Click it and Unblock the Notifications
2008ರ ಟೆಸ್ಟ್ ಸರಣಿ
ಅದು ಟೀಮ್ ಇಂಡಿಯಾ ಆಸ್ಟ್ರೇಲಿಯಾಗೆ ಪ್ರವಾಸ ಮಾಡಿತ್ತು. ಟೆಸ್ಟ್ ಸರಣಿಯಲ್ಲಿ ಟೀಮ್ ಇಂಡಿಯಾ ಆಸ್ಟ್ರೇಲಿಯಾ ತಂಡ ಮುಖಾಮುಖಿಯಾಗಿತ್ತು. ಸಿಡ್ನಿ ಕ್ರಿಕೆಟ್ ಗ್ರೌಂಡ್‌ನಲ್ಲಿ ನಡೆದ ಈ ಪಂದ್ಯದ ಸಂದರ್ಭದಲ್ಲಿ ಸ್ಲಡ್ಜಿಂಗ್ ಮಾಡುವ ಸಂದರ್ಭದಲ್ಲಿ ಬಹುದೊಡ್ಡ ವಿವಾದವೊಂದು ಎದ್ದಿತ್ತು
ಜನಾಂಗೀಯ ನಿಂದನೆ ಆರೋಪ
ಆಸ್ಟ್ರೇಲಿಯಾದ ಆಲ್‌ರೌಂಡರ್ ಆ್ಯಂಡ್ರೋ ಸೈಮಂಡ್ಸ್ ಪಂದ್ಯದ ಸಂದರ್ಭದಲ್ಲಿ ಟೀಮ್ ಇಂಡಿಯಾದ ಅನುಭವಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ತನ್ನನ್ನು 'ಮಂಗ' ಎಂದು ಕರೆದಿದ್ದಾಗಿ ಆರೋಪವನ್ನು ಮಾಡಿದ್ದರು. ಇದು ಜನಾಂಗೀಯ ನಿಂದನೆ ಪ್ರಕರಣವಾಗಿ ತಿರುವು ಪಡೆದು ಸಾಕಷ್ಟು ವಿವಾದವನ್ನು ಎಬ್ಬಿಸಿತು.
ಜನಾಂಗೀಯ ನಿಂದನೆ ಆರೋಪ
ಆಸ್ಟ್ರೇಲಿಯಾದ ಆಲ್‌ರೌಂಡರ್ ಆ್ಯಂಡ್ರೋ ಸೈಮಂಡ್ಸ್ ಪಂದ್ಯದ ಸಂದರ್ಭದಲ್ಲಿ ಟೀಮ್ ಇಂಡಿಯಾದ ಅನುಭವಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ತನ್ನನ್ನು 'ಮಂಗ' ಎಂದು ಕರೆದಿದ್ದಾಗಿ ಆರೋಪವನ್ನು ಮಾಡಿದ್ದರು. ಇದು ಜನಾಂಗೀಯ ನಿಂದನೆ ಪ್ರಕರಣವಾಗಿ ತಿರುವು ಪಡೆದು ಸಾಕಷ್ಟು ವಿವಾದವನ್ನು ಎಬ್ಬಿಸಿತು.
ಆರೋಪವನ್ನು ನಿರಾಕರಿಸಿದ್ದರು ಭಜ್ಜಿ
ಸೈಮಂಡ್ಸ್ ಮಾಡಿದ ಈ ಆರೋಪವನ್ನು ಹರ್ಭಜನ್ ಸಿಂಗ್ ನಿರಾಕರಿಸಿದ್ದರು. ಸೈಮಂಡ್ಸ್ ಅವರನ್ನು ತಾನು ಜನಾಂಗೀಯವಾಗಿ ನಿಂದಿಸಿಲ್ಲ ಎಂದು ಭಜ್ಜಿ ಪ್ರತಿಪಾದಿಸಿದರು. ಮತ್ತು ಕೊನೆಗೆ ಈ ಆರೋಪದಿಂದಲೂ ಮುಕ್ತರಾದರು. ಈ ಸಂದರ್ಭದಲ್ಲಿ ಆಸ್ಟ್ರೇಲಿಯಾ ನಾಯಕನಾಗಿ ಪಾಂಟಿಂಗ್ ಇದ್ದರೆ ಟೀಮ್ ಇಂಡಿಯಾದ ನಾಯಕನಾಗಿ ಅನಿಲ್ ಕುಂಬ್ಳೆ ಇದ್ದರು.
