Click it and Unblock the Notifications
ಕಠಿಣ ಕೆಲಸದ ಜವಾಬ್ದಾರಿ ನ್ಯೂಜಿಲೆಂಡ್ ಕೈಲಿದೆ
ಭಾರತ ವಿರುದ್ಧದ ಟೆಸ್ಟ್ ಹಾಗೂ ಟಿ20 ಸರಣಿ ಕುರಿತು ಮಾತನಾಡಿರುವ ನ್ಯೂಜಿಲೆಂಡ್ ಕೋಚ್ ಗ್ಯಾರಿ, ಕಿವೀಸ್ ಕೈನಲ್ಲಿ ಕಠಿಣ ಕೆಲಸವಿದೆ. ಭಾರತವನ್ನು ಸೋಲಿಸಬೇಕಾದರೆ ಅವರು ತಮ್ಮ ಅತ್ಯುತ್ತಮಕ್ಕಿಂತ ಉತ್ತಮವಾದ ಪ್ರದರ್ಶನ ತೋರಬೇಕಾಗುತ್ತದೆ. ನ್ಯೂಜಿಲೆಂಡ್ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಭಾರತವನ್ನು ಸೋಲಿಸಿದೆ. ಇದರ ಜೊತೆಗೆ ಐಸಿಸಿ ಟಿ20 ವಿಶ್ವಕಪ್ 2021ರಲ್ಲಿ ಭಾರತವನ್ನು ಸೋಲಿಸಿದ್ದರೂ ಸಹ ವಿಲಿಯಮ್ಸ್ನ ಟೀಮ್ ಭಾರತದಲ್ಲಿ ತೀವ್ರ ಸ್ಪರ್ಧೆಯನ್ನೆದುರಿಸಲಿದೆ.
ಮತ್ತೆ ಆರಂಭವಾಗುತ್ತಾ ಭಾರತ vs ಪಾಕಿಸ್ತಾನ ದ್ವಿಪಕ್ಷೀಯ ಸರಣಿ?: ಬಿಸಿಸಿಐ ಅಧ್ಯಕ್ಷ ಗಂಗೂಲಿ ಪ್ರತಿಕ್ರಿಯೆ
ಭಾರತದೆದರು ಗೆಲ್ಲುವುದು ಸುಲಭವಲ್ಲ: ಗ್ಯಾರಿ
ಟಿ20 ವಿಶ್ವಕಪ್ ಮುಗಿದ ಬೆನ್ನಲ್ಲೇ ಭಾರತದೆದರು ಟಿ20, ಟೆಸ್ಟ್ ಸರಣಿಗಳನ್ನ ಆಡುತ್ತಿರುವ ನ್ಯೂಜಿಲೆಂಡ್ ಟೀಮ್ , ಭಾರತದೆದುರು ಗೆಲ್ಲುವುದು ನಿಜಕ್ಕೂ ಸುಲಭದ ವಿಚಾರವಾಗಿಲ್ಲ ಎಂದು ಗ್ಯಾರಿ ಇಎಸ್ಪಿಎನ್ಕ್ರಿಕ್ಇನ್ಫೋಗೆ ಹಂಚಿಕೊಂಡಿದ್ದಾರೆ.
"ಇದು ಖಂಡಿತವಾಗಿಯೂ ಕಠಿಣ ಮತ್ತು ಸವಾಲಾಗಿದ್ದು, ಅದು ನಮ್ಮ ಮುಂದೆ ಇದೆ." ಎಂದು ಗ್ಯಾರಿ ಹೇಳಿದರು. ನ್ಯೂಜಿಲೆಂಡ್ನ T20 ವಿಶ್ವಕಪ್ ತಂಡದ ಭಾಗವಾಗಿರದ ಸದಸ್ಯರು ಈಗಾಗಲೇ ಭಾರತದಲ್ಲಿದ್ದಾರೆ ಮತ್ತು ಸರಣಿಗಾಗಿ ತಯಾರಿ ಆರಂಭಿಸಿದ್ದಾರೆ.
