ಅರ್ಧಶತಕದ ದಾಖಲೆ
ಇಂದಿನ ಟಿ20 ಪಂದ್ಯದಲ್ಲಿಬ ಎರಡು ಇನ್ನಿಂಗ್ಸ್ನಲ್ಲಿ ಐದು ಅರ್ಧ ಶತಕಗಳು ದಾಖಲಾದವು. ಟಿ20 ಇತಿಹಾಸದಲ್ಲಿ ಹಿಂದೆಂದೂ ಒಂದು ಪಂದ್ಯದಲ್ಲಿ ಐವರು ಬ್ಯಾಟ್ಸ್ಮನ್ಗಳು 50+ ರನ್ಗಳನ್ನು ಬಾರಿಸಿಲ್ಲ. ನ್ಯೂಜಿಲ್ಯಾಂಡ್ನ ಕಾಲಿನ್ ಮುನ್ರೋ(59), ಕೇನ್ ವಿಲಿಯಮ್ಸನ್ (51), ರಾಸ್ ಟೇಲರ್ (54), ಕೆಎಲ್ ರಾಹುಲ್(56) ಮತ್ತು ಶ್ರೇಯಸ್ ಐಯ್ಯರ್ (58) ಅರ್ಧ ಶತಕವನ್ನು ಬಾರಿಸಿ ಮಿಂಚಿದ್ದಾರೆ.
200+ ಚೇಸಿಂಗ್ನಲ್ಲಿ ಭಾರತದ ಪಾರಮ್ಯ
ಆಕ್ಲಂಡ್ ಮೈದಾನದಲ್ಲಿ ಟೀಮ್ ಇಂಡಿಯಾ 204ರನ್ಗಳ ಗುರಿಯನ್ನು ಬೆನ್ನಟ್ಟಿ ಯಶಸ್ವಿಯಾಯಿತು. ಈ ಮೂಲಕ ನಾಲ್ಕನೇ ಬಾರಿಗೆ 200+ ಗುರಿಯನ್ನು ಬೆನ್ನಟ್ಟಿದ ಸಾಧನೆ ಮಾಡಿತು. ಟಿ20ಯಲ್ಲಿ ಟೀಮ್ ಇಂಡಿಯಾ ಅತಿ ಹೆಚ್ಚು ಬಾರಿ ಇನ್ನೂರಕ್ಕೂ ಅಧಿಕ ರನ್ ಬೆನ್ನತ್ತಿದ ದಾಖಲೆಯನ್ನು ಉತ್ತಮ ಪಡಿಸಿಕೊಂಡಿದೆ.
ಎಂಎಸ್ ಧೋನಿ ದಾಖಲೆ ಮೀರಿಸಲು ರೇಸ್ನಲ್ಲಿದ್ದಾರೆ ಕೊಹ್ಲಿ, ವಿಲಿಯಮ್ಸನ್
200+ ಚೇಸ್ ದಾಖಲೆ
ಇನ್ನೂರಕ್ಕು ಹೆಚ್ಚಿನ ಟಾರ್ಗೆಟ್ ಬೆನ್ನತ್ತುವುದರಲ್ಲಿ ಟೀಮ್ ಇಂಡಿಯಾ ಮೊದಲ ಸ್ಥಾನದಲ್ಲಿದ್ದರೆ ಎರಡು ಪಂದ್ಯಗಳನ್ನು ಚೇಸ್ ಮಾಡುವ ಮೂಲಕ ದಕ್ಷಿಣ ಆಫ್ರಿಕಾ ಮತ್ತು ಆಸ್ಟ್ರೇಲಿಯಾ ತಂಡಗಳು ಎರಡನೇ ಸ್ಥಾನದಲ್ಲಿದೆ. ನ್ಯೂಜಿಲ್ಯಾಂಡ್, ವೆಸ್ಟ್ ಇಂಡೀಸ್, ಇಂಗ್ಲೆಂಡ್, ಬಾಂಗ್ಲಾದೇಶ ಮತ್ತು ಕತಾರ್ ತಂಡಗಳು ತಲಾ ಒಂದೊಂದು ಪಂದ್ಯಗಳಲ್ಲಿ ಇನ್ನೂರಕ್ಕೂ ಅಧಿಕ ರನ್ ಚೇಸ್ ಮಾಡಿವೆ.
ಟೀಮ್ ಇಂಡಿಯಾದ 200+ ಚೇಸಿಂಗ್ಗಳು
ಶ್ರೀಲಂಕಾ ತಂಡ ನೀಡಿದ್ದ 207 ರನ್ಗಳ ಟಾರ್ಗೆಟನ್ನು 2009ರಲ್ಲಿ ಟೀಮ್ ಇಂಡಿಯಾ ಚೇಸ್ ಮಾಡಿ ಗೆದ್ದಿತ್ತು. 2013 ರಲ್ಲಿ ರಾಜ್ಕೋಟ್ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ನೀಡಿದ್ದ 202ರನ್ಗಳ ಟಾರ್ಗೆಟ್ನ್ನು ಬೆನ್ನತ್ತುವಲ್ಲಿ ಯಶಸ್ವಿಯಾಗಿತ್ತು. 2019ರ ವೆಸ್ಟ್ಇಂಡೀಸ್ ವಿರುದ್ಧದ ಪಂದ್ಯದಲ್ಲೂ ವಿಂಡೀಸ್ ಟೀಮ್ ಇಂಡಿಯಾಗೆ 208ರನ್ಗಳ ಗುರಿ ನೀಡಿತ್ತು. ಈ ಪಂದ್ಯವನ್ನೂ ಭಾರತ ಭರ್ಜರಿಯಾಗಿ ಗೆದ್ದು ಬೀಗಿತ್ತು.