ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಸೌರಶಕ್ತಿ ಮೇಲ್ಛಾವಣಿ ಬಲ

ಕೆಎಸ್ ಸಿಎನಿಂದ ಹೊಸ ಸಾಧನೆ

ಬಹುಶಃ ವಿಶ್ವದಲ್ಲೇ ಮೊದಲ ಬಾರಿಗೆ ಕ್ರಿಕೆಟ್ ಮೈದಾನದಲ್ಲಿ ಬೃಹತ್ ಪ್ರಮಾಣದ ಸೌರಫಲಕ ಅಳವಡಿಕೆ ಮಾಡಲಾಗಿದೆ.ಎಂ. ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಸೌರಫಲಕಗಳ ಮೇಲ್ಛಾವಣಿ ಹೊದಿಸುವ ಮೂಲಕ 'ಗೋ ಗ್ರೀನ್' ಅಭಿಯಾನದಲ್ಲಿ ವಿಶ್ವಕ್ಕೆ ಮಾದರಿಯಾಗಿದೆ.

ಸೌರಶಕ್ತಿಯೊಂದಿಗೆ ಮೊದಲ ಪಂದ್ಯ

ಸೋಮವಾರ ಏ.13ರಂದು ನಡೆದ ಇಂಡಿಯನ್ ಪ್ರಿಮಿಯರ್ ಲೀಗ್ 8 ಟೂರ್ನಿಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಹೈದರಾಬಾದ್ ನಡುವೆ ನಡೆಯಲಿರುವ ಟಿ20 ಕದನಕ್ಕೆ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣ ರೂಫ್ ಟಾಪ್ ಸಾಕ್ಷಿಯಾಯಿತು.

ವಿದ್ಯುತ್ ಉತ್ಪಾದನೆ ಸಾಮರ್ಥ್ಯ ಎಷ್ಟಿದೆ

ಈ ಸೌರಶಕ್ತಿ ಫಲಕಗಳನ್ನು ಬಳಸಿಕೊಂಡು ವಾರ್ಷಿಕವಾಗಿ ಸುಮಾರು 6,00,000 ಯೂನಿಟ್ ವಿದ್ಯುತ್ ಉತ್ಪಾದನೆ ಗುರಿ ಹೊಂದಲಾಗಿದೆ. ಸುಮಾರು 200 AEH(All Electric Homes) ಗೆ ಪೂರೈಕೆ ಮಾಡಬಹುದು.

ಗೋ ಗ್ರೀನ್ ಗೆ ಹೇಗೆ ಸಹಾಯಕ

ವಾರ್ಷಿಕವಾಗಿ ಸುಮಾರು 600 ಟನ್ ಗಳಷ್ಟು ಇಂಗಾಲದ ಡೈಆಕ್ಸೈಡ್ ಹೊರಹಾಕುವುದನ್ನು ಈ ಸೌರ ವಿದ್ಯುತ್ ತಪ್ಪಿಸುತ್ತದೆ. ಹೀಗಾಗಿ ಇಂಧನ ಉಳಿತಾಯ ಸಾಧ್ಯ ಎಂದು ಕೆಎಸ್ ಸಿಎ ವಕ್ತಾರ ವಿನಯ್ ಮೃತ್ಯುಂಜಯ ಹೇಳಿದ್ದಾರೆ.