ಅಂತಾರಾಷ್ಟ್ರೀಯ F-4 ರೇಸಿಂಗಿಗೆ ನಮ್ಮ ಬೆಂಗಳೂರಿನ ಹುಡುಗ ಯಶ್ ಎಂಟ್ರಿ

ಯಶ್‍ಗೆ ಪ್ರಾಯೋಜಕರಾಗಿ ನಿಂತ ಸಂಸ್ಥೆಗಳು

ಅಕ್ವಾಗಾರ್ಡ್, ಸೈಕಲ್ ಪ್ಯೂರ್, ಭಾರತ್ ಫಾರ್ಜ್ ಮತ್ತು ಲಕ್ಷ್ಯ ಬ್ರ್ಯಾಂಡ್‍ಗಳು ಯಶ್‍ಗೆ ಪ್ರಾಯೋಜಕರಾಗಿ ನಿಂತಿವೆ. ಸೌತ್ ಈಸ್ಟ್ ಏಷ್ಯಾದಲ್ಲಿ ಗಮನಾರ್ಹ ನಿರ್ವಹಣೆ ತೋರಿ ದೇಶದ ಕೀರ್ತಿ ಪತಾಕೆ ಹಾರಿಸುವ ವಿಶ್ವಾಸದಲ್ಲಿ ಯಶ್ ಇದ್ದಾರೆ. ಬೆಂಗಳೂರಿನ ಬಿಷಪ್ ಕಾಟನ್ ಶಾಲೆಯಲ್ಲಿ ಯಶ್ ಆರಾಧ್ಯ ವಿದ್ಯಾರ್ಥಿಯಾಗಿದ್ದಾಗಿನಿಂದ ರೇಸಿಂಗ್ ನಲ್ಲಿ ತೊಡಗಿಸಿಕೊಂಡಿದ್ದಾರೆ.

ಗೋ ಕಾರ್ಟಿಂಗ್ ನಿಂದ ಫಾರ್ಮುಲಾ 4 ತನಕ

"ಗೋ ಕಾರ್ಟಿಂಗ್‍ನಲ್ಲಿ ಇವರ ಆರಂಭದ ದಿನಗಳಿಂದ ಫಾರ್ಮುಲಾ-4ನ ಅಂತಾರಾಷ್ಟ್ರೀಯ ಪದಾರ್ಪಣೆಯವರೆಗೆ ಯಶ್‍ರ ಹಂತ ಹಂತದ ಪ್ರಗತಿಯಲ್ಲಿ ನಿಖರವಾದ ಗುರಿ ಕಾಣುತ್ತಿದ್ದೇವೆ. ಲೀಗ್‍ನಲ್ಲಿ ಅಗ್ರಪಟ್ಟಕ್ಕೆ ಏರಬೇಕು ಎನ್ನುವ ತುಡಿತ ಅವರಲ್ಲಿದೆ. ಈ ಹಂತಕ್ಕೆ ಏರಬಲ್ಲ ಎಲ್ಲ ಸಾಮರ್ಥ್ಯ ಅವರಲ್ಲಿದೆ ಎಂದು ನಾವು ನಂಬಿದ್ದೇವೆ. ಆರೋಗ್ಯ ಮತ್ತು ಸಂತೃಪ್ತಿ ಜೀವನದ ಏಳ್ಗೆಗೆ ಬಹಳ ಮುಖ್ಯ ಪಾತ್ರ ವಹಿಸುತ್ತದೆ ಎಂದು ಯುರೇಕಾ ಫೋರ್ಬ್ಸ್ ನಂಬಿದೆ. ಯಶ್ ಅದನ್ನು ಸಾಧಿಸಿ ತೋರಿಸಿದ್ದಾರೆ ಎಂದು ಯುರೇಕಾ ಫೋರ್ಬ್ಸ್ ನ ಮುಖ್ಯ ಟ್ರಾನ್ಸ್ ಫಾರ್ಮೇಷನ್ ಅಧಿಕಾರಿ ಶಶಾಂಕ್ ಸಿನ್ಹಾ ಹೇಳಿದರು.

