ಮೊದಲನೇ ಓವರ್ ದೇವ್ರಿಗೆ! ನಾವು 19 ಓವರ್ ಕ್ರಿಕೆಟ್ ಆಡುತ್ತಿದ್ದೇವೆ ಎಂದ ಆಕಾಶ್ ಚೋಪ್ರಾ

19 ಓವರ್ ಅಷ್ಟೇ ಆಡುತ್ತಿದ್ದೇವೆ

"ರೋಹಿತ್ ಶರ್ಮಾ ಇದುವರೆಗೆ ರನ್ ಗಳಿಸಿಲ್ಲ. ಸೆಮಿಫೈನಲ್‌ನಲ್ಲಿ ಅವರು ರನ್ ಗಳಿಸಿದರೆ ಒಳ್ಳೆಯದು. ಆದರೆ ಅವರು ಮತ್ತೆ ವಿಫಲರಾದರೆ ಹೇಗೆ? ನಾವು ಮೊದಲ ಓವರ್ ಅನ್ನು ಮೇಡನ್ ಆಗಿ ಆಡುತ್ತಿದ್ದೇವೆ. ಅಂದರೆ ನಾವು 19 ಓವರ್ ಮಾತ್ರ ಆಡುತ್ತಿದ್ದೇವೆ" ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.

"ಈ ಬಾರಿ ನಿಧಾನವಾಗಿ ಇನ್ನಿಂಗ್ಸ್ ಪ್ರಾರಂಭಿಸಲು ನೋಡಬಾರದು. ಇದು ಮತ್ತೆ 19 ಓವರ್ ಪಂದ್ಯವಾಗಬಾರದು, 20 ಓವರ್ ಗಳಲ್ಲಿ ಭಾರತ ರನ್ ಗಳಿಸಬೇಕು, ಇಲ್ಲದಿದ್ದರೆ, ಇಂಗ್ಲೆಂಡ್ ವಿರುದ್ಧ ಗೆಲ್ಲುವುದು ಕಷ್ಟವಾಗುತ್ತದೆ" ಎಂದು ಅವರು ಹೇಳಿದರು.

ಈ ತಂಡವೇ ವಿಶ್ವಕಪ್ ಗೆಲ್ಲಲಿದೆ: ಎಬಿ ಡಿವಿಲಿಯರ್ಸ್ ಭವಿಷ್ಯಕ್ಕೆ ಟೀಮ್ ಇಂಡಿಯಾ ಅಭಿಮಾನಿಗಳು ಹರ್ಷ!

ಜಿಂಬಾಬ್ವೆ, ದಕ್ಷಿಣ ಆಫ್ರಿಕಾ ವಿರುದ್ಧ ನೀರಸ ಆರಂಭ

ಸೂಪರ್ 12 ಹಂತದ ಪಂದ್ಯಗಳಲ್ಲಿ ಭಾರತ ತಂಡ ಜಿಂಬಾಬ್ವೆ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧ ಮೊದಲ ಓವರ್ ಮೇಡನ್ ಇಂದ ಆಡಂಭಿಸಿದರೆ. ಬಾಂಗ್ಲಾದೇಶದ ವಿರುದ್ಧ ಮೊದಲ ಓವರ್‌ನಲ್ಲಿ ಕೇವಲ ಒಂದು ರನ್ ಗಳಿಸಿದರು.

ಭಾರತ ತಂಡದ ಪವರ್‌ಪ್ಲೇ ಓವರ್‌ಗಳಲ್ಲಿ ಬಾಂಗ್ಲಾದೇಶದ ವಿರುದ್ಧ ಬಂದ 46 ರನ್‌ಗಳನ್ನು ಗಳಿಸಿದ್ದು ಅತ್ಯಧಿಕ ಸ್ಕೋರ್ ಆಗಿದೆ. ಇಂಗ್ಲೆಂಡ್‌ನ ಬಲಿಷ್ಠ ಬ್ಯಾಟಿಂಗ್ ಲೈನ್‌ಅಪ್ ಅನ್ನು ಗಮನಿಸಿದರೆ ಅವರು ಮೊದಲ ಆರು ಓವರ್ ಅಧಿಕ ರನ್ ಗಳಿಸುವ ಸಾಮರ್ಥ್ಯ ಹೊಂದಿದ್ದಾರೆ.

