ಸಿಡ್ನಿ: ಡೇವಿಡ್ ವಾರ್ನರ್, ಸ್ಟೀವ್ ಸ್ಮಿತ್, ಪ್ಯಾಟ್ ಕಮಿನ್ಸ್ ಸೇರಿದಂತೆ ಆಸ್ಟ್ರೇಲಿಯಾದ ಆಟಗಾರರು, ಅಧಿಕಾರಿಗಳ ಕಡ್ಡಾಯ ಕ್ವಾರಂಟೈನ್ ಕೊನೆಗೊಂಡಿದೆ. ಚಾರ್ಟರ್ಡ್ ಫ್ಲೈಟ್ನಲ್ಲಿ ಮಾಲ್ಡೀವ್ಸ್ನಿಂದ ವಾಪಸ್ಸಾದ ಬಳಿಕ ಈ ಆಟಗಾರರು, ಅಧಿಕಾರಿಗಳು ಸಿಡ್ನಿಯಲ್ಲಿ 14 ದಿನಗಳ ಕಡ್ಡಾಯ ಕ್ವಾರಂಟೈನ್ ಪಾಲಿಸಿದ್ದರು.
ಐಪಿಎಲ್ ಇನ್ನುಳಿದ ಪಂದ್ಯಗಳಲ್ಲಿ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ ಆಡಲ್ಲ!
ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2021ರಲ್ಲಿ ಪಾಲ್ಗೊಂಡಿದ್ದ ಆಸ್ಟ್ರೇಲಿಯಾ ಆಟಗಾರರು, ಅಧಿಕಾರಿಗಳು ಕೋವಿಡ್ ಕಾರಣದಿಂದ ಐಪಿಎಲ್ ಮುಂದೂಡಲ್ಪಟ್ಟಾಗ ಮಾಲ್ಡೀವ್ಸ್ಗೆ ತೆರಳಿದ್ದರು. ಯಾಕೆಂದರೆ ಆ ವೇಳೆ ಭಾರತದಿಂದ ಬರುವ ಪ್ರಯಾಣಿಕರಿಗೆ ಆಸ್ಟ್ರೇಲಿಯಾ ನಿಷೇಧ ಹೇರಿತ್ತು. ನಿಷೇಧ ತೆಗೆದ ಬಳಿಕ ಆಸೀಸ್ ಕ್ರಿಕೆಟಿಗರು ತವರು ನೆಲಕ್ಕೆ ಬಂದು ಕ್ವಾರಂಟೈನ್ ಆರಂಭಿಸಿದ್ದರು.
ವಾರ್ನರ್ ತನ್ನ ಇನ್ಸ್ಟಾಗ್ರಾಮ್ನಲ್ಲಿ ಒಂದು ಪೋಸ್ಟ್ ಹಾಕಿಕೊಂಡಿದ್ದಾರೆ. ತನ್ನ ಕುಟುಂಬವನ್ನು ತಾನು ಮತ್ತೆ ಸೇರಿಕೊಂಡಿರುವುದಾಗಿ ವಾರ್ನರ್ ಈ ಪೋಸ್ಟ್ನಲ್ಲಿ ಹೇಳಿಕೊಂಡಿದ್ದಾರೆ. 'ಮನೆಯಲ್ಲಿರಲು ಖುಷಿಯಾಗುತ್ತಿದೆ' ಎಂದು ಅದರಲ್ಲಿ ಬರೆಯಲಾಗಿದೆ. ಮತ್ತೊಂದು ಇನ್ಸ್ಟಾ ಪೋಸ್ಟ್ನಲ್ಲಿ ವಾರ್ನರ್ ತನ್ನ ಪತ್ನಿ ಮತ್ತು ಪುತ್ರಿಯರ ಫೋಟೋ ಹಂಚಿಕೊಂಡಿದ್ದಾರೆ.
ಯಾರಾಗ್ತಾರೆ ಧೋನಿ ಬಳಿಕ ಚೆನ್ನೈ ತಂಡದ ನಾಯಕ? ಈ 5 ಆಟಗಾರರ ಮೇಲೆ ಸಿಎಸ್ಕೆ ಕಣ್ಣು!
'ಕ್ವಾರಂಟೈನ್ ಬಳಿಕ ಶುದ್ಧಗಾಳಿ ಸೇವಿಸಲು ಸೊಗಸಾಗಿದೆ' ಎಂದು ಆಸೀಸ್ ವೇಗಿ ಜೇಸನ್ ಬೆಹ್ರೆಂಡೋರ್ಫ್ ಪ್ರತಿಕ್ರಿಯಿಸಿದ್ದಾರೆ. ಮೇ 4ರಂದು ಐಪಿಎಲ್ ಅಮಾನತುಗೊಂಡಿತ್ತು. ಆಗ 29 ಪಂದ್ಯಗಳು ನಡೆದಿದ್ದವು. ಇನ್ನೂ 31 ಪಂದ್ಯಗಳು ಬಾಕಿಯುಳಿದಿದ್ದು, ಆ ಪಂದ್ಯಗಳನ್ನು ಯುಎಇಯಲ್ಲಿ ನಡೆಸುವುದಾಗಿ ಬಿಸಿಸಿಐ ಹೇಳಿದೆ. ಸೆಪ್ಟೆಂಬರ್-ಅಕ್ಟೋಬರ್ನಲ್ಲಿ ಈ ಪಂದ್ಯಗಳು ನಡೆಯಲಿವೆ.