ಅಭ್ಯಾಸ ಪಂದ್ಯ: ಎಸೆಕ್ಸ್ ವಿರುದ್ಧ ಭಾರತದ ಗೌರವಾರ್ಹ ಮೊತ್ತ

Posted By:
india essex three day warm-up game 1st day report

ಚೆಲ್ಮ್ಸ್‌ಫೊರ್ಡ್, ಜುಲೈ 26: ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಗೆ ತಯಾರಿ ನಡೆಸಿರುವ ಭಾರತ ತಂಡ, ಇಲ್ಲಿ ನಡೆಯುತ್ತಿರುವ ಮೂರು ದಿನಗಳ ಅಭ್ಯಾಸ ಪಂದ್ಯದಲ್ಲಿ ಗೌರವಾರ್ಹ ಮೊತ್ತ ದಾಖಲಿಸಿದೆ.

ಎಸೆಕ್ಸ್ ವಿರುದ್ಧದ ಪಂದ್ಯದಲ್ಲಿ ಮುರಳಿ ವಿಜಯ್, ವಿರಾಟ್ ಕೊಹ್ಲಿ, ಕೆ.ಎಲ್. ರಾಹುಲ್ ಹಾಗೂ ದಿನೇಶ್ ಕಾರ್ತಿಕ್ ಅರ್ಧ ಶತಕ ದಾಖಲಿಸಿದ್ದಾರೆ.

ನಿಷೇಧಕ್ಕೊಳಗಾಗಿರುವ ಸ್ಮಿತ್ ಈಗಲೂ ಐಸಿಸಿ ವಿಶ್ವಶ್ರೇಷ್ಠ ಬ್ಯಾಟ್ಸ್ಮನ್!

ಆದರೆ, ಮೇಲಿನ ಕ್ರಮಾಂಕದ ಆಟಗಾರರ ಜವಾಬ್ದಾರಿಯನ್ನು ಕೌಂಟಿ ಚಾಂಪಿಯನ್ ವಿರುದ್ಧದ ಪಂದ್ಯ ತೋರಿಸಿಕೊಟ್ಟಿದೆ.

ಆರಂಭಿಕ ಆಟಗಾರ ಶಿಖರ್ ಧವನ್, ಚೇತೇಶ್ವರ ಪೂಜಾರ ಹಾಗೂ ಅಜಿಂಕ್ಯ ರಹಾನೆ ಈ ಪಂದ್ಯದಲ್ಲಿ ವೈಫಲ್ಯ ಕಂಡರು.

india essex three day warm-up game 1st day report

ಶಿಖರ್ ಧವನ್ ತಾವು ಎದುರಿಸಿದ ಮೊದಲ ಎಸೆತದಲ್ಲಿಯೇ ಔಟಾದರೆ, ಇಂಗ್ಲೆಂಡ್ ನೆಲದಲ್ಲಿ ಅತಿ ಹೆಚ್ಚು ನಿರೀಕ್ಷೆ ಹೊಂದಿರುವ ಪೂಜಾರ ಕೇವಲ ಒಂದು ರನ್ ಗಳಿಸಿದರು. ರಹಾನೆ ಕೂಡ 17 ರನ್‌ ಮಾತ್ರ ಸಂಪಾದಿಸಿದರು.

5 ರನ್ ಆಗಿದ್ದಾಗ ಎರಡು ವಿಕೆಟ್ ಕಳೆದುಕೊಂಡಿದ್ದ ಭಾರತದ ಸ್ಕೋರ್ 44ಕ್ಕೆ ತಲುಪಿದ್ದಾಗ ರಹಾನೆ ಪೆವಿಲಿಯನ್ ಹಾದಿ ಹಿಡಿದರು. ಎಸೆಕ್ಸ್ ಫೀಲ್ಡರ್‌ಗಳು ಎರಡು ಕ್ಯಾಚ್‌ಗಳನ್ನು ಕೈಚೆಲ್ಲಿದ್ದರಿಂದ ಭಾರತ ಸುಧಾರಿಸಿಕೊಳ್ಳಲು ಸಾಧ್ಯವಾಯಿತು.

ಸಂಕಷ್ಟದಲ್ಲಿದ್ದ ತಂಡಕ್ಕೆ ವಿಜಯ್ ಮತ್ತು ಕೊಹ್ಲಿ ನೆರವಾದರು. ನಾಲ್ಕನೆ ವಿಕೆಟ್‌ಗೆ ಇಬ್ಬರೂ 90 ರನ್ ಸೇರಿಸಿದರು. ಮುರಳಿ ವಿಜಯ್ ತಾಳ್ಮೆಯ ಆಟಕ್ಕೆ ಮೊರೆ ಹೋದರೆ, ಕೊಹ್ಲಿ ಆಗಾಗ ಆಕ್ರಮಣಕಾರಿ ಹೊಡೆತಗಳನ್ನು ಬಾರಿಸಿದರು. ಕೊಹ್ಲಿ ಅರ್ಧಶತಕಕ್ಕೆ ಜೀವದಾನದ ಕೊಡುಗೆಯೂ ಸಿಕ್ಕಿತು.

