ಐಪಿಎಲ್‌ ಹರಾಜು ಬೆಂಚಿಗೊರಗಿ ನಿಂತವನ ಹಿಂದೊಂದು ಕುತೂಹಲ ಕತೆಯಿದೆ!

ಕ್ರಿಕೆಟ್‌ಗೆ ಸಂಬಂಧಿಸಿದವರಲ್ಲ

ಹಗ್ ಎಡ್ಮೆಡ್ಸ್ ಅವರು ಕ್ರಿಕೆಟ್‌ಗೆ ಸಂಬಂಧಿಸಿದ ವ್ಯಕ್ತಿಯಲ್ಲ. ಈ ಹಿಂದೆ ಕ್ರಿಕೆಟ್‌ಗೆ ಸಂಬಂಧಿಸಿದ ಹರಾಜು ನಡೆಸಿಕೊಟ್ಟ ಅನುಭವವೂ ಅವರಿಗಿಲ್ಲ. ಅದರೆ ಅವರು ಅತ್ಯುತ್ತಮ ಹರಾಜುದಾರರು ಎನ್ನುವುದರಲ್ಲಿ ಅನುಮಾನವಿಲ್ಲ. ಯಾಕೆಂದರೆ ಅವರು ಹಿಂದೆ ಬ್ರಿಟನ್‌ನ ಹರಾಜು ಕಂಪನಿ 'ಕ್ರಿಸ್ಟಿ'ಯಲ್ಲಿ ಸೈ ಎನಿಸಿಕೊಂಡಿದ್ದರು.

38 ವರ್ಷಗಳ ಅನುಭವ

ಕ್ರಿಸ್ಟಿ ಕಂಪನಿಯಲ್ಲಿ ಸುಮಾರು 38 ವರ್ಷಗಳ ಕಾಲ ಹರಾಜುಗಾರನಾಗಿ ಕಾರ್ಯ ನಿರ್ವಹಿಸಿದ್ದ ಎಡ್ಮೆಡ್ಸ್ 1984ರಲ್ಲಿ ವೃತ್ತಿಗಿಳಿದಿದ್ದರು. 2016ರಲ್ಲಿ ಕ್ರಿಸ್ಟಿ ಕಂಪನಿಯಿಂದ ಹೊರ ಬಂದಿರುವ ಎಡ್ಮೆಡ್ಸ್ ಅವರಿಗೀಗ 60ರ ಹರೆಯ. ಈಗವರು ಸ್ವತಂತ್ರವಾಗಿ ಹರಾಜುಗಾರನಾಗಿ ಪಾಲ್ಗೊಳ್ಳುತ್ತಿದ್ದರು. (ಚಿತ್ರದಲ್ಲಿ ರಿಚರ್ಡ್ ಮ್ಯಾಡ್ಲೆ)

ದಾಖಲೆ ಹರಾಜು

30 ವರ್ಷಗಳ ಸುದೀರ್ಘ ಕಾಲ ಹರಾಜುಗಾರನಾಗಿ ದುಡಿದ ಎಡ್ಮೆಡ್ಸ್ ಸುಮಾರು 2,300 ಹರಾಜು ಪ್ರಕ್ರಿಯೆಗಳನ್ನು ನಡೆಸಿಕೊಟ್ಟಿದ್ದಾರೆ. ಈ ವೇಳೆ 2.2 ಬಿಲಿಯನ್ ಪೌಂಡ್ಸ್ ಗೆ ಹರಾಜು ನಡೆಸಿದ್ದು ವಿಶ್ವದ ಅತ್ಯಧಿಕ ಮೊತ್ತವಾಗಿ ಗುರುತಿಸಿಕೊಂಡಿದೆ. ಕ್ರಿಸ್ಟಿ ಕಂಪನಿಯಲ್ಲಿದ್ದಾಗ ಎಡ್ಮೆಡ್ಸ್ ಈ ಸಾಧನೆಗೆ ಗಮನ ಸೆಳೆದಿದ್ದರು. ಈಗ ಇವರು ಚಾರಿಟಿ ಹರಾಜುಗಾರನಾಗಿ ಖ್ಯಾತಿ ಹೊಂದಿದ್ದಾರೆ.

ವಿಭಿನ್ನ ಹರಾಜು

'ಇದು ನನ್ನ ಪಾಲಿಗೆ ಕೊಂಚ ವಿಭಿನ್ನ ಹರಾಜು. ಆದರೆ ನನ್ನಿಂದ ಸಾಧ್ಯವಾದಷ್ಟು ಮಟ್ಟಿಗೆ ಉತ್ತಮ ರೀತಿಯಲ್ಲಿ ಹರಾಜು ನಡೆಸಿಕೊಡುತ್ತೇನೆ. ಇದರಿಂದ ನನಗೇ ಖ್ಯಾತಿ ಎಂದು ಭಾವಿಸುತ್ತ ಸ್ನೇಹಪರವಾಗಿ ಹರಾಜು ನಡೆಸಿಕೊಡುತ್ತೇನೆ' ಎಂದು ಅನುಭವಿ ಹರಾಜುಗಾರ ಎಡ್ಮೆಡ್ಸ್ ಹೇಳಿಕೊಂಡಿದ್ದರು. ಹಾಗೇ ಚಂದವಾಗಿ ನಡೆಸಿಕೊಟ್ಟರು ಕೂಡ.