ಅಕ್ಬರ್ ಇಬ್ರಾಹಿಂ ಮಾರ್ಗದರ್ಶನ

ಜೆಕೆ ಟೈರ್ಸ್ ಸಹಯೋಗದಲ್ಲಿ, ಅಕ್ಬರ್ ಇಬ್ರಾಹಿಂ ಮಾರ್ಗದರ್ಶನದಲ್ಲಿ ತನ್ನ 9ನೇ ವರ್ಷಕ್ಕೆ ಜೆಕೆ ಟೈರ್ ಎಂಎಂಎಸ್ ರೋಟಾಕ್ಸ್ ಮ್ಯಾಕ್ಸ್ ಕಾರ್ಟಿಂಗ್ ಚಾಂಪಿಯನ್‍ಷಿಪ್ ಇಂಡಿಯಾದಲ್ಲಿ ಭಾಗವಹಿಸುವ ಮೂಲಕ ಯಶ್‍ರ ಮೋಟಾರ್ ಸ್ಪೋರ್ಟ್ಸ್ ಜೀವನ ಆರಂಭವಾಗಿತ್ತು. ಆ ಟೂರ್ನಿಯ ಮೈಕ್ರೋ ವಿಭಾಗದಲ್ಲಿ ವೈಸ್ ಚಾಂಪಿಯನ್ ರೂಕಿ ಪ್ರಶಸ್ತಿ ಗೆದ್ದಿದ್ದ ಯಶ್, ಆ ಬಳಿಕ ಹಲವು ಬಾರಿ ಈ ಚಾಂಪಿಯನ್‍ಷಿಪ್‍ಅನ್ನು ಜಯಿಸಿದರು. ತನ್ನ 7 ವರ್ಷದ ಮೋಟಾರ್ ಸ್ಫೋರ್ಟ್ಸ್ ಜೀವನದಲ್ಲಿ ಯಶ್ 59 ಬಾರಿ ರೇಸ್‍ನ ಪದಕ ವೇದಿಕೆ ಏರಿದ್ದಲ್ಲದೆ, 16ನೇ ವರ್ಷದ ವೇಳೆಗೆ 13 ಬಾರಿ ರಾಷ್ಟ್ರೀಯ ಚಾಂಪಿಯನ್ ಎನಿಸಿಕೊಂಡಿದ್ದಾರೆ.

ಎಲ್ಲರ ಮೆಚ್ಚುಗೆ ಗಳಿಸಿರುವ ಪ್ರತಿಭಾವಂತ

ಚಿಕ್ಕ ವಯಸ್ಸಿನಿಂದಲೂ ಯಶ್‍ಗೆ ಗುರು ಆಗಿರುವ ಆರ್ಮಾನ್ ಹೇಳಿದ್ದು. 'ಯಶ್ ಮೋಟಾರ್ ಸ್ಪೋರ್ಟ್ ವೃತ್ತಿಜೀವನ ಆರಂಭ ಮಾಡಿದ ದಿನದಿಂದ ನಮ್ಮ ತಂಡದೊಂದಿಗೆ ಇದ್ದಾರೆ. ನಮ್ಮ ತಂಡ ಅವರಿಗಾಗಿ ಹಂತಹಂತದ ಕಾರ್ಯಕ್ರಮ ರೂಪಿಸಿದೆ. ಅದರಲ್ಲಿ ಅವರು ಯಶಸ್ಸು ಕಂಡಿದ್ದಾರೆ. ಯಶ್ ಶ್ರಮಜೀವಿ. ಗಮನಹರಿಸುವ ಬಾಲಕ. ಈ ಋತುವಿನಲ್ಲಿ ಸಹ ಗುರಿ ತಲುಪಲು ಅವರು ಶ್ರಮಿಸುತ್ತಾರೆ.' ಗೋ ಕಾರ್ಟಿಂಗ್‍ನಿಂದ ಫಾರ್ಮುಲಾ 4 ಪದಾರ್ಪಣೆ ಮಾಡಿದ ಮೊದಲ ಬಾರಿಯೇ ಫಾಮುಲಾ ಎಲ್‍ಜಿಬಿ ಸ್ವಿಫ್ಟ್ ನಲ್ಲಿ ಎಲ್ಲರ ಗಮನ ಸೆಳೆದಿದ್ದರು ಇಲ್ಲಿ ಸ್ಮರಿಸಬಹುದು