ಹೊಸ ಜವಾಬ್ದಾರಿ ಬಗ್ಗೆ ಮೊದಲ ಬಾರಿಗೆ ತುಟಿ ಬಿಚ್ಚಿದ ರಾಹುಲ್

ಮೊದಲ ಬಾರಿಗೆ ತುಟಿ ಬಿಚ್ಚಿದ ರಾಹುಲ್:

ಇದೇ ಮೊದಲ ಬಾರಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಸಿಕ್ಕ ಹೊಸ ಜವಾಬ್ಧಾರಿಯ ಬಗ್ಗೆ ರಾಹುಲ್ ಮಾತನಾಡಿದ್ದಾರೆ. ತನಗೆ ಸಿಕ್ಕ ಹೊಸಾ ಜವಾಬ್ಧಾರಿಯನ್ನು ನಾನು ಆನಂದಿಸುತ್ತಿದ್ದೇನೆ. ವಿಕೆಟ್‌ನ ಹಿಂದೆ ನಿಂತು ಆಟವನ್ನು ಸೂಕ್ಷ್ಮವಾಗಿ ಗಮನಿಸಬಹುದು. ಪಿಚ್‌ನ ವರ್ತನೆಯನ್ನೂ ಹತ್ತರದಿಂದ ಗಮನಿಸಿ ನಾಯಕನಿಗೆ ಹಾಗೂ ಬೌಲರ್‌ಗೆ ಮಾಹಿತಿ ನೀಡಲು ಸಹಕಾರಿಯಾಗುತ್ತದೆ ಎಂದಿದ್ದಾರೆ.

ದ್ರಾವಿಡ್ ನೆನಪಿಸಿದ ಕೆಎಲ್

ಕೆಎಲ್ ರಾಹುಲ್ ಟೀಮ್ ಇಂಡಿಯಾ ಮಾಜಿ ಲೆಜೆಂಡರಿ ಆಟಗಾರ ರಾಹುಲ್ ದ್ರಾವಿಡ್ ಅವರನ್ನು ನೆನಪಿಸಿದ್ದಾರೆ. ಅದಕ್ಕೆ ಕಾರಣ ರಾಹುಲ್‌ಗೆ ನೀಡುತ್ತಿರುವ ಜವಾಬ್ದಾರಿ ಮತ್ತು ಅದನ್ನು ಕೆಎಲ್ ನಿರ್ವಹಿಸುತ್ತಿರುವ ರೀತಿ. ರಾಹುಲ್ ದ್ರಾವಿಡ್ ಆವರ ರೀತಿಯಲ್ಲೇ ಕೆಎಲ್ ತಂಡದ ಯಾವ ಕ್ರಮಾಂಕದಲ್ಲಿ ಆಡಲು ಸೂಚಿಸಿದರೂ ಆ ಕ್ರಮಾಂಕದಲ್ಲಿ ಆಡಿ ಮಿಂಚಿದ್ದಾರೆ. ಜೊತೆಗೆ ವಿಕೆಟ್ ಕೀಪಿಂಗ್‌ಗೂ ಸೈ ಎನಿಸಿದ್ದಾರೆ.

ರಾಹುಲ್‌ಗೆ ವಿಕೆಟ್‌ ಕೀಪಿಂಗ್ ಹೊಸದಲ್ಲ:

ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಕೆಎಲ್ ರಾಹುಲ್ ವಿಕೆಟ್‌ ಕೀಪಿಂಗ್ ಹೊಸ ಜವಾಬ್ದಾರಿಯಾಗಿರಬಹುದು. ಆದರೆ ದೇಸಿ ಕ್ರಿಕೆಟ್‌ನಲ್ಲಿ ಮತ್ತು ಐಪಿಎಲ್‌ನಲ್ಲಿ ರಾಹುಲ್ ಹಲವು ವರ್ಷಗಳಿಂದ ವಿಕೆಟ್‌ ಕೀಪಿಂಗ್ ಮಾಡಿಕೊಂಡು ಬಂದಿದ್ದಾರೆ. ಕರ್ನಾಟಕ ರಣಜಿ ತಂಡದ ಕೀಪರ್ ಆಗಿಯೂ ರಾಹುಲ್ ಮಿಂಚಿದ್ದಾರೆ. ಸದ್ಯ ಐಪಿಎಲ್‌ನಲ್ಲಿ ಕಿಂಗ್ಸ್‌ ಇಲವೆನ್ ಪಂಜಾಬ್ ತಂಡದಲ್ಲಿ ರಾಹುಲ್ ವಿಕೆಟ್ ಕೀಪಿಂಗ್ ಜವಾಬ್ದಾರಿಯನ್ನು ಹೊತ್ತಿದ್ದಾರೆ.

ಸತತವಾಗಿ ಮಿಂಚುತ್ತಿದ್ದಾರೆ ರಾಹುಲ್:

ಸತತವಾಗಿ ಎಲ್ಲಾ ಪಂದ್ಯಗಳಲ್ಲೂ ರಾಹುಲ್ ಸತತವಾಗಿ ಮಿಂಚುತಿದ್ದಾರೆ. ಹೀಗಾಗಿ ಟೀಮ್ ಇಂಡಿಯಾದ ಅವಿಭಾಜ್ಯ ಅಂಗವಾಗಿದ್ದಾರೆ. ಆಸ್ಟ್ರೇಲಿಯಾ, ಶ್ರೀಲಂಕಾ ಜೊತೆಗೆ ಸದ್ಯಕ್ಕೆ ನಡೆಯುತ್ತಿರುವ ನ್ಯೂಜಿಲ್ಯಾಂಡ್ ವಿರುದ್ಧದ ಮೊದಲ ಪಂದ್ಯದ ಗೆಲುವಿನಲ್ಲೂ ಕೆ.ಎಲ್ ಪಾತ್ರ ಬಹುಮುಖ್ಯವಾಗಿದೆ.