ಜೀವನ ಶ್ರೇಷ್ಠ ಸಾಧನೆ
ಐಸಿಸಿ ಪ್ರಕಟಿಸಿರುವ ನೂತನ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ಬೆನ್ ಸ್ಟೋಕ್ಸ್ 693 ಪಾಯಿಂಟ್ಸ್ಗಳೊಂದಿಗೆ ಸದ್ಯ 13ನೇ ಸ್ಥಾನದಲ್ಲಿದ್ದಾರೆ. ಅಂದರೆ ಆ್ಯಷಸ್ 3ನೇ ಟೆಸ್ಟ್ ಬಳಿಕ ಸ್ಟೋಕ್ಸ್ 13 ಸ್ಥಾನ ಜಿಗಿತ ಕಾಣುವ ಮೂಲಕ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ವೃತ್ತಿ ಜೀವನದ ಶ್ರೇಷ್ಠ ಸಾಧನೆ ತೋರಿದ್ದಾರೆ.
ಇಂಗ್ಲೆಂಡ್ಗೆ ಅಚ್ಚರಿಯ ಗೆಲುವು!
ಡೆಡ್ಡಿಂಗ್ಲಿಯಲ್ಲಿ ಆಗಸ್ಟ್ 26ರಂದು ಮುಕ್ತಾಯಗೊಂಡ 3ನೇ ಆ್ಯಷಸ್ ಟೆಸ್ಟ್ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಆಸ್ಟ್ರೆಲಿಯಾ 179 ರನ್ ಗಳಿಸಿತ್ತು. ಇಂಗ್ಲೆಂಡ್ ಪ್ರಥಮ ಇನ್ನಿಂಗ್ಸ್ನಲ್ಲಿ 67 ರನ್ನಿಗೆ ಆಲ್ ಔಟ್ ಆಗಿ ಹಿನ್ನಡೆಯೊಂದಿಗೆ ಮುಖಭಂಗ ಅನುಭವಿಸಿತ್ತು. ದ್ವಿತೀಯ ಇನ್ನಿಂಗ್ಸ್ನಲ್ಲಿ ಆಸೀಸ್ 246 ರನ್ ಮಾಡಿದ್ದರಿಂದ ಅಂತಿಮ ಇನ್ನಿಂಗ್ಸ್ನಲ್ಲಿ ಇಂಗ್ಲೆಂಡ್ ಗೆಲುವಿಗೆ 358 ರನ್ಗಳ ಬೃಹತ್ ಗುರಿಯಿತ್ತು. ಸ್ಟೋಕ್ಸ್ ಸ್ಫೋಟಕ ಬ್ಯಾಟಿಂಗ್ಗನಿಂದ ಇಂಗ್ಲೆಂಡ್, 9 ವಿಕೆಟ್ ಕಳೆದು 362 ರನ್ ಪೇರಿಸಿ ರೋಚಕ ಗೆಲುವನ್ನಾಚರಿಸಿತ್ತು.
ಕೊಹ್ಲಿಗೆ ಮೊದಲ ಸ್ಥಾನ
ಸದ್ಯದ ಟೆಸ್ಟ್ ರ್ಯಾಂಕಿಂಗ್ನಲ್ಲಿ ಟೀಮ್ ಇಂಡಿಯಾ ಕಪ್ತಾನ ವಿರಾಟ್ ಕೊಹ್ಲಿ 910 ರೇಟಿಂಗ್ ಪಾಯಿಂಟ್ನೊಂದಿಗೆ ನಂ.1 ಸ್ಥಾನದಲ್ಲಿದ್ದಾರೆ. ಆ್ಯಷಸ್ ಟೆಸ್ಟ್ನಲ್ಲಿ ಎರಡು ಶತಕಗಳನ್ನು ದಾಖಲಿಸಿದ್ದ ಆಸೀಸ್ ಬ್ಯಾಟ್ಸ್ಮನ್ ಸ್ಟೀವ್ ಸ್ಮಿತ್ 2ನೇ (904 ಪಾಯಿಂಟ್ಸ್), ನ್ಯೂಜಿಲೆಂಡ್ನ ಕೇನ್ ವಿಲಿಯಮ್ಸನ್ 3ನೇ (878), ಭಾರತದ ಚೇತೇಶ್ವರ್ ಪೂಜಾರ 4ನೇ (856), ಕಿವೀಸ್ನ ಹೆನ್ರಿ ನಿಕೋಲ್ಸ್ 5ನೇ (749) ಸ್ಥಾನ ಪಡೆದುಕೊಂಡಿದ್ದಾರೆ.
ಟೆಸ್ಟ್ ಬೌಲಿಂಗ್ ರ್ಯಾಂಕ್
ಟೆಸ್ಟ್ ಬೌಲಿಂಗ್ ರ್ಯಾಂಕಿಂಗ್ನಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ 1, ದಕ್ಷಿಣ ಆಫ್ರಿಕಾ ವೇಗಿ ಕಾಗಿಸೋ ರಬಾಡ 2, ಇಂಗ್ಲೆಂಡ್ನ ಜೇಮ್ಸ್ ಆ್ಯಂಡರ್ಸನ್ 3ನೇ ಸ್ಥಾನದಲ್ಲಿದ್ದರೆ, ಆಲ್ ರೌಂಡರ್ ಪಟ್ಟಿಯಲ್ಲಿ ವೆಸ್ಟ್ ಇಂಡೀಸ್ ನಾಯಕ ಜೇಸನ್ ಹೋಲ್ಡರ್ 1, ಇಂಗ್ಲೆಂಡ್ನ ಬೆನ್ ಸ್ಟೋಕ್ಸ್ 2, ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್ 3ನೇ ಸ್ಥಾನದಲ್ಲಿದ್ದಾರೆ.