Click it and Unblock the Notifications
ಈತನೇ ತಂಡದ ಆಸ್ತಿ
ಈ ಪಂದ್ಯದ ಬಳಿಕ ವಿರಾಟ್ ಕೊಹ್ಲಿ ಮಾತನಾಡಿ ಗೆಲುವಿನಲ್ಲಿ ಮಹತ್ವದ ಪಾತ್ರವಹಿಸಿದ ಎಬಿ ಡಿವಿಲಿಯರ್ಸ್ ಬಗ್ಗೆ ಪ್ರಶಂಸೆಯ ಮಾತುಗಳನ್ನು ಆಡಿದ್ದಾರೆ. ಆರ್‌ಸಿಬಿ ತಂಡದ ಪ್ರಮುಖ ಆಸ್ತಿ ಎಬಿ ಡಿವಿಲಿಯರ್ಸ್ ಎಂದು ವಿರಾಟ್ ಕೊಹ್ಲಿ ಪ್ರತಿಕ್ರಿಯಿಸಿದ್ದಾರೆ.
ಸ್ಪರ್ಧಾತಕ ಕ್ರಿಕೆಟ್ ಆಡದೆ 5 ತಿಂಗಳು
"ಆತ ಸ್ಪರ್ಧಾತ್ಮಕ ಕ್ರಿಕೆಟ್ ಆಡದೆ 5 ತಿಂಗಳಾಯಿತು. ಆದರೆ ಆತನನ್ನು ನೀವು ನೋಡಿದರೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯನ್ನು ಪಡೆದುಕೊಂಡಿದ್ದಾರೆ ಎಂದು ಅನ್ನಿಸಲು ಸಾಧ್ಯವೇ ಇಲ್ಲ. ಆತನಿಗೆ ಹ್ಯಾಟ್ಸ್‌ಆಫ್." ಎಂದು ಕೊಹ್ಲಿ ಹೇಳಿದ್ದಾರೆ.
ನಮಗಾಗಿ ಇಂತಾ ಆಟವನ್ನು ಮುಂದುವರಿಸಿ
"ನಮಗಾಗಿ ಇಂತಾ ಆಟವನ್ನು ನೀಡುವುದನ್ನು ಮುಂದುವರಿಸಿ, ನನ್ನ ನಿಜವಾದ ಆಸ್ತಿ ಎಬಿ ಡಿವಿಲಿಯರ್ಸ್. ನಾನು ಇದನ್ನು ಮತ್ತೊಮ್ಮೆ ಹೇಳಬಲ್ಲೆ. ಆತ ಕ್ರಿಕೆಟ್ ಆಡದೆ ಐದು ತಿಂಗಳಾಯಿತು. ಆದರೆ ಇವತ್ತಿನ ಪಂದ್ಯವನ್ನೊಮ್ಮೆ ನೋಡಿ!" ಎಂದು ವಿರಾಟ್ ಕೊಹ್ಲಿ ಎಬಿ ಡಿವಿಲಿಯರ್ಸ್ ಇನ್ನಿಂಗ್ಸ್ ಬಗ್ಗೆ ಕೊಹ್ಲಿ ವಿಶೇಷ ಮಾತುಗಳನ್ನು ಆಡಿದ್ದಾರೆ.
75 ರನ್ ಸಿಡಿಸಿದ ಎಬಿಡಿ
ದಕ್ಷಿಣ ಆಫ್ರಿಕಾದ ದಿಗ್ಗಜ ಆಟಗಾರ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿ 42 ಎಸೆತಗಳಲ್ಲಿ 75 ರನ್‌ಗಳನ್ನು ಸಿಡಿಸಿದರು. ಈ ಇನ್ನಿಂಗ್ಸ್‌ನಲ್ಲಿ 5 ಸಿಕ್ಸರ್ ಹಾಗೂ ನಾಲ್ಕು ಬೌಂಡರಿಗಳು ಇದ್ದವು. ಡೆಲ್ಲಿ ವಿರುದ್ಧದ ಪಂದ್ಯದಲ್ಲಿ 5000 ರನ್‌ಗಳ ಮೈಲಿಗಲ್ಲನ್ನು ಕೂಡ ದಾಟಿದ್ದಾರೆ ಡಿವಿಲಿಯರ್ಸ್.
