ಐಪಿಎಲ್ 2020: ಹಿಂದಿಗಿಂತ ಹೇಗೆ ಭಿನ್ನ ಈ ಬಾರಿಯ ಆರ್‌ಸಿಬಿ? ಕುತೂಹಲಕಾರಿ ಸಂಗತಿ ಬಿಚ್ಚಿಟ್ಟ ಎಬಿಡಿ

ತಂಡದ ವಾತಾವರಣದಲ್ಲಿ ಹೊಸತನ

ಈ ಬಾರಿ ಶ್ರೇಷ್ಠ ತಂಡವನ್ನು ನಾವು ಹೊಂದಿದ್ದೇವೆ ಎಂದು ನಾನು ಹೇಳುವುದಿಲ್ಲ. ಆದರೆ ಈ ಬಾರಿಯ ತಂಡದ ವಾತಾವರಣದಲ್ಲಿ ಸಾಕಷ್ಟು ಹೊಸತನದ ಅನುಭವವಾಗುತ್ತಿದೆ. ಅದನ್ನು ನನಗೆ ವಿವರಿಸಲು ಸಾಧ್ಯವಾಗುತ್ತಿಲ್ಲ. ಆದರೆ ಅದು ತುಂಬಾ ರೋಮಾಂಚನಕಾರಿಯಾಗಿದೆ ಎಂದು ಎಬಿ ಡಿವಿಲಿಯರ್ಸ್ ಹೇಳಿದ್ದಾರೆ.

ಬ್ಯಾಕಪ್‌ ಆಯ್ಕೆಗಳು ಇವೆ

ನಾಯಕ ವಿರಾಟ್ ಕೊಹ್ಲಿ ನಿಸ್ಸಂಶಯವಾಗಿ ಕಾಂಬಿನೇಶನ್ ಅಯ್ಕೆ ಮಾಡಿಕೊಳ್ಳುವಾಗ ಅದಕ್ಕೆ ಪೂರಕ ಬ್ಯಾಕಪ್‌ಗಳನ್ನು ಮಾಡಿಕೊಳ್ಳುವಷ್ಟು ಆಯ್ಕೆಗಳು ತಂಡದಲ್ಲಿದೆ. ಹಾಗಾಗಿ ಕೋಚ್ ಹಾಗೂ ವಿರಾಟ್ ತಂಡದಲ್ಲಿ ಅತ್ಯುತ್ತಮ ಆಡುವ ಬಳಗವನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶಗಳು ಇದೆ ಎಂದು ಎಬಿ ಡಿವಿಲಿಯರ್ಸ್ ತಿಳಿಸಿದ್ದಾರೆ.

ಪ್ರತಿ ವಿಭಾಗದಲ್ಲೂ ಆಯ್ಕೆಗಳಿವೆ

ಇದು ಕೇವಲ ಪ್ರತಿ ಪಂದ್ಯದಲ್ಲೂ ಎಬಿ ಡಿ ಬ್ಯಾಟಿಂಗ್‌ಗೆ ಇಳಿಯುತ್ತಾನೆ, ಪಾರ್ಥೀವ್ ಅಥವಾ ಡೇಲ್ ಸ್ಟೇನ್ ಪ್ರತಿ ಪಂದ್ಯದಲ್ಲೂ ಆಡುತ್ತಾರೆ ಎಂಬುದು ವಿಚಾರವಲ್ಲ. ಪ್ರತಿ ವಿಭಾಗದಲ್ಲೂ ಇಲ್ಲಿ ಆಯ್ಕೆಗಳಿವೆ. ಬ್ಯಾಟಿಂಗ್, ಬೌಲಿಂಗ್ ಫೀಲ್ಡಿಂಗ್. ನೀವು ಅದನ್ನು ಹೆಸರಿಸಬಹುದು. ಹಾಗಾಗಿ ರೋಮಾಂಚನಕಾರಿಯಾಗಿದೆ ಎಂದು ಎಬಿ ಡಿವಿಲಿಯರ್ಸ್ ಹೇಳಿದ್ದಾರೆ.

ವಿರಾಟ್ ಬಗ್ಗೆ ಪ್ರಶಂಸೆ

ತಂಡದಲ್ಲಿ ಕಠಿಣ ಪರಿಶ್ರಮದ ವಾತಾವರಣವಿದೆ. ಅದಕ್ಕಾಗಿ ನಾಯಕ ವಿರಾಟ್ ಕೊಹ್ಲಿಗೆ ಪ್ರಶಂಸೆಯನ್ನು ವ್ಯಕ್ತಪಡಿಸಲೇಬೇಕು. ಕೊಹ್ಲಿ ಉದಾಹರಣೆಯಾಗಿ ಮುಂದಿರುತ್ತಾರೆ. ವಿರಾಟ್ ರೀತಿಯ ನಾಯಕ ಮುಂದೆ ಇದ್ದಾಗ ಆತನನ್ನು ಅನುಸರಿಸುವುದು ತುಂಬಾ ಸುಲಭ ಎಂದು ಎಬಿ ಡಿ ವಿಲಿಯರ್ಸ್ ನಾಯಕ ಕೊಹ್ಲಿ ಬಗ್ಗೆ ಪ್ರಶಂಸೆಯನ್ನು ವ್ಯಕ್ತಪಡಿಸಿದ್ದಾರೆ.