ಇಂಗ್ಲೆಂಡ್ ಟೆಸ್ಟ್ ತಂಡದ ನಾಯಕ ಬೆನ್ ಸ್ಟೋಕ್ಸ್ ಅವರು ಮರುನಿಗದಿಪಡಿಸಲಾದ ಐದನೇ ಟೆಸ್ಟ್ಗೆ ಮುಂಚಿತವಾಗಿ ಭಾರತ ತಂಡಕ್ಕೆ ಎಚ್ಚರಿಕೆ ನೀಡಿದ್ದು, ಎಡ್ಜ್ಬಾಸ್ಟನ್ನಲ್ಲಿ ಜಸ್ಪ್ರೀತ್ ಬುಮ್ರಾ ನಾಯಕತ್ವದ ತಂಡವನ್ನು ಎದುರಿಸುವಾಗ ಇಂಗ್ಲೆಂಡ್ ತಂಡವು ಆಕ್ರಮಣಕಾರಿ ವಿಧಾನವನ್ನು ನಿರ್ವಹಿಸುತ್ತದೆ ಎಂದು ಹೇಳಿದ್ದಾರೆ.
ಭಾರತವು ಈ ಸರಣಿಯಲ್ಲಿ 2-1 ಮುನ್ನಡೆಯಲ್ಲಿದೆ, ಓಲ್ಡ್ ಟ್ರಾಫರ್ಡ್ನಲ್ಲಿನ ಅಂತಿಮ ಪಂದ್ಯದ ಮೊದಲು ಭಾರತ ಶಿಬಿರದಲ್ಲಿ ಕೋವಿಡ್-19 ಪ್ರಕರಣಗಳ ಕಾರಣದಿಂದಾಗಿ ಕಳೆದ ವರ್ಷ ಸರಣಿಯ ಕೊನೆಯ ಪಂದ್ಯವನ್ನು ಮುಂದೂಡಲಾಗಿತ್ತು.
Ind vs Eng: 5ನೇ ಟೆಸ್ಟ್ಗೆ ಆಡುವ 11ರ ಬಳಗ ಹೆಸರಿಸಿದ ವಾಸಿಂ ಜಾಫರ್
"ನಾವು ವಿಶ್ವದ ಅತ್ಯುತ್ತಮ ನ್ಯೂಜಿಲೆಂಡ್ ತಂಡವನ್ನು 3-0 ಅಂತರದಿಂದ ಸೋಲಿಸಿದ್ದೇವೆ, ಭಾರತವು ನಿಸ್ಸಂಶಯವಾಗಿ ಸಂಪೂರ್ಣವಾಗಿ ವಿಭಿನ್ನವಾದ ಎದುರಾಳಿಯಾಗಿದೆ, ವಿಭಿನ್ನ ಕ್ರಿಯಾತ್ಮಕ ತಂಡವಾಗಿದೆ. ಆದರೆ ನಾವು ನಮ್ಮ ಮೇಲೆ ಕೇಂದ್ರೀಕರಿಸುತ್ತಿದ್ದೇವೆ, ನಾವು ಉತ್ತಮವಾಗಿ ಏನು ಮಾಡುತ್ತಿದ್ದೇವೆ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳುತ್ತೇವೆ. ಆದರೆ ಎದುರಾಳಿಗಳು ಬದಲಾದ ಮಾತ್ರಕ್ಕೆ ನಾವು ಬದಲಾಗುತ್ತೇವೆ ಎಂದರ್ಥವಲ್ಲ," ಎಂದು ಬೆನ್ ಸ್ಟೋಕ್ಸ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.
"ನಿಜ ಹೇಳಬೇಕೆಂದರೆ, ನಾನು ಕಳೆದ ಸರಣಿಯಲ್ಲಿ ಕ್ರಿಕೆಟ್ ಅನ್ನು ಸಹ ನೋಡುತ್ತಿರಲಿಲ್ಲ, ನಾನು ಅದರಲ್ಲಿ ಹೆಚ್ಚಿನದನ್ನು ನೋಡಲಿಲ್ಲ (ಕಳೆದ ಬೇಸಿಗೆಯಲ್ಲಿ ಭಾರತ-ಇಂಗ್ಲೆಂಡ್ ಟೆಸ್ಟ್ ಪಂದ್ಯಗಳು). ಆದರೆ ಭಾರತದ ವಿಷಯವೆಂದರೆ ವಿರಾಟ್ ಕೊಹ್ಲಿ ಭಾರತವನ್ನು ಟೆಸ್ಟ್ನಲ್ಲಿ ಮುನ್ನಡೆಸುವ ರೀತಿಯು ನೋಡಬೇಕಾದ ಸಂಗತಿಯಾಗಿದೆ. ಮತ್ತೊಮ್ಮೆ ಭಾರತದ ಸ್ಪರ್ಧೆಯನ್ನು ಎದುರು ನೋಡುತ್ತಿದ್ದೇನೆ," ಎಂದು ಸ್ಟೋಕ್ಸ್ ತಿಳಿಸಿದರು.
ಇಂಗ್ಲೆಂಡ್ ತಂಡವು ನ್ಯೂಜಿಲೆಂಡ್ ವಿರುದ್ಧದ ಆಟಕ್ಕಿಂತ ಹೆಚ್ಚು ಆಕ್ರಮಣಕಾರಿ ಬ್ರಾಂಡ್ ಕ್ರಿಕೆಟ್ ಅನ್ನು ಆಡಬಹುದೇ ಎಂದು ಕೇಳಿದಾಗ, ಅಂತಹ ಒಂದು ತಂಡವಿದ್ದರೆ, ಅದು ನಮ್ಮದು ಮಾತ್ರ' ಎಂದು ಬೆನ್ ಸ್ಟೋಕ್ಸ್ ಹೇಳಿದರು.
ಕಳೆದ ಮೂರು ವಾರಗಳಲ್ಲಿ ನಾವು ಆಡಿದ್ದು ಟೆಸ್ಟ್ ಕ್ರಿಕೆಟ್ ಅನ್ನು ಮಾತ್ರ. ಆಗ ಆಡಿದ ರೀತಿಯಲ್ಲಿ ಮರುರೂಪಿಸುವುದಾಗಿದೆ. ಜನರು ನಮ್ಮ ಆಟವನ್ನು ಆನಂದಿಸಬೇಕೆಂದು ನಾವು ಬಯಸುತ್ತೇವೆ ಎಂದರು.