ಭಾರತ vs ಪಾಕ್: ಇಲ್ಲಿ ಬರೀ ಭಾವನೆಗಳಿಲ್ಲ, ಭರ್ಜರಿ ಬ್ಯುಸಿನೆಸ್ಸೂ ಇದೆ!

ಪಂದ್ಯ ಮತ್ತು ಪ್ರಚೋದನೆ

ವರದಿಯ ಪ್ರಕಾರ 22ನೇ ವಿಶ್ವಕಪ್ ಪಂದ್ಯವಾಗಿ ಕಾದಾಟಕ್ಕಿಳಿಯಲಿರುವ ಪಂದ್ಯ ಊಹಿಸಲಾಗದ ಪ್ರಚೋದನಾತ್ಮಕ ಪಂದ್ಯವಾಗಿ ಮಾರ್ಪಟ್ಟಿದೆ. ರಾಜಕೀಯವಾಗಿ ಭಾರತ ಮತ್ತು ಪಾಕಿಸ್ತಾನ ದೇಶಗಳ ಮಧ್ಯೆ ವೈಮನಸ್ಸು ಏರ್ಪಟ್ಟಿರುವುದು ಇದಕ್ಕೆ ಕಾರಣ. ಹೀಗಾಗಿ ಈ ಇತ್ತಂಡಗಳ ಮುಖಾಮುಖಿ ಭಾವನಾತ್ಮಕವಾಗಿಯೂ ವ್ಯಾಪಾರಾತ್ಮಕವಾಗಿಯೂ ಸೆಳೆದಿದೆ.

ಗಂಟೆಯೊಳಗೆ ಟಿಕೆಟ್ ಕಲಾಸ್

20,000ದಷ್ಟು ದೊಡ್ಡ ಮಟ್ಟಿನ ಸಾಮರ್ಥ್ಯ ಹೊಂದಿರುವ ಓಲ್ಡ್ ಟ್ರಾಫೋರ್ಡ್ ಸ್ಟೇಡಿಯಂನಲ್ಲಿ ಇತ್ತಂಡಗಳ ಪಂದ್ಯದ ಟಿಕೆಟ್‌ಗಾಗಿ ಕೌಂಟರ್ ತೆರೆದಿದ್ದೇ ತಡ, ಒಂದು ಗಂಟೆಯೊಳಗಾಗಿ ಅಷ್ಟೂ ಟಿಕೆಟ್‌ಗಳು ಫಿನಿಷ್. ಅಲ್ಲಿ ಟಿಕೆಟ್ ಖರೀದಿಸಿವರು ಅದೇ ಟಿಕೆಟನ್ನು ದೊಡ್ಡ ಬೆಲೆಗೆ ಮರು ಮಾರಾಟವೂ ನಡೆಸಿ ಕಿಸೆ ತುಂಬಿಸಿಕೊಳ್ಳುತ್ತಿದ್ದಾರೆ. ಟಿಕೆಟ್ ಒಂದರ ಮರು ಮಾರಾಟದ ಬೆಲೆ 60,000 ರೂ. ದಾಟುತ್ತದೆಯೆಂದರೆ ಭಾರತ vs ಪಾಕ್ ತಂಡಗಳ ಪಂದ್ಯದ ಬಿಸಿ ಎಷ್ಟರ ಮಟ್ಟಿನದ್ದು ಎಂಬುದು ಊಹಿಸಿ.

ವಾಪಸ್ಸು ಕೊಡಿ ಅನ್ನೋರು

ವಯಾಗೊಗೊ ಎನ್ನುವ ಟಿಕೆಟ್ ಮಾರಾಟ ವೆಬ್‌ಸೈಟ್‌ವೊಂದು ಅಭಿಮಾನಿಗಳಿಂದ ಟಿಕೆಟ್ ಖರೀದಿಸಿ ಅದನ್ನೇ ಮರು ಮಾರಾಟ ನಡೆಸುತ್ತದೆ. ಆ ವೆಬ್‌ಸೈಟ್ ಹೇಳುವ ಪ್ರಕಾರ 480 ಜನ ತಾವು ಮಾರಾಟ ಮಾಡಿರುವ ಟಿಕೆಟನ್ನು ತಮಗೇ ಮಾರಾಟ ಮಾಡುವಂತೆ ಕೇಳಿಕೊಂಡಿದ್ದಾರಂತೆ. ಯಾಕಂದರೆ ಇವರಿಗೆ ಆ ಟಿಕೇಟ್‌ಗಳನ್ನು ಕೊಟ್ಟವರು ಇವರಿಂದ ಟಿಕೆಟ್ ವಾಪಸ್ ಕೇಳುತ್ತಿದ್ದಾರಂತೆ. ಅಂದ್ಹಾಗೆ ಟಿಕೆಟ್ ಒಂದರ ಅತ್ಯಧಿಕ ದರ 62,610 ರೂ. ಆದರೆ, ಕನಿಷ್ಠ ದರ 20,171 ರೂ.

ಮರು ಮಾರಾಟಕ್ಕೆ ಮಳೆ ಭೀತಿ

ಭಾರತ vs ಪಾಕಿಸ್ತಾನ ತಂಡಗಳ ಹೈ ವೋಲ್ಟೇಜ್ ಪಂದ್ಯವವನ್ನು ನೋಡುವ ಸಲುವಾಗಿ ಟಿಕೆಟ್ ಖರೀದಿಸಿ ಅದನ್ನು ಮಾರುತ್ತಿರುವುದಕ್ಕೆ ಒಂದು ಕಾರಣ ಮಳೆಯ ಭೀತಿ. ಈಗಾಗಲೇ ಟೂರ್ನಿಯ ನಾಲ್ಕು ಪಂದ್ಯಗಳು ಮಳೆಯ ಕಾರಣಕ್ಕೆ ಫಲಿತಾಂಶವನ್ನೇ ಕಾಣಲಿಲ್ಲ. ಹೀಗಾಗಿ ಅಷ್ಟೊಂದು ಬೆಲೆ ತೆತ್ತು ಖರೀದಿಸುವ ಟಿಕೆಟ್‌ ನಿಂದ ಪಂದ್ಯ ನೋಡಲು ಅವಕಾಶ ಸಿಗದಿದ್ದರೆ ಆಗೋ ಲಾಸಿನ ಬದಲು ಬೇರೆಯವರಿಗೆ ದಾಟಿಸೋದೆ ಲೇಸು ಅನ್ನೋದು ಕೆಲವರ ಐಡಿಯಾ.