ಫಾರ್ಮ್‌ಗೆ ಮರಳಿದ ರೋಹಿತ್ ಶರ್ಮಾ, ಫೈನಲ್‌ಗೆ ಭಾರತ

5 ಬೌಂಡರಿ 5 ಸಿಕ್ಸರ್

ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಬಾಂಗ್ಲಾದೇಶ, ರೋಹಿತ್ ಅವರ ಬಿರುಗಾಳಿಗೆ ಸಿಕ್ಕಿ ತರಗೆಲೆಯಾಯಿತು. 61 ಎಸೆತ ಎದುರಿಸಿದ ರೋಹಿತ್ ಶರ್ಮಾ 5 ಬೌಂಡರಿ ಮತ್ತು 5 ಸಿಕ್ಸರ್ ಸೇರಿ 89 ರನ್ ಗಳಿಸಿದರು. ಅತ್ಯುತ್ತಮವಾಗಿ ಆಡುತ್ತಿದ್ದ ಅವರು ಶತಕದಿಂದ 11 ರನ್ ದೂರದಲ್ಲಿದ್ದಾಗ ರನ್ ಔಟ್ ಆಗಿ ನಿರಾಸೆ ಹೊಂದಿದರು.

30 ಎಸೆತಕ್ಕೆ 47 ರನ್

ಮತ್ತೊಬ್ಬ ಆರಂಭಿಕ ಬ್ಯಾಟ್ಸ್‌ಮನ್‌ ಶಿಖರ್ ಧವನ್ ತಮ್ಮ ಎಂದಿನ ಲಯದಲ್ಲಿ ಆಡಿ 27 ಎಸೆತದಲ್ಲಿ 35 ರನ್ ಗಳಿಸಿ ಔಟಡಾದರು ಅವರ ಖಾತೆಯಲ್ಲಿ 5 ಬೌಂಡರಿ ಮತ್ತು 1 ಸಿಕ್ಸರ್ ಇತ್ತು. ಈ ಸರಣಿಗೆ ಮತ್ತೆ ಟೀಂ ಇಂಡಿಯಾ ತಂಡದಲ್ಲಿ ಸ್ಥಾನ ಪಡೆದಿರುವ ಸುರೇಶ್ ರೈನಾ ಅವರು ಅಬ್ಬರದ ಆಟವಾಡಿ 30 ಎಸೆತಕ್ಕೆ 47 ರನ್ ಗಳಿಸಿದರು ಅವರು 5 ಬೌಂಡರಿ ಮತ್ತು 2 ಸಿಕ್ಸರ್ ಭಾರಿಸಿದರು.

3 ವಿಕೆಟ್ ಪಡೆದ ಹೊಸ ಬೌಲರ್

ನಂತರ ಬಾಂಗ್ಲಾದೇಶ ಇನ್ನಿಂಗ್ಸ್‌ನ ಬೆನ್ನು ಮುರಿದಿದ್ದು ಹೊಸ ಬೌಲರ್ ವಾಷಿಂಗ್ಟನ್ ಸುಂದರ್, ಅವರು ನಾಲ್ಕು ಓವರ್‌ನಲ್ಲಿ 22 ರನ್ ನೀಡಿ ಪ್ರಮುಖ 3 ವಿಕೆಟ್ ಕಬಳಿಸಿದರು. ಉಳಿದಂತೆ ಮೊಹಮ್ಮದ್ ಸಿರಾಜ್, ಶಾರ್ದೂಲ್ ಠಾಕೂರ್, ಯಜುವೇಂದ್ರ ಚಾಹಲ್ ತಲಾ ಒಂದು ವಿಕೆಟ್ ಗಳಿಸಿದರು.

ವ್ಯರ್ಥವಾದ ರಹೀಮ್ ಹೋರಾಟ

ಬಾಂಗ್ಲಾ ಪರ ಕೊನೆಯ ವರೆಗೂ ಗೆಲುವಿಗಾಗಿ ಹೋರಾಟ ನಡೆಸಿದ ಮುಫ್ತಿಕೀರ್ ರಹೀಮ್ ಅವರು 55 ಎಸೆತಗಳಲ್ಲಿ 72 ರನ್ ಸಿಡಿಸಿ ನಾಟ್‌ಔಟ್ ಆಗಿ ಉಳಿದರು. ಈ ಪಂದ್ಯ ಜಯಿಸುವ ಮೂಲಕ ಭಾರತ ಫೈನಲ್ ಪ್ರವೇಶಿಸಿದ್ದು, ನಾಳೆ ನಡೆಯುವ ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ಪಂದ್ಯದಲ್ಲಿ ವಿಜೇತವಾಗುವ ತಂಡ ಫೈನಲ್‌ನಲ್ಲಿ ಭಾರತದ ವಿರುದ್ಧ ಆಡಲಿದೆ.