#1, 103, ಟ್ರೆಂಟ್ ಬ್ರಿಜ್, 2018
ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಪಂದ್ಯದಲ್ಲಿ ಭಾರತ ಮೇಲುಗೈ ಸಾಧಿಸಬೇಕಾದರೆ ಉತ್ತಮ ಇನ್ನಿಂಗ್ಸ್ ಕಟ್ಟುವ ಕೆಲಸ ಆಗಬೇಕಿತ್ತು. ಇನ್ನಿಂಗ್ಸ್ ಮುನ್ನಡೆ ಪಡೆಯಬೇಕಿತ್ತು. ಈ ಟೆಸ್ಟ್ ನಲ್ಲಿ 103ರನ್ ಹಾಗೂ 97ರನ್ ಗಳಿಸಿ ತಮ್ಮ ಫಿಟ್ನೆಸ್ ಬಗ್ಗೆ ಇದ್ದ ಅನುಮಾನಕ್ಕೂ ಬ್ರೇಕ್ ಹಾಕಿದರು.
#2, 153, ಸೆಂಚೂರಿಯನ್, 2018
ದಕ್ಷಿಣ ಆಫ್ರಿಕಾದ ವಿರುದ್ಧ ಶತಕ ಬಾರಿಸಿದ್ದಲ್ಲದೆ ಏಕಾಂಗಿ ಹೋರಾಟ ನಡೆಸಿದರು. ಬೇರೆ ಯಾವ ಬ್ಯಾಟ್ಸ್ ಮನ್ ಕೂಡಾ 50ಪ್ಲಸ್ ರನ್ ಗಳಿಸಲು ಪರದಾಡಿದರು. ಮಾರ್ನೆ ಮಾರ್ಕೆಲ್, ವೆರ್ನಾನ್ ಫಿಲ್ಯಾಂಡರ್, ಕಾಗಿಸೋ ರಬಾಡಾ, ಲುಂಗಿ ನಿಗಡಿ ಬೌಲಿಂಗ್ ಎದುರಿಸಿ ನಿಂತು 153ರನ್ ಗಳಿಸಿದರು. ಇದು ಅವರು ವೈಯಕ್ತಿಕವಾಗಿ ಇಷ್ಟಪಟ್ಟ ಇನ್ನಿಂಗ್ಸ್ ಕೂಡಾ ಆಗಿದೆ.
#3, 115 & 141, ಅಡಿಲೇಡ್, 2014
ಆಸ್ಟ್ರೇಲಿಯಾ ವಿರುದ್ಧ ಸತತ ಶತಕ. ಮೊದಲ ಇನ್ನಿಂಗ್ಸ್ ನಲ್ಲಿ 115ರನ್ ಗಳಿಸಿ ಭಾರತದ ಮೊತ್ತ 444 ಸ್ಕೋರ್ ಆಗಲು ನೆರವಾದರು. ಆಸ್ಟ್ರೇಲಿಯಾ 517ರನ್ ಗಳಿಸಿತ್ತು. ವಾರ್ನರ್ ಕೂಡಾ ಸತತ ಶತಕ ಬಾರಿಸಿದ್ದರು.
ಆಸ್ಟ್ರೇಲಿಯಾ ನೀಡಿದ್ದ 364ರನ್ ಚೇಸ್ ಮಾಡಿದ ಭಾರತಕ್ಕೆ ಕೊಹ್ಲಿ ಆಸರೆಯಾಗಿ 141ರನ್ ಗಳಿಸಿದರೆ, ಮುರಳಿ ವಿಜಯ್ 99ರನ್ ಗಳಿಸಿದರು. ಗೆಲುವಿನ ಹೊಸ್ತಿಲಲ್ಲಿ ನಾಥನ್ ಲಿಯಾನ್ ಅಡ್ಡ ನಿಂತು 7 ವಿಕೆಟ್ ಉದುರಿಸಿದರು. ಆಸ್ಟ್ರೇಲಿಯಾಕ್ಕೆ 48ರನ್ ಗಳ ಜಯ ಸಿಕ್ಕಿತ್ತು.
#4, 204, ಹೈದರಾಬಾದ್, 2017
ಭಾರತದಲ್ಲಿ ಮೊದಲ ಬಾರಿಗೆ ಟೆಸ್ಟ್ ಪಂದ್ಯವಾಡಿದ ಬಾಂಗ್ಲಾದೇಶ ವಿರುದ್ಧ ಕೊಹ್ಲಿ ಅವರು ಕೂಡಾ ಮೊದಲ ಬಾರಿಗೆ ದ್ವಿಶತಕ ಸಿಡಿಸಿದರು. 246 ಎಸೆತಗಳಲ್ಲಿ 204ರನ್ ಗಳಿಸಿದರು.
#5, 169, ಮೆಲ್ಬೋರ್ನ್ 2014
ಆಸ್ಟ್ರೇಲಿಯಾ ವಿರುದ್ಧ ಧೋನಿ ಅವರ ಕೊನೆ ಟೆಸ್ಟ್ ಪಂದ್ಯದಲ್ಲಿ ಕೊಹ್ಲಿ 169ರನ್ ಗಳಿಸಿದ್ದು ವಿಶೇಷ. ನಾಲ್ಕನೇ ವಿಕೆಟ್ ಗೆ ರಹಾನೆ(147) ಜತೆಗೂಡಿ 262ರನ್ ಗಳಿಸಿದ್ದು, ಪಂದ್ಯವನ್ನು ಉಳಿಸಿಕೊಳ್ಳಲು ನೆರವಾಯಿತು.