ಭಾರತ vs ಇಂಗ್ಲೆಂಡ್: ಭರ್ಜರಿ ಶತಕ ಸಿಡಿಸಿ ಮಿಂಚಿದ ರಿಷಭ್ ಪಂತ್

ಅಮೂಲ್ಯ ಜೊತೆಯಾಟ

ಟೀಮ್ ಇಂಡಿಯಾ 80 ರನ್‌ಗಳಿಸಿದ್ದಾಗ 4ನೇ ವಿಕೆಟ್ ಕಳೆದುಕೊಂಡಾಗ ರಿಷಭ್ ಪಂತ್ ರೋಹಿತ್ ಶರ್ಮಾ ಅವರನ್ನು ಸೇರಿಕೊಂಡರು. ರೋಹಿತ್ ಶರ್ಮಾ, ಆರ್ ಅಶ್ವಿನ್ ಹಾಗೂ ವಾಶಿಂಗ್ಟನ್ ಸುಂದರ್ ಅವರೊಂದಿಗೆ ಅಮೂಲ್ಯ ಜೊತೆಯಾಟವನ್ನು ನೀಡಿದರು ಪಂತ್. ಈ ಮೂಲಕ ಭಾರತವನ್ನು ಸಂಕಷ್ಟದಿಂದ ಮೇಲೆತ್ತುವಲ್ಲಿ ಸಫಲರಾದರು.

7 ಪಂದ್ಯಗಳಲ್ಲಿ 3 ಬಾರಿ ಶತಕ ತಪ್ಪಿಸಿಕೊಂಡಿದ್ದ ಪಂತ್

ರಿಷಭ್ ಪಂತ್ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಿಂದಲೂ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸುತ್ತಿದ್ದು ತಂಡಕ್ಕೆ ಹಲವು ಬಾರಿ ನೆರವಾಗಿದ್ದಾರೆ. ಕಳೆದ 7 ಪಂದ್ಯಗಳಲ್ಲಿ ಪಂತ್ 3 ಬಾರಿ ಶತಕದ ಅಂಚಿಗೆ ಬಂದು ಎಡವಿದ್ದರು. 97, 89*, ಹಾಗೂ 91 ಗಳಿಸಿದ್ದ ಪಂತ್ ಈ ಸ್ಕೋರ್‌ಗಳನ್ನು ಶತಕವನ್ನಾಗಿ ಪರಿವರ್ತಿಸಲು ವಿಫಲರಾಗಿದ್ದರು. ಕಡೆಗೂ ಈ ಜಾಲದಿಂದ ಪಂತ್ ಹೊರಬಂದಿದ್ದಾರೆ.

ದ್ವಿತಿಯಾರ್ಧದಲ್ಲಿ ಪಂತ್ ಭರ್ಜರಿ ಆಟ

ಮೊದಲಾರ್ಧದಲ್ಲಿ ರನ್‌ಗಳಿಸಲು ಒಂದಷ್ಟು ಪರದಾಡಿದ ರಿಷಭ್ ಪಂತ್ ಅರ್ಧ ಶತಕವನ್ನುಗಳಿಸಿದ ಬಳಿಕ ತಮ್ಮ ಎಂದಿನ ಲಯಕ್ಕೆ ಮರಳಿದರು. 13 ಬೌಂಡರಿ ಹಾಗೂ 2 ಸಿಕ್ಸರ್ ಸಿಡಿಸಿ ತಮ್ಮ ಶತಕವನ್ನು ಪೂರೈಸಿದ್ದಾರೆ. ಸಿಕ್ಸರ್ ಮೂಲಕ ಶತಕವನ್ನು ಸಂಪೂರ್ಣಗೊಳಿಸಿದ ಪಂತ್ ಬಳಿಕ ಆಂಡರ್ಸನ್ ಎಸೆದ ರಿವರ್ಸ್‌ಸ್ವಿಂಗ್ ಎಸೆತಕ್ಕೆ ಕ್ಯಾಚ್ ನೀಡಿ ನಿರ್ಗಮಿಸಿದರು