2ನೇ ಟೆಸ್ಟ್ 2ನೇ ದಿನ: ದಾಖಲೆಗಳ ಮೇಲೆ ದಾಖಲೆ ಬರೆದ ಆಶ್ವಿನ್

ಅಶ್ವಿನ್ ಅಂಕಿ ಅಂಶ

34ವರ್ಷ ವಯಸ್ಸಿನ ಅಶ್ವಿನ್ ಅವರು ಒಟ್ಟಾರೆ 74 ಟೆಸ್ಟ್ ಪಂದ್ಯಗಳಿಂದ 386 ವಿಕೆಟ್ ಗಳಿಸಿದ್ದು, 28 ಬಾರಿ 5 ವಿಕೆಟ್ ಗಳಿಸಿದ್ದಾರೆ, 7 ಬಾರಿ 10 ವಿಕೆಟ್ ಪಡೆದಿದ್ದಾರೆ, 7/59 ಶ್ರೇಷ್ಠ ಪ್ರದರ್ಶನ. ಬ್ಯಾಟಿಂಗ್ ನಲ್ಲೂ ಮಿಂಚಿ 4 ಟೆಸ್ಟ್ ಶತಕ, 11 ಅರ್ಧಶತಕ ಗಳಿಸಿದ್ದಾರೆ.

ಅಶ್ವಿನ್ ಭಾರತದಲ್ಲಿ ಸಾಧನೆ

ಭಾರತದಲ್ಲಿ 45 ಟೆಸ್ಟ್ ಪಂದ್ಯಗಳನ್ನು ಆಡಿದ್ದು 22.69ರ ಸರಾಸರಿಯಲ್ಲಿ 266 ವಿಕೆಟ್ ಪಡೆದಿದ್ದಾರೆ. ಇದರಲ್ಲಿ 22 ಬಾರಿ 5 ವಿಕೆಟ್‌ಗಳ ಗೊಂಚಲು ಪಡೆದಿರುವ ಅಶ್ವಿನ್ 6 ಬಾರಿ 10 ವಿಕೆಟ್‌ಗಳನ್ನು ಪಡೆದ ಸಾಧನೆ ಮಾಡಿದ್ದಾರೆ.

ಭಾರತ vs ಇಂಗ್ಲೆಂಡ್: ತವರಿನಲ್ಲಿ ಹರ್ಭಜನ್ ಸಾಧನೆ ಹಿಂದಿಕ್ಕಿದ ಆರ್ ಅಶ್ವಿನ್

ಅತಿ ಹೆಚ್ಚು 5 ವಿಕೆಟ್ ಗಳಿಕೆ ಟಾಪ್ 10 ಬೌಲರ್ಸ್

ಮುರಳಿಧರನ್ (ಶ್ರೀಲಂಕಾ): 67 ಬಾರಿ
ಶೇನ್ ವಾರ್ನ್(ಆಸ್ಟ್ರೇಲಿಯಾ): 37
ಸರ್ ರಿಚರ್ಡ್ ಹ್ಯಾಡ್ಲಿ(ನ್ಯೂಜಿಲೆಂಡ್): 36
ಅನಿಲ್ ಕುಂಬ್ಳೆ (ಭಾರತ): 35
ರಂಗನಾ ಹೆರಾತ್ (ಶ್ರೀಲಂಕಾ): 34
ಜೇಮ್ಸ್ ಆಂಡರ್ಸನ್ (ಇಂಗ್ಲೆಂಡ್): 30
ಗ್ಲೆನ್ ಮೆಗ್ರಾ (ಆಸ್ಟ್ರೇಲಿಯಾ): 29
ಆರ್ ಅಶ್ವಿನ್ (ಭಾರತ): 29
ಇಯಾನ್ ಬಾಥಮ್ (ಇಂಗ್ಲೆಂಡ್): 27
ಡೇಲ್ ಸ್ಟೇನ್ (ದಕ್ಷಿಣ ಆಫ್ರಿಕಾ): 26
ವಾಸಿಂ ಅಕ್ರಂ (ಪಾಕಿಸ್ತಾನ): 25
ಹರ್ಭಜನ್ ಸಿಂಗ್ (ಭಾರತ) : 25

ಜೇಮ್ಸ್ ಆಂಡರ್ಸನ್ ದಾಖಲೆ ಧೂಳಿಪಟ

ತವರು ಟೆಸ್ಟ್ ಪಂದ್ಯಗಳಲ್ಲಿ ಅತಿ ಹೆಚ್ಚು ಬಾರಿ 5 ವಿಕೆಟ್ ಪಡೆದ ದಾಖಲೆ ಹೊಂದಿದ್ದ ಇಂಗ್ಲೆಂಡ್ ವೇಗಿ ಜೇಮ್ಸ್ ಆಂಡರ್ಸನ್ ದಾಖಲೆಯನ್ನು ಆರ್ ಅಶ್ವಿನ್ ಮುರಿದಿದ್ದಾರೆ. 89 ಟೆಸ್ಟ್ ಪಂದ್ಯಗಳಲ್ಲಿ ಆಂಡರ್ಸನ್ 22 ಬಾರಿ 5 ವಿಕೆಟ್ ಪಡೆದಿದ್ದರು. ಅಶ್ವಿನ್ ಅವರು 45 ತವರು ನೆಲದಲ್ಲಿ ಆಡಿದ ಟೆಸ್ಟ್ ಪಂದ್ಯಗಳಲ್ಲಿ 23 ಬಾರಿ 5 ವಿಕೆಟ್ ಗಳಿಸಿದ್ದಾರೆ. ಅತಿ ಹೆಚ್ಚು ಬಾರಿ ತವರು ನೆಲದಲ್ಲಿ 5 ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಮುರಳಿಧರನ್ (45), ರಂಗನಾ ಹೆರಾತ್ (26), ಅನಿಲ್ ಕುಂಬ್ಳೆ(25) ಮಾತ್ರ ಅಶ್ವಿನ್ ಗಿಂತ ಮುಂದಿದ್ದಾರೆ.

ಎಡಗೈ ಬ್ಯಾಟ್ಸ್ ಮನ್ ಗಳ ಪೈಕಿ ಯಾರು ಹೆಚ್ಚು ಬಾರಿ ಬಲಿ

200 ಬಾರಿ ಎಡಗೈ ಬ್ಯಾಟ್ಸ್ ಮನ್ ವಿಕೆಟ್ ಪಡೆದ ಏಕೈಕ ಬೌಲರ್ ಎನಿಸಿಕೊಂಡಿರುವ ಅಶ್ವಿನ್ ಅವರು 10 ಬಾರಿ ಡೇವಿಡ್ ವಾರ್ನರ್ ವಿಕೆಟ್ ಉರುಳಿಸಿದ್ದಾರೆ. ಮಿಕ್ಕಂತೆ ಬೆನ್ ಸ್ಟೋಕ್ಸ್ ಹಾಗೂ ಅಲೆಸ್ಟರ್ ಕುಕ್ 9 ಬಾರಿ ವಿಕೆಟ್ ಒಪ್ಪಿಸಿದ್ದರೆ, ಎಕ್ ಕೋವನ್ ಹಾಗೂ ಜೇಮ್ಸ್ ಆಂಡರ್ಸನ್ 7 ಬಾರಿ ಅಶ್ವಿನ್ ಗೆ ವಿಕೆಟ್ ನೀಡಿದ್ದಾರೆ.