ಸೂಪರ್ 'ಸೈನಾ' ವೃತ್ತಿ ಜೀವನ ಸಾಧನೆ ಕಿರುನೋಟ

ಭಾರತದ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್ ಇಂಡಿಯಾ ಓಪನ್‌ ಸೂಪರ್‌ ಸರಣಿ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದ್ದಾರೆ. ವಿಶ್ವದ ನಂಬರ್ 1 ಆಟಗಾರ್ತಿ ಪಟ್ಟಕ್ಕೆ ಏರುವ ಮೂಲಕ ಇತಿಹಾಸ ಸೃಷ್ಟಿಸಿದ್ದಾರೆ.

ಇತ್ತೀಚೆಗೆ ಸಿರಿ ಫೋರ್ಟ್‌ ಸ್ಪೋರ್ಟ್‌ ಕ್ರೀಡಾ ಸಂಕೀರ್ಣದಲ್ಲಿ ನಡೆದ ಸಿಂಗಲ್ಸ್‌ ವಿಭಾಗದ ಫೈನಲ್‌ ಹೋರಾಟದಲ್ಲಿ ಸೈನಾ 21-16, 21-14ರಲ್ಲಿ ಥಾಯ್ಲೆಂಡ್‌ನ ರಚಾನೊಕ್‌ ಇಂಟಾನೊನ್‌ ಅವರನ್ನು ಪರಾಭವಗೊಳಿಸಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು. ನಂ.1 ಪಟ್ಟಕ್ಕೆ ಏರಿದ ಭಾರತದ ಪ್ರಥಮ ಮಹಿಳೆ ಎಂಬ ಗೌರವಕ್ಕೂ ಪಾತ್ರರಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಸೈನಾ ನೆಹ್ವಾಲ್ ವೃತ್ತಿ ಜೀವನ ಸಾಧನೆಗಳ ಬಗೆಗಿನ ಕಿರುನೋಟವೊಂದು ಇಲ್ಲಿದೆ...

ಸೈನಾ, ಜನಿಸಿದ್ದು ಹರಿಯಾಣದ 'ಹಿಸ್ಸಾರ್ ನಗರ'ದಲ್ಲಿ.1990ರ ಮಾರ್ಚ್ 17ರಂದು.ಸೈನಾ ತಂದೆ, 'ಡಾ. ಹರ್ವೀರ್ ಸಿಂಗ್' ರವರು,ವೃತ್ತಿಯಲ್ಲಿ ಹೈದರಾಬಾದ್' ನ, 'Directorate of Oil Seeds Research Centre ನಲ್ಲಿ ವಿಜ್ಞಾನಿ. ತಾಯಿ ಉಷಾ ನೆಹ್ವಾಲ್‌ ಮೂಲತಃ ಹರ್ಯಾಣದ ಮಾಜಿ ಬ್ಯಾಡ್ಮಿಂಟನ್ ಚಾಂಪಿಯನ್‌. [ಸೈನಾ, ಶ್ರೀಕಾಂತ್ ಇಂಡಿಯಾ ಓಪನ್ ಸೂಪರ್ ಚಾಂಪಿಯನ್ಸ್]

ಸೈನಾ ಬಾಲಕಿಯಾಗಿದ್ದಾಗಲೇ ಹೈದರಾಬಾದಿಗೆ ವಲಸೆ ಬಂದ 'ಡಾ. ಹರ್ವೀರ್ ಸಿಂಗ್ ಕುಟುಂಬ ಸೈನಾ ಪ್ರತಿಭೆಯನ್ನು ಬಾಲ್ಯದಲ್ಲಿಯೇ ಗುರುತಿಸಿ ಪೋಷಿಸಿತು. ತಂದೆ ಹರ್ವೀರ್ ಸಿಂಗ್ ಮಗಳನ್ನು ಉತ್ತಮ ಬ್ಯಾಡ್ಮಿಂಟನ್ ತಾರೆಯನ್ನಾಗಿ ರೂಪಿಸುವ ಉದ್ದೇಶದಿಂದ ತನ್ನ ಉಳಿತಾಯ ಮತ್ತು ಭವಿಷ್ಯನಿಧಿಯ ಹಣವನ್ನು ವ್ಯಯಿಸಿದ್ದರು. [ಸೈನಾ ನೆಹ್ವಾಲ್ ನಂಬರ್ 1]

ಇಂದು ವಿಶ್ವದ ನಂಬರ್ ಒನ್ ಆಟಗಾರ್ತಿಯಾಗಿರುವ ಸೈನಾ ಈ ಸ್ಥಾನವನ್ನು ತಲುಪುವ ಹಿಂದೆ ಅವರ ಸತತ ಪರಿಶ್ರಮವೂ ಇದೆ. ಪ್ರಾರಂಭದಲ್ಲಿ ಸೈನಾ ಮುಂಜಾನೆ 5 ಗಂಟೆಗೆ ಎದ್ದು, 20 ಕಿ. ಮೀ ದೂರದ ಕ್ರೀಡಾಂಗಣಕ್ಕೆ ಹೋಗಿ ಅಭ್ಯಾಸ ನಡೆಸುತ್ತಿದ್ದರು. ನಂತರದ ದಿನಗಳಲ್ಲಿ ಮಗಳಿಗೆ ಅನುಕೂಲವಾಗಲೆಂದು ಸಿಂಗ್ ಕ್ರೀಡಾಂಗಣದ ಬಳಿಯೇ ಮನೆಮಾಡಿದರು.

