ಕಿವೀಸ್ ವಿರುದ್ದ ಸೋಲಿನ ಬೆನ್ನಲ್ಲೇ ವಿರಾಟ್ ಕೊಹ್ಲಿ ಭಾವನಾತ್ಮಕ ಟ್ವೀಟ್

ಪರಿವರ್ತನೆಯೊಂದೇ ಶಾಶ್ವತವಾದ್ದು

ಎರಡೂ ಕೈಯಲ್ಲಿ ಮೊಬೈಲ್ ಹಿಡಿದು, ಅದನ್ನೇ ತದೇಕಚಿತ್ತದಿಂದ ನೋಡುತ್ತಿರುವ ಚಿತ್ರವನ್ನು ಟ್ವೀಟ್ ಮಾಡಿರುವ ವಿರಾಟ್ ಕೊಹ್ಲಿ, ಅದಕ್ಕೆ, "ಪರಿವರ್ತನೆಯೊಂದೇ ಶಾಶ್ವತವಾದ್ದು" ಎಂದು ಬರೆದುಕೊಂಡಿದ್ದಾರೆ. ಇದಕ್ಕೆ ಭಾರೀ ಲೈಕ್ಸ್ ವ್ಯಕ್ತವಾಗಿದೆ.

ಕೊಹ್ಲಿ

ಕೊಹ್ಲಿ ಮಾಡಿರುವ ಟ್ವೀಟ್ ಸುಮಾರು 88 ಸಾವಿರ ಲೈಕ್ಸ್ ಅನ್ನು ಪಡೆದುಕೊಂಡಿದ್ದು, ಐದು ಸಾವಿರಕ್ಕೂ ಹೆಚ್ಚು ರಿಟ್ವೀಟ್ ಆಗಿದೆ. ಸುಮಾರು 1.6ಕ್ಕೂ ಹೆಚ್ಚು ಜನ ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದಾರೆ. ಹಲವು ಟ್ವಿಟ್ಟಿಗರು ಕೊಹ್ಲಿಗೆ ಸಮಾಧಾನ ಮಾಡಿದರೆ, ಇನ್ನಷ್ಟು ಜನ ಕಾಲೆಳೆದಿದ್ದಾರೆ.

70 ಶತಕ ಸಿಡಿಸಿದ ಆಟಗಾರನ ಕೌಶಲ್ಯ ಪ್ರಶ್ನಿಸ್ತೀರಾ?: ಕೊಹ್ಲಿ ಬೆನ್ನಿಗೆ ನಿಂತ ಹಕ್

ಆನ್‌ಫೀಲ್ಡ್‌ ನಲ್ಲಿ ಕೊಹ್ಲಿ ವರ್ತನೆ

ಕಿವೀಸ್ ಜೊತೆ ಎರಡನೇ ಟೆಸ್ಟ್ ನಂತರ, ಮಾಧ್ಯಮಗೋಷ್ಠಿಯಲ್ಲಿ, ಆನ್‌ಫೀಲ್ಡ್‌ ನಲ್ಲಿ ಕೊಹ್ಲಿ ವರ್ತನೆಯ ಬಗ್ಗೆ ಪತ್ರಕರ್ತರೊಬ್ಬರು ಪ್ರಶ್ನೆಯನ್ನು ಕೇಳಿದ್ದರು. ಇದು ಕೊಹ್ಲಿಯನ್ನು ಕೆರಳಿಸಿತ್ತು. ಪ್ರಶ್ನೆ ಕೇಳಿದ ಪತ್ರಕರ್ತನಿಗೇ ಮರು ಪ್ರಶ್ನೆ ಹಾಕಿ ಆತನ ಬಾಯಿ ಮುಚ್ಚಿಸುವ ಪ್ರಯತ್ನವನ್ನು ಕೊಹ್ಲಿ ಮಾಡಿದ್ದರು. ಇದು ಕೊಹ್ಲಿ ಬಗ್ಗೆ ಮತ್ತೆ ಚರ್ಚೆಗೆ ನಾಂದಿ ಹಾಡಿತ್ತು.

ಪಾಕ್ ಮಾಜಿ ನಾಯಕ ಇಂಜಮಾಮ್ ಉಲ್ ಹಕ್

ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಬಗ್ಗೆ ಸಾಕಷ್ಟು ಟೀಕೆಗಳು ಕೇಳಿ ಬರುತ್ತಿದ್ದ ವೇಳೆ ಪಾಕ್ ಮಾಜಿ ನಾಯಕ ಇಂಜಮಾಮ್ ಉಲ್ ಹಕ್ ಅವರ ಪರವಾಗಿ ಹೇಳಿಕೆಯನ್ನು ನೀಡಿದ್ದರು. "ವಿರಾಟ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 70 ಶತಕಗಳನ್ನು ಬಾರಿಸಿರುವ ಆಟಗಾರ. ಅಂತಹ ಆಟಗಾರನ ಕೌಶಲ್ಯವನ್ನು ಈಗ ಪ್ರಶ್ನಿಸುತ್ತಿರುವುದು ಸರಿಯಲ್ಲ" ಎಂದು ಇಂಜಮಾಮ್ ಹೇಳಿದ್ದರು.