾನೆ. ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ಗಳು ಬೌಲರ್ಗಳ ಮನಸ್ಸಿನೊಂದಿಗೆ ಆಡುವುದು ಬಹಳ ಮುಖ್ಯ," ಎಂದು ಶೋಯೆಬ್ ಮಲಿಕ್ ತಿಳಿಸಿದರು.
ಪರ್ತ್ನಲ್ಲಿ ಸೂರ್ಯಕುಮಾರ್ ಯಾದವ್ ಕಠಿಣವಾಗಿ ಔಟಾಗಬಹುದೆಂದು ಶೋಯೆಬ್ ಮಲಿಕ್ ನಿರೀಕ್ಷಿಸಿದ್ದರು. ಆದರೆ 32 ವರ್ಷ ವಯಸ್ಸಿನ ಸೂರ್ಯಕುಮಾರ್ ಯಾದವ್ ಬ್ಯಾಟ್ನೊಂದಿಗೆ ಮಿಂಚಿದರು. ಸಂಕಷ್ಟ ಪರಿಸ್ಥಿತಿಯಲ್ಲಿಯೂ 40 ಎಸೆತಗಳಲ್ಲಿ 68 ರನ್ ಗಳಿಸಿ ಭಾರತ ತಂಡವು ಬೋರ್ಡ್ನಲ್ಲಿ 133 ರನ್ಗಳನ್ನು ಹಾಕಲು ಸಹಾಯ ಮಾಡಿದರು. ಆದಾಗ್ಯೂ, ಭಾರತದ ಕಳಪೆ ಫೀಲ್ಡಿಂಗ್ನಿಂದಾಗಿ ಏಡನ್ ಮಾರ್ಕ್ರಾಮ್ ಮತ್ತು ಡೇವಿಡ್ ಮಿಲ್ಲರ್ ಅರ್ಧಶತಕಗಳನ್ನು ಗಳಿಸುವುದರೊಂದಿಗೆ ದಕ್ಷಿಣ ಆಫ್ರಿಕಾ ಗುರಿಯನ್ನು ಬೆನ್ನಟ್ಟಿತು.
Story first published: Monday, October 31, 2022, 10:29 [IST]
Other articles published on Oct 31, 2022
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+