ಸೈನಾ ಕೋಚ್ ಗಳು: ಅತಿಕ್ ಜುಹಾರಿ, ಪುಲ್ಲೇಲಾ ಗೋಪಿಚಂದ್ ,ವಿಮಲ್ ಕುಮಾರ್ ರವರ ಬಳಿಕಯಲ್ಲಿ ಅಭ್ಯಾಸ ನಡೆಸಿದ ಸೈನಾ ಪ್ರಸ್ತುತ ದ್ರೋಣಾಚಾರ್ಯ ಪ್ರಶಸ್ತಿ ವಿಜೇತರಾದ ಎಸ್.ಎಂ. ಅರೀಫ್ ರವರನ್ನು ತಮ್ಮ ಕೋಚ್ ಆಗಿಸಿಕೊಂಡಿದ್ದಾರೆ. 2003ರಲ್ಲಿ ಝಕೊಸ್ಲಾವಿಯಾ ಜೂನಿಯರ್ ಓಪನ್ ಅಲ್ಲಿ 19 ವರ್ಷದೊಳಗಿನವರ ವಿಭಾಗದಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ ಸೈನಾ ನೆಹ್ವಾಲ್ ಇಲ್ಲಿಂದ ಮುಂದೆ ಆಕೆ ಮಾಡಿದ್ದೆಲ್ಲವೂ ಇತಿಹಾಸ ಸೃಷ್ಟಿಸುವ ಕಾರ್ಯ.[ಸೈನಾಗೆ 3ನೇ ಪ್ರಶಸ್ತಿ ಕಿರೀಟ, ಶ್ರೀಕಾಂತ್ ಗೂ ಮುಕುಟ]

2004ರ ಕಾಮನ್‌ವೆಲ್ತ್ ಯೂತ್‌ ಗೇಮ್ಸ್‌ನಲ್ಲಿ ಬೆಳ್ಳಿ ಪದಕಗೆಲ್ಲುವ ಸಾಧನೆ ಮಾಡಿದ್ದ ಸೈನಾ 2005ರ ಏಷಿಯನ್ ಸ್ಯಾಟಲೈಟ್ ಬ್ಯಾಡ್ಮಿಂಟ ನಲ್ಲಿಯೂ ಚಾಂಪಿಯನ್ ಆಗಿದ್ದರು. [2010 ಸೈನಾಗೆ ಸ್ಮರಣೀಯ ವರ್ಷ ]

2006 ವಿಶ್ವ ಜೂನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್ ರನ್ನರ್ ಅಪ್, ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಕಂಚಿನ ಪದಕ, ಫಿಲಿಫೈನ್ಸ್ ಬ್ಯಾಡ್ಮಿಂಟನ್ ಓಪನ್ ಗೆಲುವು, ಏಷಿಯನ್ ಸ್ಯಾಟಲೈಟ್ ಬ್ಯಾಡ್ಮಿಂಟನ್ ಗೆಲುವು, ಹೀಗೆ ಒಂದರ ಬೆನ್ನ ಹಿಂದೊಂದರಂತೆ ಸಾಧನೆಗೈಯುತ್ತಲೇ ಹೋದರು.

ಮುಂದೆ 2008ರಲ್ಲಿ ಕಾಮನ್‍ವೆಲ್ತ್ ಯುವ ಕ್ರೀಡಾಕೂಟ ದಲ್ಲಿ ಚಿನ್ನದ ಪದಕ ಗಳಿಸಿದ ಸೈನಾ 2012ರ ಲಂಡನ್ ಒಲಂಪಿಕ್ ನಲ್ಲಿ ಕಂಚಿನ ಪದಕ ವಿಜೇತರಾಗುವ ಮೂಲಕ ಆ ಸಾಧನೆ ಮಾಡಿದ ಭಾರ್ತದ ಪ್ರಥಮ ಬ್ಯಾಡ್ಮಿಂಟನ್ ಆತಗಾರ್ತಿ ಎನಿಸಿಕೊಂಡರು. ಇದಕ್ಕೂ ಮುನ್ನ 2009ರಲ್ಲಿ ಇಂಡೋನೇಷಿಯಾ ಓಪನ್ ಸೀರೀಸ್ ನಲ್ಲಿ ಗೆಲುವು ಸಾಧಿಸಿ ಸೂಪರ್ ಸೀರೀಸ್ ಗೆದ್ದ ಪ್ರಥಮ ಭಾರತೀಯರೆನಿಸಿದರು.

ಭಾರ್ತದ ಹೆಮ್ಮೆಯ ಬ್ಯಾಡ್ಮಿಂಟನ್ ಆತಗಾರ್ತಿಯಾದ ಸೈನಾ ನೆಹ್ವಾಲ್ ಸಾಧನೆಗಳನ್ನು ಪರಿಗಣಿಸಿ ಇದುವರೆಗೆ ಅವರಿಗೆ ಅನೇಕ ಪ್ರಶಸ್ತಿ, ಪುರಸ್ಕಾರಗಳು ಸಂದಿವೆ. ಅವುಗಳಲ್ಲಿ ಮುಖ್ಯವಾಗಿ ಅರ್ಜುನ ಪ್ರಶಸ್ತಿ (2009), ರಾಜೀವ್ ಗಾಂಧಿ ಖೇಲ್ ರತ್ನ (2010) ಪದ್ಮಶ್ರೀ (2010)ಗಳು ಸೇರಿವೆ.

ಹೀಗೆ ಇಂದು ನಮ್ಮ ನಾಡಿನ ಹೆಮ್ಮೆಯ ಕ್ರೀಡಾ ತಾರೆ ಆಗಿರುವ ಸೈನಾ ತಮ್ಮ ಮುಂದಿನ ಜೀವನದಲ್ಲಿಯೂ ಇನ್ನಷ್ಟು ಸಾಧನೆ ಮಾಡಿ ಉನ್ನತಿಯನ್ನು ಕಾಣಲೆಂದು ಹಾರೈಸೋಣ.