ಫ್ರೆಂಚ್ ಓಪನ್ : ಭಾರತದ ಸಾಧನೆ ಹಿನ್ನೋಟ, ಬೋಪಣ್ಣ ಹೊಸ ಎಂಟ್ರಿ!

ಚೊಚ್ಚಲ ಗ್ರ್ಯಾನ್ ಸ್ಲಾಮ್ ಗೆದ್ದ ಬೋಪಣ್ಣ

ರೋಹನ್ ಬೋಪಣ್ಣ ಹಾಗೂ ಗೇಬ್ರಿಯೆಲಾ ದಬ್ರೋವಸ್ಕಿ ಜೋಡಿ ಎದುರು ಜರ್ಮನಿಯ ಅನ್ನಾ ಲೆನಾ ಗ್ರೊಯಿನೆಫೆಲ್ಡ್ ಹಾಗು ಕೊಲಂಬಿಯಾದ ರಾಬರ್ಟ್ ಫರಾ ಅವರು 2-6, 6-2, 12-10 ರಲ್ಲಿ ಸೋಲು ಕಂಡಿದ್ದಾರೆ. ಇಲ್ಲಿ ತನಕ2011, 2014 ಹಾಗೂ 2016ರ ಕ್ವಾರ್ಟರ್ ಫೈನಲ್ ತಲುಪಿದ್ದು ಇಲ್ಲಿತನಕದ ಶ್ರೇಷ್ಠ ಸಾಧನೆಯಾಗಿತ್ತು.

ಮಾರ್ಟಿನಾ ಹಿಂಗೀಸ್ ಹಾಗೂ ಲಿಯಾಂಡರ್

ಲಿಯಾಂಡರ್ ಪೇಸ್ ಅವರು ಫ್ರೆಂಚ್ ಓಪನ್ ನಲ್ಲಿ ಉತ್ತಮ ಸಾಧನೆ ತೋರಿದ ಭಾರತೀಯ ಟೆನಿಸ್ ಪಟು. 4 ಬಾರಿ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದು, 3 ಬಾರಿ ಡಬಲ್ಸ್ ಹಾಗೂ ಒಂದು ಬಾರಿ ಮಿಶ್ರ ಡಬಲ್ಸ್ ಗೆದ್ದುಕೊಂಡಿದ್ದಾರೆ. 2 ಬಾರಿ ಮಹೇಶ್ ಭೂಪತಿ ಜತೆ ಜೋಡಿಯಾಗಿದ್ದರು.

ಮಹೇಶ್ ಭೂಪತಿ

ಲಿಯಾಂಡರ್ ಪೇಸ್ ನಂತರ ಫ್ರೆಂಚ್ ಓಪನ್ ನಲ್ಲಿ ಮಹೇಶ್ ಭೂಪತಿ ಅವರು ಉತ್ತಮ ಸಾಧನೆ ತೋರಿದ್ದಾರೆ. ಮಹೇಶ್ ಕೂಡಾ 4 ಬಾರಿಫ್ರೆಂಚ್ ಓಪನ್ ಪ್ರಶಸ್ತಿ ಗೆದ್ದಿದ್ದಾರೆ. 2 ಬಾರಿ ಪೇಸ್ ಜತೆಗೂಡಿ ಪುರುಷರ ಡಬಲ್ಸ್ ಹಾಗೂ 2 ಬಾರಿ ಮಿಶ್ರ ಡಬಲ್ಸ್ ಗೆದ್ದಿದ್ದಾರೆ.

ಸಾನಿಯಾ ಮಿರ್ಜಾ

ಮಹಿಳಾ ಟೆನಿಸ್ ಗಾರ್ತಿಯಾಗಿ ಭಾರತದ ಅಗ್ರಗಣ್ಯರಾಗಿ ಸಾನಿಯಾ ಮಿರ್ಜಾ ಹೊರಹೊಮ್ಮಿದ್ದಾರೆ. ಮಹೇಶ್ ಭೂಪತಿ ಜತೆಗೂಡಿ 2012ರಲ್ಲಿ ಮಿಶ್ರ ಡಬಲ್ಸ್ ಗೆದ್ದುಕೊಂಡಿದ್ದಾರೆ.