ಮಯಾಂಕ್ ಬೆಂಬಲಕ್ಕೆ ನಿಂತ ದಿಗ್ಗಜ
ಟೀಮ್ ಇಂಡಿಯಾದ ಆರಂಭಿಕನಾಗಿ ಮಿಂಚುಹರಿಸಿದ ಮಯಾಂಕ್ ಅಗರ್ವಾಲ್ ಅವರನ್ನು ಆರಂಭಿಕನಾಗಿ ಮುಂದುವರಿಸಬೇಕೆಂದು ಸುನಿಲ್ ಗವಾಸ್ಕರ್ ಹೇಳಿದ್ದಾರೆ. ಆರಂಭಿಕನಾಗಿ ತಂಡಕ್ಕೆ ಮಯಾಂಕ್ ನೀಡಿದ ಕೊಡುಗೆಯನ್ನು ಮರೆಯಬಾರದೆಂದು ಅವರು ಎಚ್ಚರಿಸಿದ್ದಾರೆ. ಮಯಾಂಕ್ ಸಾಧನೆಯನ್ನು ಈ ಸಂದರ್ಭದಲ್ಲಿ ಗವಾಸ್ಕರ್ ಸ್ಮರಿಸಿದ್ದಾರೆ.
ಮಯಾಂಕ್ ಆಟವನ್ನು ಪ್ರಶಂಸಿಸಿದ ಗವಾಸ್ಕರ್
"ಮಯಾಂಕ್ ಅಗರ್ವಾಲ್ ತಂಡಕ್ಕೆ ನಿಜಕ್ಕೂ ಅದ್ಭುತವಾದ ಕೊಡುಗೆಯನ್ನು ಭಾರತ ತಂಡಕ್ಕೆ ನೀಡಿದ್ದಾರೆ. ಇನ್ನಿಂಗ್ಸ್ ಆರಂಭಿಸಿದ ವೇಳೆ ಎರಡು ಬಾರಿ ಆತ ದ್ವಿಶತಕವನ್ನು ಬಾರಿಸಿದ್ದಾರೆ. ಈಗ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಗೆ ಮುನ್ನ ಅಭ್ಯಾಸ ಪಂದ್ಯ ನಡೆಸಲು ಬಿಸಿಸಿಐ ತೆಗೆದುಕೊಂಡಿರುವ ನಿರ್ಧಾರ ನಿಜಕ್ಕೂ ಉತ್ತಮವಾಗಿದ್ದು ಈ ಸಂದರ್ಭದಲ್ಲಿ ಗಿಲ್ ಹಾಗೂ ಮಯಾಂಕ್ ಮಧ್ಯೆ ಆರಂಭಿಕರಾಗಿ ಯಾರು ಸೂಕ್ತ ಎಂದು ನಿರ್ಣಯಿಸಲು ಅವಕಾಶವಿದೆ" ಎಂದು ಗವಾಸ್ಕರ್ ಸಲಹೆಯನ್ನು ನೀಡಿದ್ದಾರೆ.
ಪರೀಕ್ಷಿಸಿ ಆಯ್ಕೆ ಮಾಡಿಕೊಳ್ಳಲು ಗವಾಸ್ಕರ್ ಸಲಹೆ
ರೋಹಿತ್ ಶರ್ಮಾ ಖಂಡಿತವಾಗಿಯೂ ಆರಂಭಿಕನಾಗಿ ಇರಲಿದ್ದಾರೆ ಹೀಗಾಗಿ ಅಭ್ಯಾಸ ಪಂದ್ಯದಲ್ಲಿ ಅವರಿಗೆ ವಿಶ್ರಾಂತಿಯನ್ನು ನೀಡಿ ಆರಂಭಿಕರಾಗಿ ಮಯಾಂಕ್ ಹಾಗೂ ಗಿಲ್ ಅವರನ್ನು ಕಣಕ್ಕಿಳಿಸಬೇಕು. ಆಗ ಇಂಗ್ಲೀಷ್ ಕಂಡೀಶನ್ಗೆ ಉತ್ತಮವಾಗಿ ಒಗ್ಗಿಕೊಳ್ಳುವ ಆಟಗಾರ ಯಾರು? ಯಾರು ಉತ್ತಮ ತಾಂತ್ರಿಕ ಕೌಶಲ್ಯವನ್ನು ಹೊಂದಿದ್ದಾರೆ ಎಂಬುದನ್ನು ಕಂಡುಕೊಳ್ಳಬಹುದು. ಅದರ ಆಧಾರದಲ್ಲಿ ಮಯಾಂಕ್ ಅಗರ್ವಾಲ್ ಅವರನ್ನು ಕಣಕ್ಕಿಳಿಸಬೇಕೋ ಅಥವಾ ಶುಬ್ಮನ್ ಗಿಲ್ಗೆ ಅವಕಾಶವನ್ನು ನೀಡಬೇಕೋ ಎಂಬುದನ್ನು ಮುಂದುವರಿಸಬಹುದು" ಎಂದು ಸುನಿಲ್ ಗವಾಸ್ಕರ್ ಸಲಹೆ ನೀಡಿದ್ದಾರೆ.
ಆಸಿಸ್ ಪ್ರವಾಸದಲ್ಲಿ ಎಡವಿದ್ದ ಮಯಾಂಕ್
ಟೀಮ್ ಇಂಡಿಯಾದ ಟೆಸ್ಟ್ ತಂಡದ ಮೊದಲ ಆಯ್ಕೆಯ ಆರಂಭಿನಾಗಿದ್ದ ಮಯಾಂಕ್ ಅಗರ್ವಾಲ್ ಕಳೆದ ಆಸ್ಟ್ರೇಲಿಯಾ ಪ್ರವಾಸದ ಮೊದಲ ಪಂದ್ಯದಲ್ಲಿ ವಿಫಲವಾಗಿದ್ದರೂ ಎರಡು ಇನ್ನಿಂಗ್ಸ್ಗಳಲ್ಲಿಯೂ ವೈಫಲ್ಯವನ್ನು ಅನುಭವಿಸಿದ್ದರು. ಬಳಿಕ ಆ ಸ್ಥಾನವನ್ನು ತುಂಬಿದ ಶುಬ್ಮನ್ ಗಿಲ್ ಅದ್ಭುತ ಪ್ರದರ್ಶನ ನೀಡಿ ಮಿಂಚಿದರು. ಹೀಗಾಗಿ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯ ಎಲ್ಲಾ ಪಂದ್ಯಗಳಿಂದಲೂ ಹೊರಗುಳಿದ ಮಯಾಂಕ್ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿಯೂ ಆಡುವ ಬಳಗದಲ್ಲಿ ಅವಕಾಶ ಗಿಟ್ಟಿಸಿಕೊಳ್ಳಲು ವಿಫಲರಾಗಿದ್ದರು.