ವಿರಾಟ್ ಕೊಹ್ಲಿ, ರವಿ ಶಾಸ್ತ್ರಿ ಮಾತುಕತೆಯ ಆಡಿಯೋ ತುಣುಕು ಲೀಕ್!

ಸುದ್ದಿಗೋಷ್ಠಿ ವೇಳೆ ಎಡವಟ್ಟು

ಬುಧವಾರ (ಜೂನ್ 3) ಭಾರತ ತಂಡ ಇಂಗ್ಲೆಂಡ್‌ಗೆ ಪ್ರಯಾಣಿಸಿತು. ಭಾರತ ಬಿಡುವುದಕ್ಕೂ ಮುನ್ನ ಮುಂಬೈಯಲ್ಲಿ ಭಾರತೀಯ ತಂಡದ ನಾಯಕ ವಿರಾಟ್ ಕೊಹ್ಲಿ ಮತ್ತು ಮುಖ್ಯ ಕೋಚ್ ರವಿ ಶಾಸ್ತ್ರಿ ಸುದ್ದಿಗೋಷ್ಠಿಯಲ್ಲಿ ಪಾಲ್ಗೊಂಡಿದ್ದರು. ಈ ವೇಳೆ ಸಣ್ಣ ಎಡವಟ್ಟಾಗಿತ್ತು. ಸುದ್ದಿಗೋಷ್ಠಿ ಆರಂಭವಾಗಿದ್ದು ಕೊಹ್ಲಿ, ಶಾಸ್ತ್ರಿ ಗಮನಕ್ಕೆ ಬಂದಿರಲಿಲ್ಲ. ಹೀಗಾಗಿ ಅವರು ಮಾತನಾಡುತ್ತಿದ್ದುದು ಮೈಕ್‌ನಲ್ಲಿ ರೆಕಾರ್ಡ್ ಆಗಿತ್ತು. ಅದರ ಆಡಿಯೋ ವೈರಲ್ ಆಗಿದೆ.

ಆಡಿಯೋದಲ್ಲಿ ಏನಿದೆ?

ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಆಡಿಯೋ ತುಣುಕಿನಲ್ಲಿ ವಿರಾಟ್ ಕೊಹ್ಲಿ, 'hum inko round the wicket dalwayenge, Left-handers hai inpe, Lala, Siraj sabko start se hi laga denge,' ಎಂದು ಹೇಳಿದ್ದಾರೆ. ಅಂದರೆ ಇಲ್ಲಿ ಕೊಹ್ಲಿ, ಶಾಸ್ತ್ರಿ ಇಬ್ಬರೂ ಬೌಲಿಂಗ್ ತಂತ್ರದ ಬಗ್ಗೆ ಮಾತನಾಡುತ್ತಿದ್ದಾರೆ. ನ್ಯೂಜಿಲೆಂಡ್ ಬ್ಯಾಟ್ಸ್‌ಮನ್‌ಗಳನ್ನು ಹೇಗೆ ಕಟ್ಟಿ ಹಾಕಬೇಕೆಂದು ಚರ್ಚೆ ಮಾಡುತ್ತಿರುವುದು ಕಂಡು ಬಂದಿದೆ.

ಭಾರತ ತಂಡದ ತಂತ್ರವೇನು?

ಯಾವುದೋ ಬ್ಯಾಟ್ಸ್‌ಮನ್‌ ಅನ್ನು ಉದ್ದೇಶಿಸಿ ಮಾತನಾಡಿರುವ ಕೊಹ್ಲಿ, ಆ ಬ್ಯಾಟ್ಸ್‌ಮನ್‌ಗೆ ವಿಕೆಟ್‌ನ ಸುತ್ತಲೂ ಬೌಲಿಂಗ್ ಮಾಡಿಸೋಣ. ಆ ತಂಡದಲ್ಲಿ ಎಡಗೈ ಬ್ಯಾಟ್ಸ್‌ಮನ್‌ ಕೂಡ ಇದ್ದಾರೆ. ಲಾಲ, ಸಿರಾಜ್ ಇಬ್ಬರನ್ನು ಆರಂಭದಿಂದಲೇ ಬೌಲಿಂಗ್ ಮಾಡಿಸೋಣ ಎಂದು ಮೊಹಮ್ಮದ್ ಶಮಿ ಮತ್ತು ಮೊಹಮ್ಮದ್ ಸಿರಾಜ್ ಅವರನ್ನು ಬಳಸಿ ಬೌಲಿಂಗ್‌ ಉಪಾಯ ಹೇಗಿರಬೇಕು ಅಂತ ಕೊಹ್ಲಿ-ಶಾಸ್ತ್ರಿ ಮಾತನಾಡಿಕೊಂಡಿರುವುದು ಆಡಿಯೋದಲ್ಲಿ ದಾಖಲಾಗಿದೆ.