ಇಂಗ್ಲೆಂಡ್ ವಿರುದ್ಧ ಆಕ್ರಮಣಕಾರಿಯಾಗಿ ಆಡಬೇಕು

ಸೆಮಿಫೈನಲ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ಗೆಲುವು ಸಾಧಿಸಬೇಕಾದರೆ ಟೀಂ ಇಂಡಿಯಾ ಆಕ್ರಮಣಕಾರಿ ಆಟಕ್ಕೆ ಮುಂದಾಗಬೇಕು ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ. ಭಾರತ ಇದುವರೆಗೂ ಪವರ್ ಪ್ಲೇಯಲ್ಲಿ ರಕ್ಷಣಾತ್ಮಕವಾಗಿ ಆಡಿದೆ, ಆದರೆ ಇಂಗ್ಲೆಂಡ್ ವಿರುದ್ಧ ಈ ತಂತ್ರ ಸಹಕಾರಿಯಾಗುವುದಿಲ್ಲ ಎಂದು ಹೇಳಿದ್ದಾರೆ.

ದಿನೇಶ್ ಕಾರ್ತಿಕ್, ಹಾರ್ದಿಕ್ ಪಾಂಡ್ಯ, ಅಕ್ಷರ್ ಪಟೇಲ್ ಇದುವರೆಗೂ ಬ್ಯಾಟಿಂಗ್‌ನಲ್ಲಿ ಹೇಳಿಕೊಳ್ಳುವಂತ ಪ್ರದರ್ಶನ ನೀಡಿಲ್ಲದ ಕಾರಣ, ರೋಹಿತ್ ಶರ್ಮಾ ಆರಂಭದಲ್ಲಿ ಜವಾಬ್ದಾರಿ ತೆಗೆದುಕೊಂಡು ರನ್ ಗಳಿಸಬೇಕು ಎಂದು ಅಭಿಪ್ರಾಯಪಟ್ಟರು.

ಬ್ಯಾಟಿಂಗ್‌ನಲ್ಲಿ ವಿಫಲರಾಗಿರುವ ರೋಹಿತ್

ವಿರಾಟ್ ಕೊಹ್ಲಿ ವೇಗವಾಗಿ ಆಡುವ ಮುನ್ನ ನಿಧಾನವಾಗಿ ರನ್ ಗಳಿಸುತ್ತಾರೆ. ಆದ್ದರಿಂದ, ರೋಹಿತ್ ಶರ್ಮಾ ಆರಂಭದಲ್ಲಿ ವೇಗವಾಗಿ ರನ್ ಗಳಿಸಲು ನೋಡಬೇಕು ಎಂದು ಅವರು ಹೇಳಿದರು.

ನಾವು ಟೆಂಬಾ ಬವುಮಾ ಅಥವಾ ಆರನ್ ಫಿಂಚ್ ಬಗ್ಗೆ ಹೇಳುತ್ತೇವೆ. ಆದರೆ, ರೋಹಿತ್ ಶರ್ಮಾ ಅವರ ಫಾರ್ಮ್ ಕೊರತೆಯನ್ನು ಬಗ್ಗೆಯೂ ಮಾತನಾಡಬೇಕಿದೆ. ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.

ರೋಹಿತ್ ಶರ್ಮಾ ಟೂರ್ನಿಯಲ್ಲಿ ಇದುವರೆಗೆ ಐದು ಪಂದ್ಯಗಳಲ್ಲಿ 89 ರನ್ ಕಲೆಹಾಕಿದ್ದಾರೆ. ಅವರು ನೆದರ್ಲ್ಯಾಂಡ್ಸ್ ವಿರುದ್ಧ 53 ರನ್ ರನ್ ಹೊಡೆದದ್ದು ಬಿಟ್ಟರೆ ಉಳಿದ ಪಂದ್ಯಗಳಲ್ಲಿ ಸಂಪೂರ್ಣ ವೈಫಲ್ಯ ಅನುಭವಿಸಿದರು.