ಐಎಸ್‌ಎಲ್‌: ಚಿನ್ನದ ಬೂಟು ಧರಿಸಲು ಮತ್ತೊಮ್ಮೆ ಕೊರೊಮಿನಾಸ್ ಸಜ್ಜು

ಪ್ರಶ್ನಾತೀತ ಗೋಲುಗಳು

ಕೊರೊ ಅವರು ದಾಖಲಿಸಿದ ಗೋಲುಗಳು ಪ್ರಶ್ನಾತೀತ. ನನ್ನ ಪ್ರಕಾರ ಅವರು ಲೀಗ್‌ನಲ್ಲೇ ಉತ್ತಮ ಆಟಗಾರ. ಅವರಿಗೆ ಅವಕಾಶ ಕೊಟ್ಟರೇ ನಿಜವಾಗಿಯೂ ಗೋಲು ಗಳಿಸುತ್ತಾರೆ,‘ ಎಂದು ಕೇರಳ ಬ್ಲಾಸ್ಟರ್ಸ್ ತಂಡದ ಕೋಚ್ ಡೇವಿಡ್ ಜೇಮ್ಸ್ ಹೇಳಿದ್ದಾರೆ.

ತಪ್ಪಾದ ಊಹೆ

ಋತುವಿನ ಆರಂಭದಲ್ಲಿ ಮ್ಯಾನ್ವೆಲ್ ಲಾನ್ಜೆರೋಟ್ ಇಲ್ಲದೆ ಕೊರೊಮಿನಾಸ್ ಮಿಂಚುವುದು ಕಷ್ಟ ಎಂದು ಎಲ್ಲರೂ ಊಹಿಸಿದ್ದರು. ಆದರೆ ಕೊರೊಮಿನಾಸ್ ಅವರ ಗೋಲು ಗಳಿಕೆಗೆ ಯಾವುದೇ ರೀತಿಯ ಅಡ್ಡಿಯಾಗಲಿಲ್ಲ. ಎಡು ಬೇಡಿಯಾ ಹಾಗೂ ಹ್ಯೂಗೊ ಬೌಮೌಸ್ ಅವರ ನೆರವಿನಿಂದ ಕೊರೊಮಿನಾಸ್ ಗೋಲು ಗಳಿಕೆಯನ್ನು ಮುಂದುವರಿಸಿದ್ದಾರೆ.

ಪ್ರತಿ 66 ನಿಮಿಷಗಳಿಗೊಂದು

ಅಂಗಣದಲ್ಲಿ ಚಲನವಲನ, ಪಾಸ್‌ಗಳ ನಿಖರತೆ, ಸಿಕ್ಕ ಪಾಸ್‌ಗೆ ಅಷ್ಟೇ ಉತ್ತಮ ರೀತಿಯಲ್ಲಿ ಸ್ಪಂದಿಸುವುದು ಇವುಗಳನ್ನು ಗಮನಿಸಿದಾಗ ಈ ಬಾರಿಯ ಲೀಗ್‌ನಲ್ಲಿ ಕೊರೊಮಿನಾಸ್‌ಗೆ ಸವಾಲೊಡ್ಡುವವರು ವಿರಳ ಅನಿಸುತ್ತಿದೆ. ಪ್ರತಿ 66 ನಿಮಿಷಗಳಿಗೊಂದು ಗೋಲು ಗಳಿಸಿರುವ ಕೊರೊಮಿನಾಸ್, ಇದುವರೆಗೂ ಒಮ್ಮೆ ಮಾತ್ರ ಅವಕಾಶವನ್ನು ಕೈಚೆಲ್ಲಿದ್ದಾರೆ. ಕೊರೊಮಿನಾಸ್ ಸಿಕ್ಕ ಅವಕಾಶವನ್ನು ಬಿಟ್ಟಿದ್ದೇ ಕಡಿಮೆ. ಆದರೆ ಪ್ರತಿ 90 ನಿಮಿಷಗಳಿಗೊಂದು ಗೋಲು ಗಳಿಸುವ ಒಗ್ಬಚೆ ಈಗಾಗಲೇ ಎರಡು ಅವಕಾಶಗಳನ್ನು ಕೈ ಚೆಲ್ಲಿದ್ದಾರೆ. ಸುನಿಲ್ ಛೆಟ್ರಿ, ಬೇಡಿಯಾ, ಮಿಕು ಅವರಿಗೆ ಕೊರೊ ಅವರನ್ನು ಹಿಂದಿಕ್ಕುವುದು ಕಷ್ಟವೆನಿಸಲಿದೆ.

ಗೋಲು ಗಳಿಸೋದೇ ಗುರಿಯಲ್ಲ

ಕೇವಲ ಗೋಲು ಗಳಿಸುವುದೇ ಕೊರೊ ಅವರ ಗುರಿಯಾಗಿರುತ್ತಿರಲಿಲ್ಲ. ಅವರರು ಉತ್ತಮ ರೀತಿಯಲ್ಲಿ ಗೋಲ್ ಗಳಿಕೆಗೆ ನೆರವಾಗುತ್ತಾರರೆ. ಬೇಡಿಯಾ, ಬೌಮೌಸ್ ಹಾಗೂ ಜಾಕಿಚಾಂದ್ ಸಿಂಗ್ ಅವರಿಗೆ ಗೋಲು ಗಳಿಸಲು ನಾಲ್ಕು ಬಾರಿ ನೆರವಾಗಿದ್ದಾರೆ. ಆದರೆ ಒಗ್ಬಚೆ ಇದುವರೆಗೂ ಇತರರ ಗೋಲಿಗೆ ನೆರವಾಗಿಲ್ಲ. (ಚಿತ್ರ ಕೃಪೆ: ಐಎಸ್‌ಎಲ್‌)

ಗುಣಮಟ್ಟದ ಆಟಗಾರ

ಗೋಲು ಗಳಿಕೆಯಲ್ಲಿ ಉತ್ತಮ ಗುಣಮಟ್ಟ ಹೊಂದಿರುವ ಕೊರೊ ಈ ಬಾರಿ ಗೋವಾ ತಂಡ ಹೆಚ್ಚು ಗೋಲು ಗಳಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ. ಗೋವಾ ಈಗಾಗಲೇ 21 ಗೋಲುಗಳನ್ನು ಗೋಳಿಸಿದೆ. ತಂಡದ ಇತರ ಆಟಗಾರರು ಉತ್ತಮ ರೀತಿಯಲ್ಲಿ ಪ್ರೋತ್ಸಾ ನೀಡುತ್ತಿರುವಾಗ ಸ್ಪೇನ್ ಈ ಆಟಗಾರನ ಚಿನ್ನದ ಬೂಟನ್ನು ಇತರರಿಗೆ ಸಿಗುವುದು ಕಠಿಣವೆನಿಸಿದೆ. (ಚಿತ್ರ ಕೃಪೆ: ಐಎಸ್‌ಎಲ್‌)