ಡೇವಿಡ್ ವಾರ್ನರ್ರನ್ನ ಖರೀದಿಸಲಿದ್ಯಾ ಆರ್ಸಿಬಿ? ಬ್ರಾಡ್ ಹಾಗ್ ಭವಿಷ್ಯ ನಿಜವಾಗುತ್ತಾ?
ಕಿವೀಸ್ನ 9 ಆಟಗಾರರು ಭಾರತದಲ್ಲಿದ್ದಾರೆ!
"ನಾವು ಈಗಾಗಲೇ ಭಾರತದಲ್ಲಿ 9-10 ಹುಡುಗರನ್ನು ಭಾರತದಲ್ಲಿ ಹೊಂದಿದ್ದೇವೆ. ಈಗಾಗಲೇ ಅವರು ಟೆಸ್ಟ್ ಪಂದ್ಯಗಳಿಗೆ ತಯಾರಿ ನಡೆಸುತ್ತಿದ್ದಾರೆ. ಭಾರತದ ವಿರುದ್ಧ ನಿಜವಾಗಿಯೂ ಉತ್ತಮ ಪ್ರದರ್ಶನವನ್ನು ನೀಡಬಹುದು ಎಂದು ಭಾವಿಸುತ್ತೇವೆ." ಎಂದು ಗ್ಯಾರಿ ತಿಳಿಸಿದ್ದಾರೆ.
ವಿಶ್ವಕಪ್ನಲ್ಲಿ ಭಾಗಿಯಾಗದ ಆಟಗಾರರು ವಿಶ್ವಕಪ್ ಮುಕ್ತಾಯಕ್ಕೂ ಮೊದಲೇ ಭಾರತಕ್ಕೆ ಆಗಮಿಸಿ ತರಬೇತಿಯಲ್ಲಿ ತೊಡಗಿದ್ದರು.
ಲ್ಯೂಕಿ ಫರ್ಗುಸನ್ ಭಾರತದೆದರು ಸರಣಿಗೆ ಲಭ್ಯವಿದ್ದಾರ?
ಕೊನೆಯದಾಗಿ ತನ್ನ ಮಾತು ಮುಗಿಸಿದ ಗ್ಯಾರಿ ಸ್ಟೆಡ್ ಅವರು ಪ್ರಮುಖ ಬೌಲರ್ ಲ್ಯುಕಿ ಫರ್ಗುಸನ್ ಕುರಿತಾಗಿ ಲಭ್ಯತೆ ಬಗ್ಗೆ ಅಪ್ಡೇಟ್ ನೀಡಿದ್ದಾರೆ. ಟಿ20 ವಿಶ್ವಕಪ್ ಆರಂಭದಲ್ಲೇ ಗಾಯಾಳುವಾಗಿ ತಂಡದಿಂದ ಹೊರಬಿದ್ದಿದ್ದ ಫರ್ಗುಸನ್ '' ತಂಡಕ್ಕೆ ಕಂಬ್ಯಾಕ್ ಮಾಡಲು ತುಂಬಾ ಹತ್ತಿರವಾಗಿದ್ದಾನೆ ಎಂದು ನಾನು ಭಾವಿಸುತ್ತೇನೆ'' ಎಂದು ಸ್ಟೆಡ್ ಹೇಳಿದರು.
ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಸರಣಿಯು ನವೆಂಬರ್ 17 ರಂದು ಜೈಪುರದಲ್ಲಿ ಮೊದಲ ಟಿ20 ಪಂದ್ಯದೊಂದಿಗೆ ಪ್ರಾರಂಭವಾಗಲಿದೆ. ಟಿ20 ಸರಣಿಯು ಮುಗಿದ ನಂತರ, ಟೆಸ್ಟ್ ಸರಣಿಯು ನವೆಂಬರ್ 25 ರಂದು ಪ್ರಾರಂಭವಾಗುತ್ತದೆ. ಕಾನ್ಪುರ ಮತ್ತು ಮುಂಬೈ ಟೆಸ್ಟ್ ಸರಣಿಯ ಆತಿಥ್ಯವಹಿಸಲಿದೆ.
Continue with Google