ಐಪಿಎಲ್ 2020: ಟ್ರೆಂಟ್‌ ಬೌಲ್ಟ್ ಮುಂಬೈಗೆ, ಕೆ ಗೌತಮ್ ಪಂಜಾಬ್ ಪಾಲು!

ಐದರಲ್ಲಿ 5 ವಿಕೆಟ್‌ಗಳು

ಕಳೆದ ಸೀಸನ್‌ನಲ್ಲಿ ಕೇವಲ 5 ಪಂದ್ಯಗಳಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಪರ ಆಡಿದ್ದ ಬೌಲ್ಟ್ ಐದು ವಿಕೆಟ್‌ಗಳನ್ನು ಪಡೆದಿದ್ದರು. ಡೆಲ್ಲಿಯಲ್ಲಿ ದಕ್ಷಿಣ ಆಫ್ರಿಕಾ ಮಾರಕ ವೇಗಿ ಕಾಗಿಸೋ ರಬಾಡಾ ಮಿಂಚುತ್ತಿದ್ದರಿಂದ ಬೌಲ್ಟ್, ಪ್ಲೇಯಿಂಗ್ 11ನಲ್ಲಿ ಹೆಚ್ಚಾಗಿ ಕಾಣಿಸಿಕೊಂಡಿರಲಿಲ್ಲ.

ಅವಿಸ್ಮರಣೀಯ ಬೌಲಿಂಗ್ ಸಾಧನೆ

ಅಂಕಿತ್ ರಜಪೂತ್‌ 2018ರ ಐಪಿಎಲ್‌ ಸೀಸನ್‌ನಲ್ಲಿ ಪಂಜಾಬ್‌ ಪರ, ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 14 ರನ್ನಿಗೆ 5 ವಿಕೆಟ್ ಪಡೆದಿದ್ದರು. ಇದು ಅಂಕಿತ್ ಅವರ ಐಪಿಎಲ್‌ನ ಗಣನೀಯ ಸಾಧನೆಯಾಗಿ ಗುರುತಿಸಿಕೊಂಡಿತ್ತು. ರಾಷ್ಟ್ರೀಯ ತಂಡದಲ್ಲಿ ಆಡದ ಆಟಗಾರರಲ್ಲಿ ಐಪಿಎಲ್‌ನಲ್ಲಿ ಅತ್ಯುತ್ತಮ ಬೌಲಿಂಗ್ ಫಿಗರ್‌ ಆಗಿ ರಜಪೂತ್‌ ಈ ಸಾಧನೆ ಗಮನ ಸೆಳೆದಿತ್ತು.

ಗೌತಮ್ ಪಂಜಾಬ್ ಪಾಲು

ಕೆ ಗೌತಮ್ ಅವರನ್ನು 2018ರ ಸೀಸನ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ 6.2 ಕೋಟಿ ರೂ.ಗೆ ಖರೀದಿಸಿತ್ತು. ಈ ಬಾರಿ ಕಿಂಗ್ಸ್ ಇಲೆವೆನ್‌ ತಂಡ ಗೌತಮ್ ಅವರನ್ನು 3 ಕೋಟಿ ರೂ.ಗೆ ತನ್ನ ತಂಡಕ್ಕೆ ಸೇರಿಸಿಕೊಂಡಿದೆ.

ಎವಿನ್ ಲೆವಿಸ್ ರಿಲೀಸ್

ಮುಂಬೈ ಇಂಡಿಯನ್ಸ್ ತಂಡ ವೆಸ್ಟ್ ಇಂಡೀಸ್ ಬ್ಯಾಟ್ಸ್‌ಮನ್ ಎವಿನ್ ಲೆವಿಸ್ ಅವರನ್ನು ಹೊರಬಿಟ್ಟು ಧವಲ್ ಕುಲಕರ್ಣೀ ಅವರನ್ನು ತಂಡಕ್ಕೆ ತಂದಿದೆ. 2018ರ ಹರಾಜಿನಲ್ಲಿ ಮುಂಬೈ ತಂಡ ಲೆವಿಸ್ ಅವರನ್ನು 3.8 ಕೋಟಿ ರೂ.ಗೆ ಖರೀದಿಸಿತ್ತು. ಆದರೆ ಕಳೆದ ಐಪಿಎಲ್ ಟೂರ್ನಿ ವೇಳೆ ಲೆವಿಸ್ ಹ್ಯಾಮ್‌ಸ್ಟ್ರಿಂಗ್ ಗಾಯಕ್ಕೀಡಾಗಿದ್ದರು. ಅನಂತರ ಲೆವಿಸ್ ಚೇತರಿಸಿಕೊಂಡರಾದರೂ ದಕ್ಷಿಣ ಆಫ್ರಿಕಾ ಬ್ಯಾಟ್ಸ್‌ಮನ್ ಕ್ವಿಂಟನ್‌ ಡಿ ಕಾಕ್, ರೋಹಿತ್ ಶರ್ಮಾ ಜೊತೆ ಯಶಸ್ವಿ ಆರಂಭಿಕರಾಗಿ ಕಾಣಿಸಿಕೊಂಡಿದ್ದರಿಂದ ಲೆವಿಸ್ ಬಹುತೇಕ ಬೆಂಚ್‌ ಪ್ಲೇಯರ್ ಆಗಿ ಉಳಿದಿದ್ದರು.