ಐಎಸ್‌ಎಲ್‌: ರೋಚಕ ಪಂದ್ಯದಲ್ಲಿ ಕೇರಳ ಮಣಿಸಿದ ಬೆಂಗಳೂರು ಎಫ್‌ಸಿ

17ನೇ ನಿಮಿಷದಲ್ಲಿ ಮುನ್ನಡೆ

ಬೆಂಗಳೂರು ಮುನ್ನಡೆ ಸಾಧಿಸಿದ ನಂತರ 30ನೇ ನಿಮಿಷದಲ್ಲಿ ಕೇರಳ ಬ್ಲಾಸ್ಟರ್ಸ್ ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು. ಸ್ಲಾವಿಸ್ಲಾ ಸ್ಟೊಜಾನೊವಿಕ್ ಪೆನಾಲ್ಟಿ ಕಿಕ್ ಮೂಲದ ಗಳಿಸಿದ ಗೋಲಿನಿಂದ ಪಂದ್ಯ 1-1ರಲ್ಲಿ ಸಮಬಲಗೊಂಡಿತು. ಕಳೆದ ಬಾರಿ ಇದೇ ರೀತಿಯ ಅವಕಾಶವನ್ನು ಸದುಪಯೋಗಪಡಿಸುವಲ್ಲಿ ಸ್ಟೊಜಾನೊವಿಕ್ ಯಶಸ್ವಿಯಾದರು. 30ನೇ ನಿಮಿಷದಲ್ಲಿ ಪೆನಾಲ್ಟಿ ವಲಯದಲ್ಲಿ ಬೆಂಗಳೂರಿನ ನಿಶು ಕುಮಾರ್ ಕೇರಳದ ಸಮದ್ ಅವರನ್ನು ಹಿಂದಿನಿಂದ ಅಡ್ಡಿ ಮಾಡಿಕೆಡವಿದರು. ಈ ಪ್ರಮಾದವನ್ನು ಗಮನಿಸಿದ ರೆರಿ ಕೇರಳಕ್ಕೆ ಪೆನಾಲ್ಟಿ ಶೂಟ್ ಅವಕಾಶ ಕಲ್ಪಿಸಿದರು. ಮನೆಯಂಗಣದಲ್ಲಿ ಕೇರಳ ಸಮಬಲ ಸಾಧಿಸಿತು.

ಜಿದ್ದಾಜಿದ್ದಿಯ ಪಂದ್ಯ

ಇಂಡಿಯನ್ ಸೂಪರ್ ಲೀಗ್‌ನಲ್ಲಿ ಸಾಕಷ್ಟು ವೈರತ್ವ ಹಾಗೂ ಜಿದ್ದಿನಿಂದ ಕೂಡಿರುವ ಪಂದ್ಯವೆಂದರೆ ಅದು ಕೇರಳ ಬ್ಲಾಸ್ಟರ್ಸ್ ಹಾಗೂ ಬೆಂಗಳೂರು ಎ್‌ಸಿ ನಡುವಿನ ಪಂದ್ಯ. ದಕ್ಷಿಣ ಭಾರತದ ಎರಡು ಉತ್ತಮ ತಂಡಗಳು ಕೇರಳದಲ್ಲಿ ಮುಖಾಮುಖಿಯಾದವು. ಇತ್ತಂಡಗಳ ಅಭಿಮಾನಿಗಳು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ತಮ್ಮ ತಂಡಗಳನ್ನು ಹೊಗಳುತ್ತಿರುವುದು ಇದುವರೆಗೂ ಸಾಮಾನ್ಯವಾಗಿತ್ತು. ಕೆಲವೊಮ್ಮೆ ಅದು ಅತಿರೇಕಕ್ಕೂ ಇಳಿಯುತ್ತಿತ್ತು. ಆದರೆ ಋತುವಿನ ಮೊದಲ ಪಂದ್ಯದಲ್ಲಿ ಬೆಂಗಳೂರು ಹಾಗೂ ಕೇರಳ ತಂಡಗಳು ಮುಖಾಮುಖಿಯಾಗುತ್ತಿರುವುದು ಇತ್ತಂಡಗಳ ಅಭಿಮಾನಿಗಳಲ್ಲಿ ಕುತೂಹಲ ಮನೆ ಮಾಡಿದೆ.

ಕೇರಳ ಸೋಲಿಸುವುದು ಸುಲಭವಿರಲಿಲ್ಲ

ಮನೆಯಂಗಣದಲ್ಲಿ ಕೇರಳವನ್ನು ಮಣಿಸುವುದು ಅಷ್ಟು ಸುಲಭವಲ್ಲ. ಅದೇ ರೀತಿ ಮನೆಯಂಗಣದ ಹೊರಗಡೆ ಬೆಂಗಳೂರು ತಂಡ ಇದುವರೆಗೂ ಉತ್ತಮ ಪ್ರದರ್ಶನ ತೋರುತ್ತಿದೆ, ಕೇರಳ ತಂಡ ಇದುವರೆಗೂ ಅಜೇಯದ ಹೆಜ್ಜೆ ಹಾಕುತ್ತ ಬಂದಿರಬಹುದು, ಆದರೆ ತಂಡ ಗೆದ್ದಿರುವುದು ಒಂದೇ ಪಂದ್ಯ. ಬೆಂಗಳೂರು ತಂಡ ಕೂಡ ಅಜೇಯವಾಗಿದೆ. ಮನೆಯಂಗಣದಲ್ಲಿ ಕೇರಳದ ದಾಖಲೆ ಉತ್ತಮವಾಗಿಲ್ಲ.

ಇಬ್ಬರು ಬಲಾಡ್ಯರು

ಮಿಕು ಹಾಗೂ ಸುನಿಲ್ ಛೆಟ್ರಿಯನ್ನು ನಿಯಂತ್ರಿಸದ ಹೊರತು ಕೇರಳ ಎಷ್ಟೇ ಬಲಿಷ್ಠವಾಗಿದ್ದರೂ ಫಲಿತಾಂಶ ಸೋಲಿನಲ್ಲಿ ಕೊನೆಗೊಳ್ಳುವುದು ಸ್ಪಷ್ಟ. ಕೇರಳ ಬ್ಲಾಸ್ಟರ್ಸ್ ವಿರುದ್ಧ ಆಡಿರುವ ಎರಡೂ ಪಂದ್ಯಗಳಲ್ಲಿ ಬೆಂಗಳೂರು ಜಯ ಗಳಿಸಿ ಮೇಲುಗೈ ಸಾಧಿಸಿದೆ.