Click it and Unblock the Notifications
ಸ್ಮಿತ್ ಭರ್ಜರಿ ಬ್ಯಾಟಿಂಗ್‌
ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ನಲ್ಲಿ ಚೆಂಡು ವಿರೂಪದಲ್ಲಿ ಪಾಲ್ಗೊಂಡು ಒಂದು ವರ್ಷದ ನಿಷೇಧ ಶಿಕ್ಷೆಗೀಡಾಗಿದ್ದ ಸ್ಮಿತ್, 16 ತಿಂಗಳ ಬಳಿಕ ಆ್ಯಷಸ್ ಟೆಸ್ಟ್ ಸರಣಿಗೆ ಮರಳಿದ್ದರು. 4ನೇ ಆ್ಯಷಸ್ ಟೆಸ್ಟ್‌ನ ಮೊದಲನೇ ಇನ್ನಿಂಗ್ಸ್‌ನಲ್ಲಿ 211 ರನ್ ಬಾರಿಸಿದ್ದರು. ಇದು ಈ ವರ್ಷದಲ್ಲಿ ಟೆಸ್ಟ್ ಇನ್ನಿಂಗ್ಸ್‌ನಲ್ಲಿ ದಾಖಲಾದ ಅತ್ಯಧಿಕ ರನ್ ಆಗಿ ಗುರುತಿಸಿಕೊಂಡಿತ್ತು.
ಮಯಾಂಕ್ ಅಬ್ಬರದಾಟ
ವಿಶಾಖಪಟ್ಟಣದಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದ 2ನೇ ದಿನದಾಟದ ವೇಳೆ ಆರಂಭಿಕ ಬ್ಯಾಟ್ಸ್‌ಮನ್ ಮಯಾಂಕ್ ಅಗರ್ವಾಲ್, 215 ರನ್ ಬಾರಿಸಿದ್ದರು. ಇದರಲ್ಲಿ 6 ಸಿಕ್ಸರ್, 23 ಫೋರ್‌ಗಳು ಸೇರಿದ್ದವು. ಮಯಾಂಕ್ ಈ ಸಾಧನೆ ಈ ವರ್ಷದ ಟೆಸ್ಟ್ ಇನ್ನಿಂಗ್ಸ್‌ನ ಅತ್ಯಧಿಕ ರನ್ ಆಗಿದೆ. ಸ್ಮಿತ್ ರನ್ ಸಾಧನೆ ಈಗ 2ನೇ ಸ್ಥಾನದಲ್ಲಿದೆ.
ದ್ವಿಶತಕ ಸಾಧಕರು
2019ರ ಟೆಸ್ಟ್ ಇನ್ನಿಂಗ್ಸ್‌ ಒಂದರಲ್ಲಿ ಅತ್ಯಧಿಕ ರನ್‌ಗಾಗಿ ಮಯಾಂಕ್, ಸ್ಮಿತ್ ಮೊದಲೆರಡು ಸ್ಥಾನದಲ್ಲಿ ಗುರುತಿಸಿಕೊಂಡರೆ ವೆಸ್ಟ್ ಇಂಡೀಸ್‌ನ ಜೇಸನ್ ಹೋಲ್ಡರ್ ಅವರ ಇಂಗ್ಲೆಂಡ್‌ ವಿರುದ್ಧದ ದ್ವಿಶತಕ (202* ರನ್), ನ್ಯೂಜಿಲೆಂಡ್‌ನ ಕೇನ್ ವಿಲಿಯಮ್ಸನ್ ಅವರ ಬಾಂಗ್ಲಾ ವಿರುದ್ಧದ ದ್ವಿಶತಕ (200*), ನ್ಯೂಜಿಲೆಂಡ್‌ನ ರಾಸ್‌ ಟೇಲರ್ ಅವರ ಬಾಂಗ್ಲಾದೇಶದ ವಿರುದ್ಧದ ದ್ವಿಶತಕ (200) ಸಾಧನೆ ಅನಂತರದ ಸ್ಥಾನಗಳಲ್ಲಿವೆ.
ರೋಹಿತ್-ಮಯಾಂಕ್
ಭಾರತದ ನೆಲದಲ್ಲಿ ಚೊಚ್ಚಲ ಬಾರಿಗೆ ಟೆಸ್ಟ್ ಆರಂಭಿಕರಾಗಿ ಆಡಿದ್ದ ರೋಹಿತ್ ಶರ್ಮಾ-ಮಯಾಂಕ್ ಅಗರ್ವಾಲ್ ಮೊದಲ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ 317 ಜೊತೆಯಾಟ ನೀಡಿತ್ತು. ಇದು ಭಾರತದ ಟೆಸ್ಟ್ ಆರಂಭಿಕ ಜೋಡಿ ನೀಡಿದ 3ನೇ ಅತ್ಯುತ್ತಮ ಜೊತೆಯಾಟ ದಾಖಲೆಗೆ ಕಾರಣವಾಗಿದೆ. ವಿನೋದ್ ಮಂಕದ್-ಪಂಕಜ್ ರಾಯ್ (413 ರನ್), ರಾಹುಲ್ ದ್ರಾವಿಡ್-ವೀರೇಂದ್ರ ಸೆಹ್ವಾಗ್ (410 ರನ್) ಮೊದಲ ಎರಡು ಸ್ಥಾನಗಳಲ್ಲಿದ್ದಾರೆ.
