ರೆಸ್ಟ್ ಆಫ್ ದ ವರ್ಲ್ಡ್ XI ವಿರುದ್ಧ ಪಂದ್ಯ
ಅಲನ್ ಜೋನ್ಸ್ 1970ರಲ್ಲಿ ರೆಸ್ಟ್ ಆಫ್ ದ ವರ್ಲ್ಡ್ XI vs ಇಂಗ್ಲೆಂಡ್ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಆಡಿದ್ದರು. ಆದರೆ ಟೆಸ್ಟ್ ಕ್ರಿಕೆಟ್ನದ್ದೇ ಸ್ಥಾನಮಾನವನ್ನು ಹೊಂದಿರುವ ಪಂದ್ಯಗಳನ್ನು ನಂತರ 1972ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಡೌನ್ಗ್ರೇಡ್ ಮಾಡಿತು. ಹೀಗಾಗಿ ಟೆಸ್ಟ್ ಆಡಿಯೂ ಜೋನ್ಸ್ಗೆ ಟೆಸ್ಟ್ ಕ್ರಿಕೆಟರ್ ಅನ್ನಿಸಿಕೊಳ್ಳುವ ಅವಕಾಶ ಕೈತಪ್ಪಿತು.
50 ವರ್ಷಗಳ ಕಾಲ ಕಾದ ಜೋನ್ಸ್
ಆವತ್ತಿನ ಪಂದ್ಯದಲ್ಲಿ ಜೋನ್ಸ್ 0 ಮತ್ತು 5 ರನ್ನಿಗೆ ಮೈಕ್ ಪ್ರಾಕ್ಟರ್ ವಿಕೆಟ್ ಒಪ್ಪಿಸಿದ್ದರು. ಅದಾಗಿ ಜೋನ್ಸ್ ಅವರಿಗೆ ಇಂಗ್ಲೆಂಡ್ ತಂಡದಲ್ಲಿ ಸ್ಥಾನವೇ ಸಿಕ್ಕಿರಲಿಲ್ಲ. ಹೀಗಾಗಿ ಜೋನ್ಸ್ 50 ವರ್ಷಗಳ ಕಾಲ ಟೆಸ್ಟ್ ಕ್ರಿಕೆಟರ್ ಎನ್ನುವು ಹಿರಿಮೆಯಿಂದ ಹೊರ ನಿಂತು ಕಾಯಬೇಕಾಗಿ ಬಂದಿತ್ತು.
ಇಂಗ್ಲೆಂಡ್ನಿಂದ ಗೌರವ ಕ್ಯಾಪ್
ಸದ್ಯ 81ರ ಹರೆಯದವರಾಗಿವ ಜೋನ್ಸ್ಗೆ ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಬೋರ್ಡ್ ಈಗ ಅಧಿಕೃತವಾಗಿ 696ನೇ ಕ್ಯಾಪ್ ನೀಡಿ ಗೌರವಿಸಿದೆ. ಪ್ರಸ್ತುತ ಲಾಕ್ ಡೌನ್ ಜಾರಿಯಲ್ಲಿರುವುದರಿಂದ ಕ್ಯಾಪ್ ವಿತರಣಾ ಕಾರ್ಯಕ್ರಮವನ್ನು ವೀಡಿಯೊ ಮೂಲಕ ನಡೆಸಲಾಗಿದೆ.
ಪ್ರಥಮದರ್ಜೆ ನೋಡಿ, ಅಬ್ಬಬ್ಬಾ!
ಕ್ಯಾಪ್ ಸ್ವೀಕರಿಸಿ ತಲೆಗೇರಿಸಿದ ಜೋನ್ಸ್ 'ಈ ಕ್ಯಾಪ್ ನನ್ನ ತಲೆಗೆ ಸರಿಯಾಗಿ ಹೊಂದುತ್ತದೆ. ಈಗ ನಾನು ಹೆಲ್ಮೆಟ್ಗಾಗಿ ಕಾಯುತ್ತಿದ್ದೇನೆ,' ಎಂದು ತಮಾಷೆಯಾಗಿ ಪ್ರತಿಕ್ರಿಯಿಸಿದರು. ಅಂದ್ಹಾಗೆ ಜೋನ್ಸ್ ಪ್ರಥಮದರ್ಜೆ ಕ್ರಿಕೆಟ್ನಲ್ಲಿ ಗಳಿಸಿದ ಒಟ್ಟು ರನ್ 36,049. ಇದು ಐಸಿಸಿ ಮಂಜೂರು ಮಾಡಿದ ಟೆಸ್ಟ್ನಲ್ಲಿ ಆಡದ ಆಟಗಾರನೊಬ್ಬ ಬಾರಿಸಿದ ಅತ್ಯಧಿಕ ರನ್ ಆಗಿ ಗುರುತಿಸಿಕೊಂಡಿದೆ.
ಕ್ಯಾಪ್, ಬ್ಲೇಸರ್, ಸ್ವೆಟರ್ ಧರಿಸಲಾಗಲಿಲ್ಲ
'ಯಾವಾಗ ಅವರು ನನ್ನಲ್ಲಿದ್ದ ಸಂಪೂರ್ಣ ಇಂಗ್ಲೆಂಡ್ ಕ್ಯಾಪ್ ಅನ್ನು ನಿರ್ಲಕ್ಷಿಸಿದರೋ ಆಗ ಭಿನ್ನತೆ ಸೃಷ್ಟಿಯಾಯಿತು. ನೀವು ಸಂಪೂರ್ಣವಾಗಿ ಇಂಗ್ಲೆಂಡ್ ಆಟಗಾರನಲ್ಲ ಎಂದು ಆಗ ನಿಮಗೆ ಅನ್ನಿಸತೊಡಗುತ್ತದೆ. ನನಗೆ ಕ್ಯಾಪ್, ಬ್ಲೇಸರ್, ಸ್ವೆಟರ್, ಟೈ ಎಲ್ಲ ಸಿಕ್ಕಿತ್ತು. ಆದರೆ ಟೆಸ್ಟ್ ಸರಣಿಯನ್ನೇ ನನ್ನಿಂದ ಕಿತ್ತುಕೊಂಡಿದ್ದರಿಂದ ನನಗೆ ಅವುಗಳನ್ನೆಲ್ಲ ಧರಿಸಲಾಗಲಿಲ್ಲ,' ಎಂದು ಜೋನ್ಸ್ ಹೇಳಿದ್ದಾರೆ.