ಆರ್ಸಿಬಿ ಸೇರಿದ ರೀಸ್ ಟೋಪ್ಲಿ
ಇಂಗ್ಲೆಂಡ್ನ ಎಡಗೈ ವೇಗದ ಬೌಲರ್ ರೀಸ್ ಟೋಪ್ಲಿ ಪಿಎಸ್ಎಲ್ 2023ರ ಡ್ರಾಫ್ಟ್ಗಾಗಿ ನೋಂದಾಯಿಸಿಕೊಂಡಿದ್ದರು. ಆದರೆ, ಯಾವುದೇ ತಂಡಗಳು ಅವರನ್ನು ಸೇರ್ಪಡೆ ಮಾಡಿಕೊಳ್ಳಲು ಆಸಕ್ತಿ ತೋರಿಸಲಿಲ್ಲ.
2022ರಲ್ಲಿ ಇಸ್ಲಾಮಾಬಾದ್ ಯುನೈಟೆಡ್ ಅವರನ್ನು ಡ್ರಾಫ್ಟ್ನಲ್ಲಿ ಆಯ್ಕೆ ಮಾಡಿಕೊಂಡಿತ್ತು, ಆದರೆ ಟೋಪ್ಲಿ ಒಪ್ಪಂದದಿಂದ ಹಿಂದೆ ಸರಿದ್ದರು. ನಂತರ ಅವರ ಬದಲಾಗಿ ವಕಾಸ್ ಮಕ್ಸೂದ್ ಇಸ್ಲಾಮಾಬಾದ್ ತಂಡದಲ್ಲಿ ಸ್ಥಾನ ಪಡೆದರು. ಇದೇ ಕಾರಣಕ್ಕೆ ಟೋಪ್ಲಿ ಅವರನ್ನು ತಂಡಗಳು ನಿರ್ಲಕ್ಷಿಸಿರುವ ಸಾಧ್ಯತೆ ಇದೆ.
ಟೋಪ್ಲಿಈ ಮೊದಲು ಐಪಿಎಲ್ ಆಡಿರಲಿಲ್ಲ. ಆದರೆ ಈ ಬಾರಿ ಅವರನ್ನು 1.9 ಕೋಟಿ ರುಪಾಯಿ ನೀಡಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಖರೀದಿ ಮಾಡಿದೆ. ಟೋಪ್ಲಿಯನ್ನು ತಂಡಕ್ಕೆ ಸೇರ್ಪಡೆ ಮಾಡಿಕೊಂಡಿದ್ದು, ಉತ್ತಮ ನಿರ್ಧಾರ ಎಂದು ಹಲವು ತಜ್ಞರು ಅಭಿಪ್ರಾಯಪಟ್ಟದ್ದಾರೆ. 2023ರ ಐಪಿಎಲ್ನಲ್ಲಿ ಟೋಪ್ಲಿ ಜೋಶ್ ಹೇಜಲ್ವುಡ್ಗೆ ಬ್ಯಾಕಪ್ ಆಯ್ಕೆಯಾಗುವ ಸಾಧ್ಯತೆಯಿದೆ.
ಕೆಕೆಆರ್ ತಂಡ ಸೇರಿದ ಶಕೀಬ್
ಬಾಂಗ್ಲಾದೇಶದ ನಾಯಕ ಶಕೀಬ್ ಅಲ್ ಹಸನ್ 2022 ರಲ್ಲಿ ಐಪಿಎಲ್ನ ಭಾಗವಾಗಿರಲಿಲ್ಲ. ಆದರೆ, 2023ರ ಮಿನಿಹರಾಜಿನಲ್ಲಿ ಅವರು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು ಸೇರಿಕೊಂಡಿದ್ದಾರೆ. ಮೂಲ ಬೆಲೆ 1.5 ಕೋಟಿ ರುಪಾಯಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ.
ಅಚ್ಚರಿ ಎನ್ನುವಂತೆ ಶಕೀಬ್ ಅಲ್ ಹಸನ್ರನ್ನು ಪಿಎಸ್ಎಲ್ 2023ರ ಡ್ರಾಫ್ಟ್ನಲ್ಲಿ ಯಾವುದೇ ತಂಡಗಳು ಆಯ್ಕೆ ಮಾಡಿಕೊಳ್ಳಲಿಲ್ಲ.
ಕೆಕೆಆರ್ ತಂಡ ಸೇರಿಕೊಂಡ ಲಿಟ್ಟನ್ ದಾಸ್
2022 ರ ಟಿ 20 ವಿಶ್ವಕಪ್ನಲ್ಲಿ ಅಡಿಲೇಡ್ ಓವಲ್ನಲ್ಲಿ ಭಾರತದ ವಿರುದ್ಧ ಗುಂಪು-ಹಂತದ ಪಂದ್ಯದಲ್ಲಿ ಸ್ಫೋಟಕ ಇನ್ನಿಂಗ್ಸ್ ಆಡುವ ಮೂಲಕ ಲಿಟ್ಟನ್ ದಾಸ್ ಫ್ರಾಂಚೈಸಿಗಳ ಗಮನ ಸೆಳೆದರು.
ಡಿಸೆಂಬರ್ 23 ರಂದು ನಡೆದ ಮಿನಿ ಹರಾಜಿನಲ್ಲಿ ಲಿಟ್ಟನ್ ದಾಸ್ ಮೊದಲ ಬಾರಿಗೆ ಐಪಿಎಲ್ನಲ್ಲಿ ಆಡುವ ಅವಕಾಶವನ್ನು ಪಡೆದುಕೊಂಡರು. ಶಕೀಬ್ ಅಲ್ ಹಸನ್ರಂತೆ ಲಿಟ್ಟನ್ ದಾಸ್ ಮೂಲ ಬೆಲೆ 50 ಲಕ್ಷ ರುಪಾಯಿಗೆ ಕೆಕೆಆರ್ ತಂಡದ ಪಾಲಾದರು.
ಪಿಎಸ್ಎಲ್ 2023ರ ಡ್ರಾಫ್ಟ್ನಲ್ಲಿ ಲಿಟ್ಟನ್ ದಾಸ್ ಆಯ್ಕೆಯಾಗಲಿಲ್ಲ, ಅವರು ಆಟಗಾರರ ಡ್ರಾಫ್ಟ್ನ ಡೈಮಂಡ್ ವಿಭಾಗದಲ್ಲಿದ್ದರು.