ಮೈಲಿಗಲ್ಲು ಸ್ಥಾಪಿಸುವತ್ತ ರೋಹಿತ್, ಧವನ್, ರಬಾಡ, ಪಂತ್ ಕಣ್ಣು

ಅಬುಧಾಬಿ: ಅಬುಧಾಬಿಯ ಶೈಕ್ ಝಾಯೆದ್ ಸ್ಟೇಡಿಯಂನಲ್ಲಿ ಭಾನುವಾರ ನಡೆಯಲಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ 27ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳು ಸೆಣಸಾಡುತ್ತಿವೆ. ಈ ಪಂದ್ಯದಲ್ಲಿ ಒಂದಿಷ್ಟು ದಾಖಲೆಗಳು ನಿರ್ಮಾಣವಾಗುವ ಸಾಧ್ಯತೆಯಿದೆ.

ಡೆಲ್ಲಿ ಕ್ಯಾಪಿಟಲ್ಸ್‌ನ ರಿಷಭ್ ಪಂತ್ ಮತ್ತು ಶಿಖರ್ ಧವನ್, ವಿಶೇಷ ಮೈಲಿಗಲ್ಲು ಸ್ಥಾಪಿಸಲಿದ್ದಾರೆ. ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮ, ಟ್ರೆಂಟ್‌ ಬೌಲ್ಟ್, ಕ್ವಿಂಟನ್ ಡಿ ಕಾಕ್ ಕೂಡ ಒಂದು ವಿಶೇಷ ದಾಖಲೆ ನಿರ್ಮಿಸಲಿದ್ದಾರೆ. ಇಂದು ದಾಖಲೆ ನಿರ್ಮಿಸಲಿರುವವರ ಮಾಹಿತಿ ಇಲ್ಲಿದೆ.

1. ರೋಹಿತ್ ಶರ್ಮಾ
ಹಿಟ್‌ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ದಾಖಲೆ ನಿರ್ಮಿಸಲು 61 ರನ್‌ ಬೇಕು. 194 ಐಪಿಎಲ್‌ ಪಂದ್ಯಗಳಲ್ಲಿ ರೋಹಿತ್ 5109 ರನ್ ಬಾರಿಸಿದ್ದಾರೆ. ಇನ್ನು 91 ರನ್‌ ಬಾರಿಸಿದರೆ 5,200 ರನ್ ಪುರೈಸಲಿದ್ದಾರೆ.

2. ಟ್ರೆಂಟ್ ಬೌಲ್ಟ್
ಮುಂಬೈ ಇಂಡಿಯನ್ಸ್ ವೇಗಿ ಟ್ರೆಂಟ್ ಬೌಲ್ಟ್ ಕೂಡ ದಾಖಲೆ ಬರೆಯಲು ಅವಕಾಶವಿದೆ. ಇಂದಿನ ಪಂದ್ಯದಲ್ಲಿ ಬೌಲ್ಟ್ 2 ವಿಕೆಟ್ ಪಡೆದರೆ ಐಪಿಎಲ್‌ನಲ್ಲಿ 50 ವಿಕೆಟ್‌ಗಳು ಲಭಿಸಿದಂತಾಗುತ್ತದೆ.

3. ಕ್ವಿಂಟನ್ ಡಿ ಕಾಕ್
ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್‌ಮನ್‌-ವಿಕೆಟ್ ಕೀಪರ್, ಮುಂಬೈ ಇಂಡಿಯನ್ಸ್‌ನ ಕ್ವಿಂಟನ್ ಡಿ ಕಾಕ್ ಇನ್ನು ಎರಡು ವಿಕೆಟ್‌ಗಳನ್ನು ವಿಕೆಟ್ ಕೀಪರ್ ಆಗಿ ಪಡೆದರೆ, ಐಪಿಎಲ್‌ನಲ್ಲಿ ವಿಕೆಟ್ ಕೀಪರ್ ಆಗಿದ್ದುಕೊಂಡು 50 ವಿಕೆಟ್‌ ದಾಖಲೆ ನಿರ್ಮಿಸಲಿದ್ದಾರೆ.

4. ಕಾಗಿಸೊ ರಬಾಡ, ಹರ್ಷಲ್ ಪಟೇಲ್
ದಕ್ಷಿಣ ಆಫ್ರಿಕಾದ ವೇಗಿ ಕಾಗಿಸೊ ರಬಾಡ ಮತ್ತು ಭಾರತದ ಹರ್ಷಲ್ ಪಟೇಲ್ ಗೆ 4 ವಿಕೆಟ್‌ ಸಿಕ್ಕರೆ ಐಪಿಎಲ್‌ನಲ್ಲಿ 50 ವಿಕೆಟ್‌ ದಾಖಲೆ ಪೂರೈಕೆಯಾಗಲಿದ್ದಾರೆ.

5. ಶಿಖರ್ ಧವನ್, ರಿಷಭ್ ಪಂತ್
ಡೆಲ್ಲಿ ಕ್ಯಾಪಿಟಲ್ಸ್‌ನ ಶಿಖರ್ ಧವನ್ ಮತ್ತು ರಿಷಭ್ ಪಂತ್ ಇನ್ನು 1 ಸಿಕ್ಸ್ ಬಾರಿಸಿದರೆ ಐಪಿಎಲ್‌ನಲ್ಲಿ 100 ಸಿಕ್ಸರ್‌ಗಳ ದಾಖಲೆ ಪೂರೈಸಲಿದ್ದಾರೆ.