ಐಪಿಎಲ್‌ ಯುಎಇನಲ್ಲಿ ನಡೆಯುವುದು ಆರ್‌ಸಿಬಿಗೆ ದೊಡ್ಡ ಲಾಭ ಎಂದ ಆಕಾಶ್ ಚೋಪ್ರಾ!

ಬಿಸಿಲಿನ ವಾತಾವರಣವೇ ಸವಾಲು

ಯುಎಇನಲ್ಲಿ ಸಾಕಷ್ಟು ಬಿಸಿಲಿನ ವಾತಾವರಣ ಇರುವ ಕಾರಣ ಆಟಗಾರರು ಧಗೆಯ ಕಾರಣದಿಂದಾಗಿ ನೀರಿನ ಬಾಟಲ್‌ಗಳನ್ನು ಜೊತೆಯಲ್ಲೇ ಇರಿಸಿಕೊಳ್ಳಬೇಕಾಗುತ್ತದೆ ಎಂದು ಆಕಾಶ್ ಚೋಪ್ರಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈಗ ಯುಎಇನಲ್ಲಿ ಹವಾಮಾನ ಚೆನ್ನಾಗಿದೆ. ಸ್ವಲ್ಪ ಬಿಸಿಲಿನೊಂದಗೆ ಆಡುವುದು ಉತ್ತಮವೇ. ಇದೇ ವಾತಾವರಣ ಸೆಪ್ಟೆಂಬರ್‌ವರೆಗೂ ಮುಂದುವರಿಯಲಿದೆ ಎಂದರು.

ಆರು ವಾರಗಳ ಟೂರ್ನಿ

ನಿಗದಿಯಾಗಿರುವ ಪ್ರಕಾರ ಸೆಪ್ಟೆಂಬರ್ 26 ರಿಂದ ಐಪಿಎಲ್ ಆರಂಭವಾಗಿ ನವೆಂಬರ್ 7ರ ವರೆಗೆ ನಡೆಯಲಿದೆ. ಹಾಗಾಗಿ ಈ ಆರು ವಾರಗಳ ಸಮಯಾವಕಾಶ ಮಾತ್ರವೇ ಸಿಗುವುದರಿಂದ ಡಬಲ್ ಹೆಡ್ಡರ್‌ಗಳು(ಒಂದು ದಿನದಲ್ಲಿ ಎರಡು ಪಂದ್ಯ) ಹೆಚ್ಚಾಗಿ ನಡೆಯಬೇಕಾಗುತ್ತದೆ. ಈ ಕಾರಣದಿಂದಾಗಿ ಸಮಸ್ಯೆಗಳು ಎದುರಾಗಲಿದೆ ಎಂದು ಹೇಳಿದ್ದಾರೆ. ಬ್ಯಾಟ್ಸ್‌ಮನ್‌ಗಳು ಈ ಸಂದರ್ಭದಲ್ಲಿ ಡಿಹೈಡ್ರೇಶನ್‌ಗೆ ಒಳಗಾಗಲಿದ್ದಾರೆ ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.

ಆರ್‌ಸಿಬಿಗೆ ಲಾಭ

ಈ ಬಾರಿಯ ಐಪಿಎಲ್ ಯುಎಇನಲ್ಲಿ ನಡೆದರೆ ಅದರ ಲಾಭ ಆರ್‌ಸಿಬಿಗೆ ಆಗಲಿದೆ ಎಂದು ಆಕಾಶ್ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ. ಯುಎಇ ಕ್ರೀಡಾಂಗಣಗಳು ದೊಡ್ಡದಾಗಿರುವುದರಿಂದ ಬೌಲಿಂಗ್ ವಿಭಾಗ ಪ್ರಭಲವಾಗಿಲ್ಲದಿದ್ದರೂ ಹೆಚ್ಚಿನ ಪರಿಣಾಮ ಬೀರದು. ಇದರ ಉಪಯೋಗ ಆರ್‌ಸಿಬಿಗೆ ಆಗಲಿದೆ ಎಂದಿದ್ದಾರೆ ಆಕಾಶ್ ಚೋಪ್ರಾ.

ಬ್ಯಾಟ್ಸಮನ್‌ಗಳಿಗೆ ಪರಿಣಾಮವಿಲ್ಲ

ಎಲ್ಲಾ ದೃಷ್ಟಿಕೋನದಿಂದ ನೋಡಿದಾಗ ಬ್ಯಾಟ್ಸ್‌ಮನ್‌ಗಳು ಹೆಚ್ಚಿನ ಸಮಸ್ಯೆಯನ್ನು ಎದುರಿಸಲಾರರು. ಆದರೆ ಹೆಚ್ಚಿನ ದಿನ ಎರಡು ಪಂದ್ಯಗಳು ನಡೆಯುವ ಕಾರಣದಿಂದಾಗಿ ಬಿಸಿಲಿನ ಧಗೆಯ ಬಗ್ಗೆ ಎಚ್ಚರದಿಂದಿರಬೇಕಾಗುತ್ತದೆ ಎಂದು ಭಾರತದ ಮಾಜಿ ಕ್ರಿಕೆಟಿಗ ಆಕಾಶ್ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.