ಖಾಸಗಿ ವಾಹಿನಿ ಜೊತೆ ಮಾತಾಡಿದ ಪಾಂಟಿಂಗ್
ಮಂಕಿಗೇಟ್ ಪ್ರಕರಣದ ಬಗ್ಗೆ ರಿಕಿ ಪಾಂಟಿಂಗ್ ಮತ್ತೊಮ್ಮೆ ಮಾತನಾಡಿದ್ದಾರೆ. 2008ರಲ್ಲಿ ಟೀಮ್ ಇಂಡಿಯಾ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ನಡೆದ 'ಮಂಕಿಗೇಟ್' ಘಟನೆಯ ಬಗ್ಗೆ ಮಾತನಾಡಿದ್ದಾರೆ. ತನ್ನ ನಾಯಕತ್ವದಲ್ಲಿ ನಡೆದ ಅತಿ ನಿಕೃಷ್ಟ ಘಟನೆ ಅಂದರೆ ಅದು ಮಂಕಿ ಗೇಟ್ ಪ್ರಕರಣ ಎಂದು ರಿಕಿ ಪಾಂಟಿಂಗ್ ಹೇಳಿಕೊಂಡಿದ್ದಾರೆ.
ಯಾವುದೂ ನನ್ನ ನಿಯಂತ್ರಣದಲ್ಲಿರಲಿಲ್ಲ
ಮಂಕಿಗೇಟ್ ಘಟನೆ ನಡೆದ ಸಂದರ್ಭದಲ್ಲಿ ನಡೆದ ಪರಿಸ್ಥಿತಿಗಳು ಯಾವುದೂ ಕೂಡ ನನ್ನ ನಿಯಂತ್ರಣದಲ್ಲಿರಲಿಲ್ಲ ಈ ಘಟನೆ ಸಾಕಷ್ಟು ಸಮಯ ಎಳೆಯಲ್ಪಟ್ಟಿತು ಎಂದು ರಿಕಿ ಪಾಂಟಿಂಗ್ ಹೇಳಿದ್ದಾರೆ. ಖಾಸಗಿ ವಾಹಿನಿಯ ಸಂದರ್ಶನದಲ್ಲಿ ಮಾತನಾಡಿದ ಸಂದರ್ಭದಲ್ಲಿ ಈ ವಿಚಾರವನ್ನು ರಿಕಿ ಪಾಂಟಿಂಗ್ ತಿಳಿಸಿದ್ದಾರೆ.
2005ರ ಆ್ಯಶಸ್ ಸೋಲು ಕಠಿಣ
ಆಸ್ಟ್ರೇಲಿಯಾ 2005ರಲ್ಲಿ ಆ್ಯಶಸ್ಸನ್ನು ಕಳೆದುಕೊಂಡಿತ್ತು. ಆ ಸಂದರ್ಭವನ್ನು ರಿಕಿ ಪಾಂಟಿಂಗ್ 'ಅದೊಂದು ಕಠಿಣ ಸಂದರ್ಭವಾಗಿತ್ತು, ಆದರೆ ಆ ಸಂದರ್ಭದಲ್ಲಿ ಎಲ್ಲವೂ ನನ್ನ ನಿಯಂತ್ರಣದಲ್ಲೇ ಇತ್ತು. ಆದರೆ ಮಂಕಿ ಗೇಟ್ ಘಟನೆಯಲ್ಲಿ ಯಾವುದೂ ನನ್ನ ನಿಯಂತ್ರಣದಲ್ಲಿರಲಿಲ್ಲ' ಎಂದಿದ್ದಾರೆ ರಿಕಿ ಪಾಂಟಿಂಗ್
