ಕೊಹ್ಲಿಗಿಂತ ಧೋನಿ ಯಾಕೆ ಶ್ರೇಷ್ಠ ಎಂದು ಸೊಗಸಾಗಿ ವಿವರಿಸಿದ ರೈನಾ

ಆಟಗಾರರ ಜೊತೆ ಸದಾ ಸಂವಹನ

'ಅಧಿಕೃತವಾಗಿ ಧೋನಿ ಈಗ ನಾಯಕನಲ್ಲ. ಆದರೆ ಮೈದಾನದಲ್ಲಿ ಧೋನಿ ಅವರು ವಿರಾಟ್ ಕೊಹ್ಲಿಗೂ ನಾಯಕನೇ ಎಂಬುದು ನನ್ನನಿಸಿಕೆ. ಧೋನಿ ಪಾತ್ರ ಈಗಲೂ ನಾಯಕನಾಗಿಯೇ ಮುಂದುವರೆದಿದೆ. ವಿಕೆಟ್ ಕೀಪಿಂಗ್ ಮಾಡುತ್ತಲೇ ಧೋನಿ ಆಟಗಾರರ ಜೊತೆ ಸಂವಹನ ಮಾಡುತ್ತಿರುತ್ತಾರೆ' ಎಂದು ರೈನಾ ತಿಳಿಸಿದರು.

ನಾಯಕನ ನಾಯಕ ಧೋನಿ

'ಪಂದ್ಯ ನಡೆಯುತ್ತಿದ್ದಾಗ ಈಗಲೂ ಧೋನಿ ಸ್ಟಂಪ್‌ನ ಹಿಂದಿದ್ದುಕೊಂಡೇ ಸಲಹೆಗಳನ್ನು ನೀಡುತ್ತಿರುತ್ತಾರೆ. ಫೀಲ್ಡರ್‌ಗಳನ್ನು ನಿಲ್ಲಿಸುವಾಗಲೂ ಧೋನಿ ಪ್ರಮುಖ ಪಾತ್ರ ವಹಿಸುತ್ತಾರೆ. ಧೋನಿ ನಿಜಕ್ಕೂ ನಾಯಕನ ನಾಯಕ' ಎಂದು ರೈನಾ ಅಭಿಪ್ರಾಯಿಸಿದರು.

ಧೋನಿಯಿದ್ದರೆ ಗೆಲ್ಲೋ ಹುಮ್ಮಸ್ಸು

'ಧೋನಿ ಸ್ಟಂಪ್‌ ಹಿಂದೆ ಇದ್ದಾರೆಂದರೆ, ಕೊಹ್ಲಿಗೂ ಒಂದು ಹಿಡಿ ಆತ್ಮ ವಿಶ್ವಾಸ ಜಾಸ್ತಿ. ಧೋನಿ ಯಾವತ್ತಿಗೂ ನಮ್ಮಲ್ಲಿ ಗೆಲುವಿನ ಭರವಸೆ ಮೂಡಿಸುತ್ತಿರುತ್ತಾರೆ. ಮಹಿ ಆತ್ಮವಿಶ್ವಾಸವುಳ್ಳವ, ಆತ ನಾಯಕ-ಆಟಗಾರ ಎರಡೂ ಹೌದು' ಎಂದು ರೈನಾ ವಿವರಿಸಿದರು.

ಕಪ್ ನಮ್ಮದೇ ಎಂಬ ವಿಶ್ವಾಸ

'ವಿಶ್ವಕಪ್‌ನಂತ ದೊಡ್ಡ ಟೂರ್ನಿಯಲ್ಲಿ ಧೋನಿ ಅತೀ ಅಮೂಲ್ಯ ಆಟಗಾರ. ತನ್ನ ಜವಾಬ್ದಾರಿ ಏನೆಂಬುದು ಆತನಿಗೆ ಚೆನ್ನಾಗಿ ಗೊತ್ತಿದೆ. ಆಟಗಾರರಿಗೆ ಅವರ ಆತ್ಮ ವಿಶ್ವಾಸದ ಬೆಂಬಲ ಬೇಕಿದೆ. ಟೂರ್ನಿಯಲ್ಲಿ ಎಲ್ಲವೂ ನಮ್ಮ ಫೇವರ್ ಆಗಬೇಕಿದೆ. ಉದ್ದೇಶಗಳು ಧನಾತ್ಮಕವಾಗಿರಬೇಕಿದೆ. ಈ ಬಾರಿಯ ವಿಶ್ವಕಪ್ ಗೆಲ್ಲಲು ನಮ್ಮದು ಅತ್ಯುತ್ತಮ ತಂಡ' ಎಂದು ರೈನಾ ಟೀಮ್ ಇಂಡಿಯಾದ ಟ್ರೋಫಿ ಗೆಲುವಿನ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದರು.