ಐಸಿಸಿ ಅಮಾನತುಗೊಳಿಸುವಂತೆ ಬಿಸಿಸಿಐ ಕೋರಿದ ಸಚಿನ್ ಅಭಿಮಾನಿ!

ಇರುವೆ ಬಿಟ್ಟುಕೊಂಡ ಐಸಿಸಿ

ಕ್ರಿಕೆಟ್ ವರ್ಲ್ಡ್ ಕಪ್‌ ಟ್ವೀಟ್‌ ಅನ್ನು ರೀ ಟ್ವೀಟ್ ಮಾಡಿದ್ದ ಐಸಿಸಿ ಮತ್ತೆ ಮೈಮೇಲೆ ಇರುವೆ ಬಿಟ್ಟುಕೊಂಡಿತ್ತು. 'ನಿಮಗೆ ಹೇಳಿದೆ' ಎಂದು ಟ್ವೀಟ್‌ ಜೊತೆಗೆ ಬರೆದುಕೊಂಡಿದ್ದ ಐಸಿಸಿ ಮುಂದೆ ಕಣ್ಣು ಹೊಡೆಯುವ ಇಮೋಜಿ ಇರಿಸಿ ಅದರ ಮುಂದೆ ಕ್ರಿಕೆಟ್ ವರ್ಲ್ಡ್ ಕಪ್‌ ಟ್ವಿಟರ್ ಲಿಂಗ್‌ ಅನ್ನು ಹಾಕಿಕೊಂಡಿದೆ.

ಸ್ಟೋಕ್ಸ್ ಹೊಗಳಿದ್ದೇಕೆ

3ನೇ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಇಂಗ್ಲೆಂಡ್ ಕೇವಲ 67 ರನ್‌ಗೆ ಆಲ್ ಔಟ್ ಆಗಿತ್ತು. ಹೀಗಾಗಿ ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಇಂಗ್ಲೆಂಡ್‌ ಗೆಲುವಿಗೆ 358 ರನ್‌ಗಳ ಅಗತ್ಯವಿತ್ತು. ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ಇಂಗ್ಲೆಂಡ್‌ ಬೇಗನೆ ವಿಕೆಟ್ ಕಳೆದು ಸೋಲಿನಂಚಿನಲ್ಲಿತ್ತು. ಆದರೆ ಗಮನಾರ್ಹ ಬ್ಯಾಟಿಂಗ್ ತೋರಿಸಿದ್ದ ಸ್ಟೋಕ್ಸ್ ಅಜೇಯ 135 ರನ್ ಸೇರಿಸಿ ಇಂಗ್ಲೆಂಡ್ ತಂಡವನ್ನು 1 ವಿಕೆಟ್‌ನಿಂದ ಗೆಲ್ಲಿಸಿದ್ದರು.

ಸಚಿನ್‌ಗೆ ಹೆಚ್ಚು ಗೌರವ

ಐಸಿಸಿ ಇಂಥ ಕ್ಷುಲ್ಲಕ ಟ್ವೀಟ್‌ಗಳಿಗಿಂತ ಸಚಿನ್‌ಗೆ ಹೆಚ್ಚು ಗೌರವವಿದೆ. 90ರ ದಶಕದಲ್ಲಿ ಸಚಿನ್, ಭಾರತ ಕ್ರಿಕೆಟ್‌ ತಂಡವನ್ನು ಗೆಲ್ಲಿಸಲು ಅನೇಕ ಸಾರಿ ಹೊಯ್ದಾಡಿದ್ದರು. ವ್ಯತ್ಯಾಸವಿಷ್ಟೇ ಆಗ ಟ್ವಿಟರ್ರೇ ಇರಲಿಲ್ಲ ಎಂದು ತೌಕಿರ್ ಅಹ್ಮದ್ ಬರೆದುಕೊಂಡಿದ್ದಾರೆ.

ಕಣ್ಣುಬಿಟ್ಟು ನೋಡಿ

ಐಸಿಸಿಯ ಈ ಟ್ವೀಟ್ ಬಳಿಕ ಸಚಿನ್ ತನ್ನ ಕ್ರಿಕೆಟ್ ವೃತ್ತಿ ಬದುಕಿನ ಅಂಕಿ-ಅಂಶಗಳನ್ನು ಐಸಿಸಿಗೆ ತೋರಿಸುತ್ತಿರುವುದು ಎಂದು ಇನ್ನೊಂದು ತಮಾಷೆಯ ಟ್ವೀಟ್ ಇದೆ.

ಅಮಾನತುಗೊಳಿಸಿ

ಐಸಿಸಿಯ ಇಂಥ ಕ್ಷುಲ್ಲಕ ಟ್ವೀಟ್‌ಗಳಿಗಾಗಿ ಬಿಸಿಸಿಐ ಗಂಭೀರ ಕ್ರಮ ತೆಗೆದುಕೊಳ್ಳಬೇಕು. ಐಸಿಸಿಯನ್ನು ಅಮಾನತುಗೊಳಿಸಬೇಕು ಎಂದು ಇಲ್ಲೊಬ್ಬರು ಟ್ವೀಟ್ ಮೂಲಕ ಕೋರಿಕೊಂಡಿದ್ದಾರೆ (ಬಿಸಿಸಿಐಯು ಐಸಿಸಿ ಕೆಳಗಡೆ ಬರುತ್ತದೆ. ಬಿಸಿಸಿಐಯನ್ನು ಅಮಾನತುಗೊಳಿಸುವ ಹಕ್ಕು ಐಸಿಸಿಗಿದೆ ಹೊರತು ಐಸಿಸಿಯನ್ನು ಬಿಸಿಸಿಐ ಅಮಾನತುಗೊಳಿಸಲಾರದು. ಆದರಿದು ತಮಾಷೆಯ ಟ್ವೀಟ್ ಅಷ್ಟೇ).