ಚೊಚ್ಚಲ ಏಕದಿನ ಪಂದ್ಯದಲ್ಲಿ ಅಬ್ಬರಿಸಿದ ಇಶಾನ್, ಲಂಕಾ ವಿರುದ್ಧ ಧವನ್ 1000 ರನ್

ಶ್ರೀಲಂಕಾ ವಿರುದ್ಧ 1000 ರನ್‌ ಸರದಾರ

ಮತ್ತೊಂದೆಡೆ ಭಾರತೀಯ ತಂಡದ ನಾಯಕ ಶಿಖರ್ ಧವನ್ ಶ್ರೀಲಂಕಾ ತಂಡದ ವಿರುದ್ಧ ವಿಶೇಷ ಸಾಧನೆಯೊಂದನ್ನು ಮಾಡಿದ್ದಾರೆ. ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್‌ನಲ್ಲಿ ಧವನ್ ಶ್ರೀಲಂಕಾ ತಂಡದ ವಿರುದ್ಧ 1000 ರನ್‌ಗಳನ್ನು ಬಾರಿಸಿದ ಸಾಧನೆ ಮಾಡಿದರು.

13ನೇ ಭಾರತೀಯನಾಗಿ ಧವನ್ ಸಾಧನೆ

ಈ ಮೈಲಿಗಲ್ಲು ತಲುಪಲು ಶಿಖರ್ ಧವನ್‌ಗೆ 17 ರನ್‌ಗಳ ಅವಶ್ಯಕತೆಯಿತ್ತು. ಪಂದ್ಯದ 14ನೇ ಓವರ್‌ನಲ್ಲಿ ಧವನ್ ಈ ಸಾಧನೆಯನ್ನು ಪೂರೈಸಿದರು. ಶ್ರೀಲಂಕಾ ಕ್ರಿಕೆಟ್ ತಂಡದ ವಿರುದ್ಧ 1,000 ರನ್‌ ಬಾರಿಸಿದ 13ನೇ ಭಾರತೀಯ ಆಟಗಾರ ಎನಿಸಿದ್ದಾರೆ ಧವನ್.

ಸಚಿನ್‌ಗೆ ಮೊದಲ ಸ್ಥಾನ

ಒಟ್ಟಾರೆಯಾಗಿ ಧವನ್ ಶ್ರೀಲಂಕಾ ವಿರುದ್ಧ ಈ ಸಾಧನೆ ಮಾಡಿದ 33ನೇ ಕ್ರಿಕೆಟಿಗ ಎನಿಸಿದ್ದಾರೆ. ಈ ಪಟ್ಟಿಯಲ್ಲಿ ಸಚಿನ್ ತೆಂಡೂಲ್ಕರ್ ಮೊದಲ ಸ್ಥಾನದಲ್ಲಿದ್ದು ಶ್ರೀಲಂಕಾ ವಿರುದ್ಧ 84 ಏಕದಿನ ಪಂದ್ಯಗಳನ್ನು ಆಡಿದ್ದು 3113 ರನ್‌ ಬಾರಿಸಿದ್ದಾರೆ. ಬಳಿಕ ಧೋನಿ(2383), ಇನ್ಜಮಾಮ್ ಉಲ್ ಹಕ್(2265), ವಿರಾಟ್ ಕೊಹ್ಲಿ(2220), ಸಯೀದ್ ಅನ್ವರ್(2198) ಇದ್ದಾರೆ. ಎಲ್ಲಾ ಆಟಗಾರರನ್ನು ಹೋಲಿಸಿದರೆ ಶಿಖರ್ ಧವನ್ ಸರಾಸರಿ ಹೆಚ್ಚಾಗಿರುವುದು ಮತ್ತೊಂದು ವಿಶೇಷತೆಯಾಗಿದೆ. 70ಕ್ಕಿಂತ ಹೆಚ್ಚಿನ ಸರಾಸರಿಯಲ್ಲಿ ಶ್ರೀಲಂಕಾ ವಿರುದ್ಧ 1000ಕ್ಕೂ ಅಧಿಕ ರನ್‌ ಬಾರಿಸಿದ ಏಕೈಕ ಕ್ರಿಕೆಟಿಗನಾಗಿದ್ದಾರೆ ಶಿಖರ್ ಧವನ್.

ಪೃಥ್ವಿ ಶಾ ಹಾಗು ಇಶಾನ್ ಕಿಶನ್ ಆಟ ನೋಡಿ ಧವನ್ ಹೇಳಿದ್ದೇನು | Oneindia Kannada

ಭಾರತ ಶ್ರೀಲಂಕಾ ಪ್ಲೇಯಿಂಗ್ XI

ಟೀಮ್ ಇಂಡಿಯಾ: ಶಿಖರ್ ಧವನ್ (ನಾಯಕ), ಪೃಥ್ವಿ ಶಾ, ಇಶಾನ್ ಕಿಶನ್ (ವಿಕೆಟ್ ಕೀಪರ್), ಮನೀಶ್ ಪಾಂಡೆ, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ಕೃನಾಲ್ ಪಾಂಡ್ಯ, ದೀಪಕ್ ಚಹರ್, ಭುವನೇಶ್ವರ್ ಕುಮಾರ್, ಯುಜುವೇಂದ್ರ ಚಾಹಲ್, ಕುಲದೀಪ್ ಯಾದವ್
ಶ್ರೀಲಂಕಾ: ಅವಿಷ್ಕಾ ಫರ್ನಾಂಡೊ, ಮಿನೋಡ್ ಭನುಕಾ (ವಿಕೆಟ್ ಕೀಪರ್), ಭನುಕಾ ರಾಜಪಕ್ಸೆ, ಧನಂಜಯ ಡಿ ಸಿಲ್ವಾ, ಚರಿತ್ ಅಸಲಂಕಾ, ದಸುನ್ ಶನಕಾ (ನಾಯಕ), ವನಿಂದು ಹಸರಂಗ, ಚಮಿಕಾ ಕರುಣರತ್ನೆ, ಇಸುರು ಉದಾನ, ದುಷ್ಮಂತ ಚಮೀರ, ಲಕ್ಷನ್ ಸಂದಕ