ಯುಎಇಗೆ ಐಪಿಎಲ್ ಸ್ಥಳಾಂತರಿಸಿದ್ದಕ್ಕೆ ಅಸಲಿ ಕಾರಣ ಹೇಳಿದ ಬಿಸಿಸಿಐ

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್‌ 2021ರ ಆವೃತ್ತಿಯ ಇನ್ನುಳಿದ ಪಂದ್ಯಗಳು ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ ನಡೆಯಲಿದೆ ಎಂದು ಬೋರ್ಡ್ ಆಫ್ ಕಂಟ್ರೋಲ್ ಫಾರ್ ಕ್ರಿಕೆಟ್ ಇನ್ ಇಂಡಿಯಾ (ಬಿಸಿಸಿಐ) ಖಾತರಿಪಡಿಸಿದೆ. ಬಿಸಿಸಿಐ ಸಭೆಯ ಬಳಿಕ ಶನಿವಾರ ಈ ನಿರ್ಧಾರ ಅಧಿಕೃತವಾಗಿ ಪ್ರಕಟವಾಯಿತು.

CWC Super League ಟೇಬಲ್‌ನಲ್ಲಿ ಭಾರತ ಯಾವ ಸ್ಥಾನದಲ್ಲಿದೆ ಗೊತ್ತಾ?!

ಕಳೆದ ವರ್ಷ ಅಂದರೆ 2020ರ ಐಪಿಎಲ್ ಸೀಸನ್ ಕೂಡ ಯುಎಇಯಲ್ಲಿ ಯಶಸ್ವಿಯಾಗಿ ನೆರವೇರಿತ್ತು. ಈ ಬಾರಿಯ ಐಪಿಎಲ್ ಅನ್ನು ಭಾರತದಲ್ಲಿ ಆರಂಭಿಸಲಾಗಿತ್ತಾದರೂ ಕೋವಿಡ್-19 ಪ್ರಕರಣಗಳು ಐಪಿಎಲ್ ಬಯೋ ಬಬಲ್ ಒಳಗೆ ಕಾಣಲಾರಂಭಿಸಿದ್ದರಿಂದ ಐಪಿಎಲ್ ಯುಎಇಗೆ ಸ್ಥಳಾಂತರವಾಗಿದೆ. ಆದರೆ ಪಂದ್ಯಗಳ ಆರಂಭದ ದಿನಾಂಕ ಇನ್ನೂ ಅಧಿಕೃತವಾಗಿ ಘೋಷಿಸಲ್ಪಟ್ಟಿಲ್ಲ.

ಈ ಬಾರಿಯ ಐಪಿಎಲ್ ಯುಎಇಗೆ ಸ್ಥಳಾಂತರಿಸುವ ನಿರ್ಧಾರ ತಾಳಿದ್ದೇಕೆ ಅನ್ನೋದನ್ನು ಬಿಸಿಸಿಐ ಕಾರ್ಯದರ್ಶಿ ಜಯ್ ಶಾ ಹೇಳಿದ್ದಾರೆ. ಐಪಿಎಲ್ ಮುಂದುವರೆಯಲಿರುವ ಸೆಪ್ಟೆಂಬರ್-ಅಕ್ಟೋಬರ್‌ನಲ್ಲಿ ಭಾರತದಲ್ಲಿ ಮಳೆಯಾದಂತಹ ಉದಾಹರಣೆಗಳಿವೆ. ಹೀಗಾಗಿಯೇ ಯುಎಇಯಲ್ಲಿ ಪಂದ್ಯಗಳನ್ನು ನಡೆಸಲು ನಿರ್ಧರಿಸಿದೆವು ಎಂದು ಶಾ ತಿಳಿಸಿದ್ದಾರೆ.

WTC ಫೈನಲ್‌ಗೆ ಭಾರತದ 'ರೆಟ್ರೋ ಜಂಪರ್' ಪ್ರದರ್ಶಿಸಿದ ರವೀಂದ್ರ ಜಡೇಜಾ

'ನಾವು ಯುಎಇಯಲ್ಲಿ ಐಪಿಎಲ್ ನಡೆಸಲು ನಿರ್ಧರಿಸಿದೆವು ಯಾಕೆಂದರೆ, ಆ ವೇಳೆ ಭಾರತದಲ್ಲಿ ಮಾನ್ಸೂನ್ ಇರುತ್ತದೆ. ಹೀಗಾಗಿ ಸೆಪ್ಟೆಂಬರ್‌ನಲ್ಲಿ ಆ ವೇಳೆ ಪಂದ್ಯಗಳನ್ನು ಹಿಡಿದಿಟ್ಟುಕೊಳ್ಳಲಾಗದು. ಇದೇ ಕಾರಣಕ್ಕೆ ನಾವು ಐಪಿಎಲ್ ಅನ್ನು ಯುಎಇಗೆ ಸ್ಥಳಾಂತರಿಸಿದೆವು,' ಎಂದು ಶಾ ವಿವರಿಸಿದರು. ಐಪಿಎಲ್ 2021ರಲ್ಲಿ 29 ಪಂದ್ಯಗಳು ನಡೆದಿದ್ದು, 31 ಪಂದ್ಯಗಳು ಬಾಕಿ ಉಳಿದಿವೆ.

For Quick Alerts
ALLOW NOTIFICATIONS
For Daily Alerts
Story first published: Saturday, May 29, 2021, 22:00 [IST]
Other articles published on May 29, 2021
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X