ಭಾರತ - ನ್ಯೂಜಿಲ್ಯಾಂಡ್ 2ನೇ ಪಂದ್ಯದಲ್ಲಿ ನಡೆದುಹೋದ ಬಲು ಅಪರೂಪದ ಘಟನೆ

ಟಿಮ್ ಸೌಥಿಗೆ ಅನಾರೋಗ್ಯ, ಮೈದಾನದಿಂದ ಹೊರಗೆ

ನ್ಯೂಜಿಲ್ಯಾಂಡ್ ತಂಡ ಬದಲಿ ಆಟಗಾರರನ್ನಾಗಿ ಕೇವಲ ಒಬ್ಬರನ್ನು ( ಮಿಚೆಲ್ ಸಾಂಟ್ನರ್ ) ಆಯ್ಕೆ ಮಾಡಿತ್ತು. ಆದರೆ, ಆತ ಹೊಟ್ಟೆನೋವಿನಿಂದ ಬಳಲುತ್ತಿದ್ದರಿಂದ, ಡ್ರೆಸ್ಸಿಂಗ್ ರೂಂನಲ್ಲೇ ಇದ್ದರು. ಈ ವೇಳೆ, ಟಿಮ್ ಸೌಥಿಗೆ ಅನಾರೋಗ್ಯ ಕಾಡಿ, ಮೈದಾನದಿಂದ ಹೊರನಡೆದರು.

ತಂಡದ ಫೀಲ್ಡಿಂಗ್ ಕೋಚ್ ಲೂಕ್ ರಾಂಚಿ

ಆ ವೇಳೆ, ಬದಲಿ ಆಟಗಾರನೂ ಇಲ್ಲದಿದ್ದರಿಂದ, ಇನ್ನೊಂದು ಆಟಗಾರ ಮೈದಾನಕ್ಕೆ ಹೋಗುವ ಅನಿವಾರ್ಯತೆಯಲ್ಲಿ ಕಿವೀಸ್ ಸಿಲುಕಿತು. ಬೇರೆ ದಾರಿಯಿಲ್ಲದೇ, ತಂಡದ ಫೀಲ್ಡಿಂಗ್ ಕೋಚ್ ಲೂಕ್ ರಾಂಚಿ, ಬದಲಿ ಆಟಗಾರನ ಜರ್ಸಿ ಧರಿಸಿ, ಫೀಲ್ಡ್ ಗೆ ಇಳಿದರು. ಕಿವೀಸ್ ಈ ರೀತಿಯ ಪರಿಸ್ಥಿತಿ ಎದುರಿಸುವುದು ಇದೇನೊ ಮೊದಲಲ್ಲ.

ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್, ಸಿಡ್ನಿ ಟೆಸ್ಟ್

2015ರಲ್ಲಿ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ತಂಡಗಳ ನಡುವೆ ಸಿಡ್ನಿಯಲ್ಲಿ ನಡೆಯುತ್ತಿದ್ದ ಟೆಸ್ಟ್ ಪಂದ್ಯದ ವೇಳೆಯೂ ಕಿವೀಸ್ ಇದೇ ರೀತಿಯ ಮುಜುಗರಕ್ಕೀಡಾಗಿತ್ತು. ಆ ವೇಳೆ, ತಂಡದ ಬ್ಯಾಟಿಂಗ್ ಕೋಚ್ ಆಗಿದ್ದ ಪೀಟರ್ ಫುಲ್ಟನ್ ಅವರನ್ನು ಮೈದಾನಕ್ಕೆ ಇಳಿಸಲಾಗಿತ್ತು.

ವಿಶ್ವಕಪ್ ಕ್ರಿಕೆಟ್ ಫೈನಲ್

ಎರಡನೇ ಪಂದ್ಯದಲ್ಲಿ ಫೀಲ್ದಿಗೆ ಇಳಿದಿದ್ದ ಲೂಕ್ ರಾಂಚಿ, ತಂಡದ ಮತ್ತು ಆಸ್ಟ್ರೇಲಿಯಾದ ಬ್ಯಾಟ್ಸ್ ಮ್ಯಾನ್ ಕಮ್ ವಿಕೆಟ್ ಕೀಪರ್ ಆಗಿದ್ದವರು. 2015ರಲ್ಲಿ ನ್ಯೂಜಿಲ್ಯಾಂಡ್ ಮತ್ತು ಆಸ್ಟ್ರೇಲಿಯಾ ತಂಡಗಳ ನಡುವೆ ನಡೆದ ವಿಶ್ವಕಪ್ ಕ್ರಿಕೆಟ್ ಫೈನಲ್ ನಲ್ಲಿ ಲೂಕ್ ರಾಂಚಿ ಕಿವೀಸ್ ವಿಕೆಟ್ ಕೀಪರ್ ಆಗಿದ್ದರು.