ಹಾಕಿ ಇಂಡಿಯಾ ಲೀಗ್: ಭಾರತಕ್ಕೆ ಆಸೀಸ್ ಮೊದಲ ಎದುರಾಳಿ

ನವದೆಹಲಿ, ಸೆಪ್ಟೆಂಬರ್ 7: ಇದೇ ವರ್ಷಾಂತ್ಯಕ್ಕೆ ನಡೆಯಲಿರುವ ವಿಶ್ವ ಹಾಕಿ ಲೀಗ್ ಫೈನಲ್ 2017ರ ಪಂದ್ಯಾವಳಿಯ ವೇಳಾಪಟ್ಟಿಯು ಗುರುವಾರ (ಸೆಪ್ಟೆಂಬರ್ 7) ಬಿಡುಗಡೆಯಾಗಿದ್ದು, ಭಾರತ ತಂಡವು ತನ್ನ ಮೊದಲ ಪಂದ್ಯದಲ್ಲಿ ಬಲಿಷ್ಠ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.

ಭಾರತದ ಹಾಕಿ ಕೋಚ್ ಸ್ಥಾನದಿಂದ ರೋಲಂಟ್ ಓಲ್ಟಮಸ್ ವಜಾ

ಈ ಟೂರ್ನಿಯನ್ನು ಗೆಲ್ಲುವ ಫೇವರಿಟ್ ತಂಡವಾಗಿ ಆಸ್ಟ್ರೇಲಿಯಾ ಹೊರಹೊಮ್ಮಿದೆ. ಆಸ್ಟ್ರೇಲಿಯಾ ತಂಡ ಬಿಟ್ಟರೆ, ಭಾರತ ತಂಡವೇ ಟೂರ್ನಿ ಗೆಲ್ಲುವ ಫೇವರಿಟ್ ತಂಡ ಎಂದೆನಿಸಿದೆ.

ಟೂರ್ನಿಯಲ್ಲಿ ಎಂಟು ತಂಡಗಳು ಭಾಗಿಯಾಗಲಿದ್ದು, ಈ ಗುಂಪುಗಳನ್ನು 'ಎ' ಹಾಗೂ 'ಬಿ' ಎಂದು ವರ್ಗೀಕರಿಸಲಾಗಿದೆ. ಭಾರತ ತಂಡ, 'ಬಿ' ಗುಂಪಿನಲ್ಲಿ ಸ್ಥಾನ ಪಡೆದಿದೆ.

'ಎ' ಗುಂಪಿನಲ್ಲಿ ಅರ್ಜೆಂಟೀನಾ (ಒಲಿಂಪಿಕ್ ವಿಜೇತ ತಂಡ), ಹಾಲೆಂಡ್ (ಯೂರೋಪಿಯನ್ ಟೂರ್ನಿ ಚಾಂಪಿಯನ್), ಬೆಲ್ಜಿಯಂ (ಒಲಿಂಪಿಕ್ ಕಂಚಿನ ಪದಕ ವಿಜೇತ ತಂಡ) ಹಾಗೂ ಸ್ಪೇನ್ ಇವೆ.

'ಬಿ' ಗುಂಪಿನಲ್ಲಿ ಆಸ್ಟ್ರೇಲಿಯಾ (ವಿಶ್ವ ಚಾಂಪಿಯನ್), ಭಾರತ, ಜರ್ಮನಿ ಹಾಗೂ ಇಂಗ್ಲೆಂಡ್ ತಂಡಗಳಿವೆ.

ಭಾರತ ತಂಡ ಇರುವ ಗುಂಪಿನ ಪಂದ್ಯಗಳು ಹಾಗೂ ನಿರ್ಣಾಯಕ ಪಂದ್ಯಗಳ ವೇಳಾಪಟ್ಟಿ ಹೀಗಿದೆ: