ಭಾರತ vs ಪಾಕ್: "ಪಾಕಿಸ್ತಾನ ಗೆಲ್ಲಬೇಕೆಂದರೆ ಈ ಒಬ್ಬ ಆಟಗಾರನನ್ನು ತಂಡದಿಂದ ಹೊರಗಿಡಲೇಬೇಕು!"

ಈ ಆಟಗಾರನ ಅಗತ್ಯತೆ ಪಾಕಿಸ್ತಾನ ತಂಡಕ್ಕಿಲ್ಲ

"ಪಾಕಿಸ್ತಾನ ತಂಡದ ಆಟಗಾರ ಶೋಯೆಬ್ ಮಲಿಕ್ ಇತ್ತೀಚಿನ ದಿನಗಳಲ್ಲಿ ತೀರಾ ಕೆಟ್ಟ ಪ್ರದರ್ಶನವನ್ನು ನೀಡುತ್ತಿದ್ದಾರೆ. ಇತ್ತೀಚೆಗಷ್ಟೇ ನಡೆದ ಕೆರಿಬಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿಯೂ ಶೋಯಬ್ ಮಲೀಕ್ ಅವರ ಬ್ಯಾಟಿಂಗ್‌ನ್ನು ನೋಡಿದ್ದೆ. ನಿಜವಾಗಿಯೂ ಆತನ ಬ್ಯಾಟಿಂಗ್ ನೋಡಿ ಕಣ್ಣುಗಳು ಹೋಗಿಬಿಟ್ಟವು, ಆತ ರನ್ ಗಳಿಸಲು ಪರದಾಡುತ್ತಿದ್ದ. ಹೀಗೆ ರನ್ ಗಳಿಸಲು ಪರದಾಡುತ್ತಿರುವ ಶೋಯಬ್ ಮಲಿಕ್ ಅವರನ್ನು ತಂಡದಿಂದ ಹೊರಗಿಡುವುದು ಉತ್ತಮ" ಎಂದು ಸಿಮೋನ್ ಡೌಲ್ ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ.

"ಈ ಇಬ್ಬರೂ ಆಟಗಾರರು ಒಂದೇ ತಂಡದಲ್ಲಿರುವುದು ಬೇಡ"

"ಶೋಯಬ್ ಮಲಿಕ್ ಮತ್ತು ಮೊಹಮ್ಮದ್ ಹಫೀಜ್ ಇಬ್ಬರಿಗೂ ಸಹ ತಂಡದಲ್ಲಿ ಸ್ಥಾನ ನೀಡುವ ಅಗತ್ಯತೆ ಇಲ್ಲ ಎಂದು ಭಾವಿಸುತ್ತೇನೆ. ಯುವ ಆಟಗಾರರೇ ತುಂಬಿರುವ ತಂಡದಲ್ಲಿ 40 ವರ್ಷದ ಈ ಇಬ್ಬರು ಆಟಗಾರರಿಗೂ ಸ್ಥಾನ ನೀಡಬೇಕಾದ ಅಗತ್ಯತೆ ಇಲ್ಲ. ಈ ಇಬ್ಬರಲ್ಲಿ ಶೋಯೆಬ್ ಮಲಿಕ್ ತೀರಾ ಕಳಪೆ ಫಾರ್ಮ್‌ ಹೊಂದಿದ್ದು, ಮೊಹಮ್ಮದ್ ಹಫೀಜ್ ಬೌಲಿಂಗ್ ಮಾಡಲಿದ್ದಾರೆ ಎನ್ನುವ ಕಾರಣಕ್ಕೆ ಆತನಿಗೆ ತಂಡದಲ್ಲಿ ಸ್ಥಾನ ನೀಡಬಹುದು" ಎಂದು ಸಿಮೋನ್ ಡೌಲ್ ಅಭಿಪ್ರಾಯಪಟ್ಟಿದ್ದಾರೆ.

ಛೇ!!ಟೀಮ್ ಇಂಡಿಯಾ ಸೋತಿದ್ದಕ್ಕೆ ಪಾಕಿಸ್ತಾನ ಇಷ್ಟು ಕೆಳಮಟ್ಟಕ್ಕೆ ಇಳಿಬಾರ್ದಿತ್ತು | Oneindia Kannada

ಪ್ರಕಟವಾಗಿರುವ ಪಾಕಿಸ್ತಾನ ತಂಡದಲ್ಲಿ ಇಬ್ಬರೂ ಸ್ಥಾನ ಪಡೆದುಕೊಂಡಿದ್ದಾರೆ

ಶೋಯಬ್ ಮಲಿಕ್ ಮತ್ತು ಮೊಹಮ್ಮದ್ ಹಫೀಜ್ ಕುರಿತು ಸಿಮೋನ್ ಡೌಲ್ ಈ ರೀತಿಯ ಹೇಳಿಕೆಯನ್ನು ನೀಡಿದ್ದು ನಿನ್ನೆ ಪ್ರಕಟವಾದ ಪಾಕಿಸ್ತಾನದ 12 ಆಟಗಾರರ ತಂಡದಲ್ಲಿ ಈ ಇಬ್ಬರೂ ಸಹ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಹೀಗಾಗಿ ಇಂದು ನಡೆಯಲಿರುವ ಪಂದ್ಯಕ್ಕೆ 11 ಆಟಗಾರರು ಕಣಕ್ಕಿಳಿಯಲೇಬೇಕಾಗಿರುವುದರಿಂದ ಯಾರಾದರೂ ಒಬ್ಬರನ್ನು ಮಾತ್ರ ತಂಡದಿಂದ ಹೊರ ಹಾಕಬಹುದು. ಸಿಮೋನ್ ಡೌಲ್ ಹೇಳಿದಂತೆ ಬೌಲಿಂಗ್ ಮಾಡುವ ಕಾರಣಕ್ಕೆ ಮೊಹಮ್ಮದ್ ಹಫೀಜ್ ಅವರಿಗೆ ತಂಡದಲ್ಲಿ ಸ್ಥಾನ ನೀಡುವ ಸಾಧ್ಯತೆಗಳು ಹೆಚ್ಚಿವೆ.

ಭಾರತ ವಿರುದ್ಧದ ಪಂದ್ಯಕ್ಕೆ ಪ್ರಕಟವಾಗಿರುವ 12 ಆಟಗಾರರ ಪಾಕ್ ತಂಡ: ಬಾಬರ್ ಅಜಮ್ (ನಾಯಕ), ಮೊಹಮ್ಮದ್ ರಿಜ್ವಾನ್ (ವಿಕೆಟ್ ಕೀಪರ್), ಫಖರ್ ಜಮಾನ್, ಮೊಹಮ್ಮದ್ ಹಫೀಜ್, ಶೋಯೆಬ್ ಮಲಿಕ್, ಆಸಿಫ್ ಅಲಿ, ಹೈದರ್ ಅಲಿ, ಇಮಾದ್ ವಾಸಿಂ, ಶಾದಬ್ ಖಾನ್, ಹಸನ್ ಅಲಿ, ಶಾಹೀನ್ ಶಾ ಅಫ್ರಿದಿ, ಹಾರಿಸ್ ರೌಫ್