ಏಷ್ಯಾ ಕಪ್ ವೇಳಾಪಟ್ಟಿ ಪ್ರಕಟ: ಸೆ.19ಕ್ಕೆ ಭಾರತ-ಪಾಕಿಸ್ತಾನ ಕದನ

13 ರನ್ ಅಂತರದಲ್ಲಿ ಇಬ್ಬರೂ ಔಟಾದಾಗ ತಂಡ ಮತ್ತೆ ಕಷ್ಟಕ್ಕೆ ಸಿಲುಕಿತು. ಈ ವೇಳೆ ಕೆ.ಎಲ್. ರಾಹುಲ್ ಮತ್ತು ದಿನೇಶ್ ಕಾರ್ತಿಕ್ ಜೋಡಿ ಎಸೆಕ್ಸ್ ಬೌಲರ್‌ಗಳನ್ನು ಸಮರ್ಥವಾಗಿ ಎದುರಿಸಿ ಶತಕದ ಜತೆಯಾಟ (114) ನೀಡಿದರು.

ಕಾರ್ತಿಕ್ ವೇಗದ ಆಟಕ್ಕೆ ಒತ್ತು ನೀಡಿದರು. ರಾಹುಲ್ ಆಗಾಗ ಬೌಂಡರಿಗಳನ್ನು ಬಾರಿಸಿ ರನ್ ಗತಿ ಹೆಚ್ಚಿಸಿದರು.

ರಾಹುಲ್ ಔಟಾದ ಬಳಿಕ ಮುರಿಯದ ಏಳನೇ ವಿಕೆಟ್‌ಗೆ 51 ರನ್ ಪೇರಿಸಿರುವ ಕಾರ್ತಿಕ್ ಮತ್ತು ಹಾರ್ದಿಕ್ ಪಾಂಡ್ಯ ಜೋಡಿ ಗುರುವಾರ ಆಟ ಮುಂದುವರಿಸಲಿದೆ.

ಶತಕ ದಾಖಲಿಸಲು 18 ರನ್‌ಗಳ ಅವಶ್ಯಕತೆಯಿರುವ ದಿನೇಶ್ ಕಾರ್ತಿಕ್ ಆಟ ಗಮನ ಸೆಳೆದಿದ್ದು, ಟೆಸ್ಟ್ ತಂಡದಲ್ಲಿ ಅವರು ಅವಕಾಶ ಪಡೆಯುವ ಸಾಧ್ಯತೆ ಹೆಚ್ಚಾಗಿದೆ.

ನಾಲ್ಕು ದಿನ ನಡೆಯಬೇಕಿದ್ದ ಪಂದ್ಯವನ್ನು ಬಿಸಿ ಗಾಳಿಯ ಕಾರಣದಿಂದ ಮೂರು ದಿನಕ್ಕೆ ಇಳಿಸಲಾಗಿದೆ. ಜುಲೈ 27ರಂದು ಎಸೆಕ್ಸ್ ವಿರುದ್ಧದ ಪಂದ್ಯ ಮುಗಿದ ಬಳಿಕ ಭಾರತ ತಂಡವು ಬರ್ಮಿಂಗ್‌ಹ್ಯಾಮ್‌ಗೆ ತೆರಳಲಿದೆ.

ಸ್ಕೋರ್
ಭಾರತ: ಮುರಳಿ ವಿಜಯ್ 53, ಶಿಖರ್ ಧವನ್ 0, ಚೇತೇಶ್ವರ ಪೂಜಾರ 1, ಅಜಿಂಕ್ಯ ರಹಾನೆ 17, ವಿರಾಟ್ ಕೊಹ್ಲಿ 68, ಕೆ.ಎಲ್. ರಾಹುಲ್ 58, ದಿನೇಶ್ ಕಾರ್ತಿಕ್ 82*, ಹಾರ್ದಿಕ್ ಪಾಂಡ್ಯ 33*.
ಮ್ಯಾಟ್ ಕೋಲ್ಸ್ 31/2, ಪೌಲ್ ವಾಲ್ಟರ್ 90/2, ಮ್ಯಾಥ್ಯೂ ಕ್ವಿನ್ 27/1.

For Quick Alerts
ALLOW NOTIFICATIONS
For Daily Alerts

    ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

    Story first published: Thursday, July 26, 2018, 9:57 [IST]
    Other articles published on Jul 26, 2018
    POLLS

    myKhel ನಿಂದ ತಾಜಾ ಸುದ್ದಿಗಳನ್ನು ಪಡೆಯಿರಿ

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more