ಯುವ ಬ್ಯಾಟ್ಸ್ಮನ್ ರಿಷಬ್ ಪಂತ್‌ 'ಚಾಂಪಿಯನ್' ಎಂದ ವಿರಾಟ್ ಕೊಹ್ಲಿ!

ಜಿಮ್ ನಲ್ಲೂ ಜೊತೆ ಜೊತೆಗೆ

ಟ್ವಿಟರ್ ನಲ್ಲಿ ರಿಷಬ್ ಪಂತ್ ಜೊತೆಗಿನ ಫೋಟೋ ಹಾಕಿಕೊಂಡಿರುವ ಕೊಹ್ಲಿ, 'ಆಸ್ಟ್ರೇಲಿಯಾಕ್ಕೆ ಮತ್ತೆ ಬಂದಿದ್ದೇವೆ. ಈ ಚಾಂಪಿಯನ್‌ನೊಂದಿಗೆ ಮುಂದಿನ ಕೆಲ ವಾರಗಳ ಕಾಲ ಮುನ್ನಡೆ ಸಾಧಿಸುವ ಬಗೆಯಲ್ಲಿ ಯೋಚಿಸುತ್ತಿದ್ದೇವೆ' ಎಂದು ಬರೆದುಕೊಂಡಿದ್ದಾರೆ. ಜಿಮ್ ನಲ್ಲಿ ಅಭ್ಯಾಸ ನಿರತ ಫೋಟೋದಲ್ಲೂ ಕೊಹ್ಲಿ ಜೊತೆ ಪಂತ್ ಇದ್ದಾರೆ.

ಹುಮ್ಮಸ್ಸು ತುಂಬುವ ಯತ್ನ

ಸದ್ಯ ಭಾರತ ತಂಡದಲ್ಲಿರುವ ಅನುಭವಿ ಆಟಗಾರರೆಲ್ಲರೂ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಕಾಲಿರಿಸುತ್ತಿರುವ ಯುವ ಆಟಗಾರರನ್ನು ತಮ್ಮದೇ ರೀತಿಯಲ್ಲಿ ತುಂಬು ಮನದಿಂದ ಬೆಂಬಲಿಸುತ್ತಿರುವುದು ನಾವೆಲ್ಲರೂ ಕಂಡಿದ್ದೇವೆ. ಇದೇ ರೀತಿ ಇಲ್ಲಿ ಕೊಹ್ಲಿ, ಪಂತ್‌ಗೆ ಹುಮ್ಮಸ್ಸು ತುಂಬುವ ಪ್ರಯತ್ನ ಮಾಡಿದ್ದಾರೆ.

ಒಂದು ಸೋಲು-ಒಂದು ಗೆಲುವು

ಅಂದ್ಹಾಗೆ, ಹಿಂದೆ 2014-15ರಲ್ಲಿ ಭಾರತ ತಂಡ ಆಸ್ಟ್ರೇಲಿಯಾಕ್ಕೆ ಪ್ರವಾಸ ಕೈಗೊಂಡಿತ್ತು. ಈ ವೇಳೆ ಬ್ಲೂಬಾಯ್ಸ್ ತಂಡ ಐದು ಪಂದ್ಯಗಳ ಏಕದಿನ ಸರಣಿಯನ್ನು 1-4ರಿಂದ ಕಳೆದುಕೊಂಡಿತ್ತು. ಆದರೆ ಮೂರು ಪಂದ್ಯಗಳ ಟಿ20 ಸರಣಿಯನ್ನು 3-0ಯಿಂದ ಜಯಿಸಿತ್ತು.

ಮಿಂಚುವ ಯೋಜನೆಯಲ್ಲಿ ರಾಹುಲ್

ಇದೇ ಸರಣಿಯಲ್ಲಿ ಅಂತಾರಾಷ್ಟ್ರೀಯ ವೃತ್ತಿ ಬದುಕಿಗೆ ಕಾಲಿರಿಸಿರುವ ಮತ್ತೊಬ್ಬ ಯುವ ಬ್ಯಾಟ್ಸ್ಮನ್ ಕೆಎಲ್ ರಾಹುಲ್ ಕೂಡ ಟ್ವಿಟರ್ ನಲ್ಲಿ ಫೋಟೋ ಹಾಕಿಕೊಂಡು, ಮುನ್ನಡೆದು ಇತಿಹಾಸ ನಿರ್ಮಿಸುವ ನಿರೀಕ್ಷೆಯಲಿದ್ದೇನೆ' ಎಂದು ಬರೆದುಕೊಂಡಿದ್ದಾರೆ.