ಆಟ ನಿಲ್ಲಿಸಿದ ಮ್ಯಾಕ್ಸ್ವೆಲ್
ಇತ್ತೀಚೆಗೆ ಪಾಕಿಸ್ಥಾನಕ್ಕೆ ಪ್ರವಾಸ ಕೈಗೊಂಡಿದ್ದ ಆಸ್ಟ್ರೇಲಿಯಾ ತಂಡದ ಸ್ಫೋಟಕ ಬ್ಯಾಟ್ಸ್ಮನ್ ಗ್ಲೆನ್ ಮ್ಯಾಕ್ಸ್ವೆಲ್ ಮಾನಸಿಕ ಕಾರಣಕ್ಕೆ ಸರಣಿ ಮಧ್ಯದಿಂದಲೇ ಕ್ರಿಕೆಟ್ನಿಂದ ಕೊಂಚ ಬಿಡುವ ಪಡೆದುಕೊಳ್ಳುವ ನಿರ್ಧಾರ ಪ್ರಕಟಿಸಿದ್ದರು. ಅದಾಗಿ ಅವರ ಜೊತೆ ಆಟಗಾರ ನಿಕ್ ಮ್ಯಾಡಿನ್ಸನ್ ಕೂಡ ಮಾನಸಿಕ ಕಾರಣದಿಂದಾಗಿ ಮ್ಯಾಕ್ಸ್ವೆಲ್ ಅನುಸರಿಸುವುದಾಗಿ ಹೇಳಿಕೊಂಡಿದ್ದರು.
ಒತ್ತಡದಿಂದ ಹೆಣಗಾಡಿದ್ದ ಕೊಹ್ಲಿ
2014ರಲ್ಲಿ ಭಾರತ ತಂಡ ಇಂಗ್ಲೆಂಡ್ಗೆ ಪ್ರವಾಸ ಕೈಗೊಂಡಿದ್ದಾಗ ವಿರಾಟ್ ಕೊಹ್ಲಿಯೂ ಮಾನಸಿಕ ಒತ್ತಡದ ಸಮಸ್ಯೆ ಎದುರಿಸಿದ್ದರು. ಆವತ್ತು ಕೊಹ್ಲಿ ವೃತ್ತಿ ಬದುಕಿನ ಅತೀ ಕೆಟ್ಟ ಪ್ರದರ್ಶನ ನೀಡಿ ಮನಸ್ಸನ್ನು ನಿಯಂತ್ರಣಕ್ಕೆ ತಂದುಕೊಳ್ಳಲಾಗದೆ ಒದ್ದಾಡಿದ್ದರು. ಆ ಪ್ರವಾಸ ಸರಣಿಯಲ್ಲಿ ಒಟ್ಟು 10 ಇನ್ನಿಂಗ್ಸ್ಗಳನ್ನಾಡಿದ್ದ ಕೊಹ್ಲಿ, ಕೇವಲ 134 ರನ್ ಗಳಿಸಿದ್ದರು.
ಜಗತ್ತೇ ಅಂತ್ಯಗೊಂಡಂತೆ ಅನ್ನಿಸಿತ್ತು
'ನಾನೂ ನನ್ನ ವೃತ್ತಿ ಬದುಕಿನಲ್ಲಿ ಇಂಥದ್ದೇ ಸಂದರ್ಭವನ್ನು ಹಾದು ಬಂದಿದ್ದೇನೆ. ಆ ಕ್ಷಣ ನನಗೆ ಜಗತ್ತೇ ಕೊನೆಗೊಂಡಿದೆ ಅನ್ನಿಸಿತ್ತು. 2014ರಲ್ಲಿ ಇಂಗ್ಲೆಂಡ್ನಲ್ಲಿದ್ದಾಗ ನಾನು ಏನು ಮಾಡಬೇಕು, ಇನ್ನೊಬ್ಬರಿಗೆ ಏನು ಹೇಳಬೇಕು, ಬೇರೆಯವರಲ್ಲಿ ಏನು ಮಾತನಾಡಬೇಕು, ಇನ್ನೊಬ್ಬರಲ್ಲಿ ಏನು ಸಂವಹನ ನಡೆಸಬೇಕು ಅನ್ನೋದೇ ನಂಗೆ ಗೊತ್ತಾಗುತ್ತಿರಲಿಲ್ಲ.
ಪಾಸಿಟಿವ್ ಆಗಿ ತೆಗೆದುಕೊಳ್ಳಬೇಕು
'ಪ್ರತಿಯೊಬ್ಬರ ಬದುಕಿನಲ್ಲೂ ಬಂದೊದಗುವ ಇಂಥ ಸನ್ನಿವೇಶಗಳನ್ನು ನಾವು ಗೌರವದಿಂದ ಕಾಣಬೇಕು. ಇದನ್ನು ನಕಾರಾತ್ಮಕವಾಗಿ ತೆಗೆದುಕೊಳ್ಳಬೇಕಿಲ್ಲ. ಯಾಕೆಂದರೆ ಮನುಷ್ಯನ ಬದುಕಿನ ಒಂದು ಘಟ್ಟದಲ್ಲಿ ಇಂಥದೊಂದು ಸನ್ನಿವೇಶ ಬಂದೇ ಬರುತ್ತದೆ. ಹಾಗಾಗಿ ನಾವಿದನ್ನು ಪಾಸಿಟಿವ್ ಆಗಿ ತೆಗೆದುಕೊಳ್ಳಬೇಕು,' ಎಂದು ಕೊಹ್ಲಿ, ಮ್ಯಾಕ್ಸ್ವೆಲ್ ನಿರ್ಧಾರಕ್ಕೆ ಬೆಂಬಲ ಸೂಚಿಸಿದ್ದಾರೆ.