16ನೇ ಸ್ಥಾನಕ್ಕೆ ತಲುಪಿದ ಯುಜ್ವೇಂದ್ರ ಚಾಹಲ್
ಜಸ್ಪ್ರೀತ್ ಬುಮ್ರಾ ಅವರ ಭಾರತ ತಂಡದ ಸಹ ಆಟಗಾರರಿಗೆ ಈ ಸುದ್ದಿ ಉತ್ತಮವಾದ್ದು, ಬೌಲರ್ಗಳ ಶ್ರೇಯಾಂಕದಲ್ಲಿ ಯುಜ್ವೇಂದ್ರ ಚಾಹಲ್ ನಾಲ್ಕು ಸ್ಥಾನಗಳನ್ನು ಜಿಗಿದು 16ನೇ ಸ್ಥಾನಕ್ಕೆ ತಲುಪಿದ್ದಾರೆ ಮತ್ತು ಆಲ್ ರೌಂಡರ್ಗಳ ಪಟ್ಟಿಯಲ್ಲಿ ಹಾರ್ದಿಕ್ ಪಾಂಡ್ಯ 13 ಸ್ಥಾನಗಳ ಏರಿಕೆಯೊಂದಿಗೆ ಎಂಟನೇ ಸ್ಥಾನಕ್ಕೆ ಏರಿದ್ದಾರೆ.
ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಯುಜ್ವೇಂದ್ರ ಚಹಾಲ್ ಏಳು ವಿಕೆಟ್ಗಳನ್ನು ಕಬಳಿಸಿದರೆ, ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಅವರು ಬ್ಯಾಟ್ ಮತ್ತು ಬಾಲ್ನಲ್ಲಿ ಮಿಂಚಿದರು. ಆರು ವಿಕೆಟ್ಗಳನ್ನು ಪಡೆದರಲ್ಲದೆ, ಒಟ್ಟು 100 ರನ್ಗಳನ್ನು ಗಳಿಸಿದರು.
'ಅವರ ಸಾಮರ್ಥ್ಯವನ್ನು ತಳ್ಳಿಹಾಕಲು ಸಾಧ್ಯವಿಲ್ಲ'; ವಿರಾಟ್ ಕೊಹ್ಲಿ ಬೆಂಬಲಕ್ಕೆ ನಿಂತ ಆರ್ಸಿಬಿ ಆಟಗಾರ
25 ಸ್ಥಾನಗಳ ಏರಿಕೆಯೊಂದಿಗೆ 52ನೇ ಸ್ಥಾನಕ್ಕೆ ತಲುಪಿದ ಪಂತ್
ಇಂಗ್ಲೆಂಡ್ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ನಾಲ್ಕು ಸ್ಥಾನಗಳನ್ನು ಕಳೆದುಕೊಂಡರು ಮತ್ತು ಆಲ್-ರೌಂಡರ್ಗಳ ಅಗ್ರ 10ರಿಂದ ಒಟ್ಟಾರೆ 11ನೇ ಸ್ಥಾನಕ್ಕೆ ಕುಸಿದರು. ಆದರೆ ಅವರ ದೇಶವಾಸಿ ಕ್ರಿಸ್ ವೋಕ್ಸ್ ಸರಣಿಯ ಸಮಯದಲ್ಲಿ ಕಾಣಿಸಿಕೊಳ್ಳಲು ವಿಫಲವಾದ ನಂತರ ಬೌಲರ್ ಮತ್ತು ಆಲ್-ರೌಂಡರ್ ಎರಡೂ ಪಟ್ಟಿಗಳಲ್ಲಿ ತಲಾ ಎರಡು ಸ್ಥಾನಗಳನ್ನು ಕಳೆದುಕೊಂಡರು.
ಪ್ರತಿಭಾನ್ವಿತ ಭಾರತದ ಎಡಗೈ ಬ್ಯಾಟ್ಸ್ಮನ್ ರಿಷಭ್ ಪಂತ್ ಇಂಗ್ಲೆಂಡ್ ಸರಣಿಯ ಅಂತಿಮ ಏಕದಿನ ಪಂದ್ಯದಲ್ಲಿ ಅಜೇಯ 125 ರನ್ ಗಳಿಸಿದರು. ಹೀಗಾಗಿ ಬ್ಯಾಟರ್ಗಳ ಪಟ್ಟಿಯಲ್ಲಿ ಒಟ್ಟಾರೆಯಾಗಿ 25 ಸ್ಥಾನಗಳ ಏರಿಕೆಯೊಂದಿಗೆ 52ನೇ ಸ್ಥಾನಕ್ಕೆ ತಮ್ಮ ಪ್ರಬಲ ಬ್ಯಾಟಿಂಗ್ ಫಾರ್ಮ್ಗಾಗಿ ಬಹುಮಾನ ಪಡೆದರು.
ಬ್ಯಾಟಿಂಗ್ನಲ್ಲಿ 42ನೇ ಸ್ಥಾನಕ್ಕೆ ಜಿಗಿದ ಹಾರ್ದಿಕ್ ಪಾಂಡ್ಯ
ಹಾರ್ದಿಕ್ ಪಾಂಡ್ಯ ಅವರ ಅತ್ಯುತ್ತಮ ಸರಣಿಯ ನಂತರ ಎಂಟು ಸ್ಥಾನಗಳನ್ನು ಗಳಿಸಿ 42ನೇ ಸ್ಥಾನಕ್ಕೆ ಜಿಗಿದಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಪ್ರಬಲ ಆರಂಭದ ನಂತರ ಟಾಪ್ 10ರೊಳಗೆ ಕೆಲವು ಬದಲಾವಣೆ ಕಂಡುಬಂದಿದೆ.
ದಕ್ಷಿಣ ಆಫ್ರಿಕಾದ ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ ಮಂಗಳವಾರ ಚೆಸ್ಟರ್-ಲೆ-ಸ್ಟ್ರೀಟ್ನಲ್ಲಿ ತಮ್ಮ ಮೂರನೇ ಏಕದಿನ ಶತಕವನ್ನು ಬಾರಿಸಿದರು ಮತ್ತು ಇದು 33 ವರ್ಷ ವಯಸ್ಸಿನ ಬ್ಯಾಟರ್ ಶ್ರೇಯಾಂಕದಲ್ಲಿ ಮೂರು ಸ್ಥಾನಗಳ ಏರಿಕೆ ಕಂಡು ಒಟ್ಟಾರೆ ಮೂರನೇ ಸ್ಥಾನಕ್ಕೆ ಏರಿದರು.