ಈತ ವಿಶ್ವದ ಬೆಸ್ಟ್ ಬ್ಯಾಟ್ಸ್‌ಮನ್ ಎಂದ ಕೊಹ್ಲಿ; ವಿರಾಟ್ ಫ್ಯಾನ್ಸ್‌ಗಿದು ಬೇಸರದ ಸುದ್ದಿ

ಬಾಬರ್ ಅಜಮ್ ಸದ್ಯ ವಿಶ್ವದ ಬೆಸ್ಟ್ ಬ್ಯಾಟ್ಸ್‌ಮನ್ ಎಂದ ಕೊಹ್ಲಿ

ಹೀಗೆ ಸಂದರ್ಶನದಲ್ಲಿ ವೇಳೆ ಬಾಬರ್ ಅಜಮ್ ವಿಚಾರ ಬಂದಾಗ ಮಾತನಾಡಿದ ವಿರಾಟ್ ಕೊಹ್ಲಿ ಬಾಬರ್ ಅಜಮ್ ಅವರನ್ನು ಮೊದಲು ಭೇಟಿಯಾದ ಕ್ಷಣವನ್ನು ಮೆಲುಕು ಹಾಕಿದ್ದಾರೆ. ಹಾಗೂ ಬಾಬರ್ ಅಜಮ್ ಬಹುಷಃ ಪ್ರಸ್ತುತ ವಿಶ್ವದ ಬೆಸ್ಟ್ ಬ್ಯಾಟ್ಸ್‌ಮನ್ ಎಂದು ವಿರಾಟ್ ಕೊಹ್ಲಿ ಸ್ವತಃ ಹೇಳಿದ್ದಾರೆ. ಹೀಗೆ ವಿರಾಟ್ ಕೊಹ್ಲಿ ಬಾಬರ್ ಅಜಮ್ ಅವರನ್ನು ವಿಶ್ವದ ಬೆಸ್ಟ್ ಬ್ಯಾಟ್ಸ್‌ಮನ್ ಎಂದಿರುವುದು ಸದ್ಯ ಕೊಹ್ಲಿ ಅಭಿಮಾನಿಗಳಲ್ಲಿ ಬೇಸರವನ್ನು ಉಂಟುಮಾಡಿದೆ. ಕೊಹ್ಲಿಯೇ ವಿಶ್ವದ ನಂಬರ್ ಒನ್ ಬೆಸ್ಟ್ ಬ್ಯಾಟ್ಸ್‌ಮನ್ ಎನ್ನುತ್ತಿದ್ದ ಅಭಿಮಾನಿಗಳಿಗೆ ಇದೀಗ ತಮ್ಮ ನೆಚ್ಚಿನ ಆಟಗಾರನೇ ಅನ್ಯರನ್ನು ಬೆಸ್ಟ್ ಎಂದದ್ದನ್ನು ಕಂಡು ಬೇಸರಕ್ಕೊಳಗಾಗಿದ್ದಾರೆ.

ಅಜಮ್ ಅವರನ್ನು ಮೊದಲು ಭೇಟಿಯಾದದ್ದನ್ನು ಮೆಲುಕು ಹಾಕಿದ ಕೊಹ್ಲಿ

2019ರ ವಿಶ್ವಕಪ್ ಸಮಯದಲ್ಲಿ ಬಾಬರ್ ಅಜಮ್ ಅವರನ್ನು ಮೊದಲ ಬಾರಿಗೆ ಭೇಟಿ ಮಾಡಿದ್ದಾಗಿ ವಿರಾಟ್ ಕೊಹ್ಲಿ ತಿಳಿಸಿದ್ದಾರೆ. ವಾಸಿಂ ತನಗೆ ಅಂಡರ್ 19 ಸಮಯದಿಂದಲೂ ಗೊತ್ತು, ವಾಸಿಂ ಮತ್ತು ತಾನು ಒಂದೇ ತಂಡ ಹಾಗೂ ಎದುರಾಳಿ ತಂಡದ ಆಟಗಾರರಾಗಿ ಕಣಕ್ಕಿಳಿದಿದ್ದೇವೆ ಎಂದಿರುವ ವಿರಾಟ್ ಕೊಹ್ಲಿ ಬಾಬರ್ ಅಜಮ್ ತನ್ನ ಬಳಿ ಮಾತನಾಬೇಕೆಂದು ಬಯಸುತ್ತಿದ್ದಾರೆ ಎಂಬುದನ್ನು ವಾಸಿಂ ತಿಳಿಸಿದ್ದರು ಹಾಗೂ ಅಂದು ಬಾಬರ್ ಅವರನ್ನು ಭೇಟಿಯಾಗಿದ್ದಾಗಿ ಕೊಹ್ಲಿ ಬಾಬರ್ ಜತೆಗಿನ ಮೊದಲಿ ಭೇಟಿಯ ನೆನಪನ್ನು ಮೆಲುಕು ಹಾಕಿದ್ದಾರೆ.

ಅಂದು ಗೌರವ ನೀಡಿದ್ದ ಗೌರವ ಈಗಲೂ ಹಾಗೆಯೇ ಇದೆ

ಇನ್ನೂ ಮುಂದುವರೆದು ಮಾತನಾಡಿದ ವಿರಾಟ್ ಕೊಹ್ಲಿ ಅಂದು ಬಾಬರ್ ಅಜಮ್ ತಮ್ಮ ಬಳಿ ಮಾತನಾಡಲು ಬಂದಾಗ ತಾನು ವಿನಯದಿಂದ ಮಾತನಾಡಿದ್ದೆ ಹಾಗೂ ಬಾಬರ್ ಅಜಮ್ ಕೂಡ ತುಂಬಾ ಗೌರವ ಹಾಗೂ ವಿನಯದಿಂದ ಮಾತನಾಡಿದ್ದರು ಎಂದು ತಿಳಿಸಿದ್ದಾರೆ. ಇಂದು ಸತತವಾಗಿ ಉತ್ತಮ ಪ್ರದರ್ಶನ ನೀಡಿ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲೂ ವಿಶ್ವದ ಬೆಸ್ಟ್ ಬ್ಯಾಟ್ಸ್‌ಮನ್ ಎನಿಸಿಕೊಳ್ಳುತ್ತಿದ್ದರೂ ಸಹ ಬಾಬರ್ ಅಜಮ್ ಅಂದು ಯಾವ ರೀತಿ ಗೌರವದಿಂದ ಮಾತನಾಡಿದರೋ ಇಂದೂ ಸಹ ಅಷ್ಟೇ ಗೌರವದಿಂದ ಮಾತನಾಡಿದ್ದಾರೆ ಎಂದು ವಿರಾಟ್ ಕೊಹ್ಲಿ ಹೇಳಿದ್ದಾರೆ.